عدم توافرقطع غيار 3008

[gmshaalan]

ارجو الافادة من ملاك بيجو 3008 2015 حيث اننى سمعت من احد اصدقائى بعدم توافر بعض قطع الغيار الخاصة بالسيارة بعد معمل حادث بالعربية و ذلك لان حجم مبيعاتةا فى مصر قليلة جدا بالمقارنة بمثيلتها فى مصر

ممكن السبب فى قلة المبيعات هو عدم اهتمام الوكيل بالتسويق الجيد لها مع قلة الكمليات التى تنزل بيها 3008 مصر حيث ان الهاى لاين بدوا بلوتوث و الكروز كونترول و الكميرا الخلفية و التى بتنزل فى السيلرات الاقل من فئة 3008

ارجو الافادة العاجلة بخصةص قطع الغيار

[adel1212]

يعني بيجو تعمل العربية و تقدملنا حاجة محترمة
و التوكييييييل الـ؟؟؟؟؟؟؟؟؟؟؟؟؟؟؟؟؟ يموتها
و الله حرام
ساعات بحس ان توكيلات العربيات المحترمة بتموت العربية مش بتسوقها
تحياتي

[gmshaalan]

عندك حق ولاهى انا عن نفسى مش عارف لية التوكيلات بتعمل كدة فى مصر حد يبقى عندة توكيل محترم مثل بيجو و يعمل فية كدة تب فين الشركة الام من انخفاض المبيعات فى تلك الفئة من السيارات

اقسم باللة 3008 عاجبانى مووت بس الجميع خوفونو من ندرة قطع غيارها خصوصا لاقدر اللة فى حالة حدوث اى حادث

[Ammpage]

ماتور ٣٠٠٨ هو نفس ماتور ٥٠٨ ومعرفش هل نفس العفشة ام لا .. يعني قطع الغيار اغلبها واحد في العربيتين ، وانا قابلت اثناء الصيانة مالك ٣٠٠٨ في التوكيل كان عامل حادثة جامدة بالعربية والايرباج الأمامي فتح وطبعا الطابلوه اتغير وأجزاء كتير من عفشة العربية اغلب الحاجات جابها من التوكيل والباقي اشتراها من بره علشان فرق السعر زي الايرباج .
الخلاصة في حالة الحوادث ممكن متلاقيش قطعة غيار بس التوكيل بيبعت يجبها ولو سألت بره عند الناس المتخصصة في بيع قطع غيار البيجو هتلاقيها وأسعارها أرخص من الكوري والياباني .