اسئله قبل حجز ال 301

[خالد كمال]

اخوكم خالد جديد معاكم فى المنتدى لسا متعلم سواقه من حوالى شهرين بسوق حاليا كيا كاينز مانيوال و بفكر اجيب ال 301 اوتو بس حابب استفسر عن كذا نقطه
اولا انا عمرى ما سوقت اوتو هل هواجه مشكله فيها و هل العربيه الزيرو حتتبهدل منى ؟؟
2- بحكم ان 301 لسا جديده فى السوق و الناس لسا بتستكشف مميزاتها و عيوبها زى موضوع النتشه دا مثلا هل انا كشخص جديد عل الاوتو الموضوع حيزيد معايا مع العلم ان استخدامى معظمه داخل البلد و قليل اوى السفر
3-كلمت توكيل بيجو فى اسكندريه قالى لو حتحجزها حتستلمها بعدها بشهر و بسعرها الرسمى هل فعلا الاستلام بعد شهر عشان انا سمعت انها ممكن تمد لشهرين و 3
معلش يا جماعه هيا اسئله غريبه بس انا فعلا لسا جديد فى السواقه و العربيات يا ريت تفيدونى بنصحيتكم

[خالد كمال]

يعنى مفيش امل ان حد يرد
متشكرين يا رجاله

[Ashaw2y]

هو انا معايا مانيوال بس الاوتوماتيك نزله مؤخرا سوفت وير و مبقتش النتشة دي موجودة طبعا الكلام من ملاك الاوتوماتيك
سواقة الاوتوماتيك مفروض انها اسهل من المانيوال فلو حضرتك بتسوق كويس في المانيوال مفيش مشكلة خالص في الاوتوماتيك دي هتريح حضرتك اكتر
الاستلام من التوكيل كان علي ايامي بيقولوا 3 شهور و استلمتها بعد 4 شهور مش عارف دلوقتي لسه نفس الضغط ولا بقي اقل ممكن في اسكندرية يبقي موضوع اقل من القاهرة اتأكد منهم في التوكيل
و مبروك مقدما

[mahmed0100]

الاوتوماتيك اسهل و حتنبسط من سواقتها جدا
البيجو ال ٣٠١ اللي انت حتستلمها ان شاء الله من الدفعات الجديده اللي نزله بالسوفت وير الجديد و مفيش اي نتشه غير ان العربيات موديل ٢٠١٣ و ٢٠١٤ نزل ليها update للسوفت وير و انا نزلته الاسبوع ده و مفيش لا نتشه و لا في احساس بالغيارات اساسا و سحب العربيه بقي كويس جدا عن الاول كمان
ال ٣٠١ ابعادها سهله جدا حتاخد عليها بسرعه
الاستلام غالبا بعد شهر و نص لو هاي لاين
كان زمان ٣ شهور لكن في ناس بقت تستلم بسرعه الايام دي
و بالتوفيق ان شاء الله ليك