سؤال هام و لآخر مره بخصوص بيجو 301

[gold dust]

السلام عليكم ورحمة الله وبركاته
انا عارف ان الموضوع اللى هتكلم فيه اتكرر كتير و لكنى لم اجد الرد القوى و الذى يطمأن قلبى به
اولا انا امتلك سياره سايبا برايد (وما ادراكم ما هى) ان شاء الله فى الاشهر القليله القادمه هشترى عربيه تانيه ونفسى اشترى الاسد الفرنسى 301 بس فيه نقطتين مهمين جدا جدا عندى
1.التكييف انا جربت تكييف كل من الفيرنا واللانوس والنوبيرا وكانو ممتازين فى عز الحر والسؤال هنا هل تكييف بيجو 301 لم يستطيع ان يصل لدرجة التبريد والكفاءه اللى وصلهم تكييف اللانوس (على حد تجربتى).
2. هل السحب اتأثر جدا بالتكييف لدرجة ان فى ناس بتقول على العربيه (بطه بلدى) ودى حاجه ما ظهرتش معايا فى اللانوس خاصة انها جابت معايا 150-160 كم مع تشغيل التكييف على طريق مصر اسكندريه الصحراوى .
انا اسف بس هى دى النقط اللى مهمه عندى و ربنا يعلم بالتعب و المجهود اللى اتبذل واللى هيتبذل لتكملة ثمن العربيه.
وللعلم انا استخدامى للعربيه بسيط جدا بس انا عايز ابقى مبسوط و مطمأن وانا مسافر
وشكرا

[gold dust]

ايه يا شباب السؤال صعب قوى كده طب نحذف اجابتين

[solimanss]

موضوع التكييف دا اتحل نهائيا فى الستروين الايليزيه عن طريق سوفت وير جديد اما ال 301 لم يحل جزئيا لعدم كفاءه التوكيل ( مع تحفظى على التوكيلين من الاساس) اما لقوه التكييف فليس بكفاءه اليابانى او الكورى كعاده الوربى ولكنه معقول اجمالا تحياتى

[temo2004]

التكييف معقول جدا وبالفعل مش زي الياباني بالنسبة للسحب مع التكييف فده نزله سوفت من شهر او اكتر يحل المشكلة واكيد يعني مش سترويه هتنزل سوفت وبيجو لا لان الاتنين من نفس المصنع
ياريت نتاكد من معلوماتنا سواء المميزات او العيوب

[تامر.محمد]

طالما سحب اللانوس عجبك يبقى سحب اي عربية 1600 هايعجبك لأن اللانوس الstock بطة بلدي برده :)

[gold dust]

متشكر جدا ليكم وربنا ان شاء الله يهدينا للاختيار الانسب

[solimanss]

انا مقلتش منزلش للبيجو انا معترض فقط على كفاءه التوكيل (عن تجربه (سياره زوجتى)) لدرجه ان فى صديق لى فى عز العرب هو اللى زبطها فالرجاء ابداء الرأى عن تجربه ههههههههههه تحياتى

[ابو هنا]

انا حجوبك على سوالينك وبعد كدة حقولك راي
1- تكييف العربية قوي جدا وبجد تلاجة في عز الحر بس الكلام دة بردو في الاسكندرية .
2- السحب مع التكييف لا بجد بتقلب بطة بلدي ، وصوت الموتور بيعلى بشكل ملحوظ ولاكنه ليس مزعج للدرجة .
اجمالا هى افضل سيارة في فئتها السعرية ، بس نصيحة من اخ عايز تتمتع ب301 لازم تجبها هاي لاين لو ميزانيتك اقل منها خليك في حاجة تانية .
العربية فيها مميزات وعيوب زيها زي غيرها
لو انت بتاع سرعات عالية العربية ممتازة جدا على السرعات العالية انا رحت من الاسكدرية الى شرم في 8 ساعات بالاستراحة واوقات كتير 190 كم ومنتها الامان
ولازم تشتري العربية الى انت نفسك فيها وحاببها
انا لو رجع بيا الزمن تاني كنت اكير حختارها تاني

[gold dust]

سيدى الاستاذ ابو الهنا شكرا جدا على رد حضرتك انا فى قمة الحيره بين السيارات اللى موجوده فى حدود 145 الف بس انا نفسى فى عربيه بتسحب كويس انا بكتيرى 120 كم/ساعه لانى بخاف لما بزود عن كده مش علشان مبعرفش اسوق انا بخاف من اخطاء الغير والسرعه اللى انا ذكرتها فوق دى كانت تجربه مدتها دقايق مش اكتر المهم عندى التكييف لانى انا بكره الجو الحر جدا . وعلى فكره كل ماجى اتفرج على عربيه ارجع تانى لل 301 مش شايف قدامى غيره ومقتنع بيها جدا بس كنت لازم اخد رأى ملاكها

الاستاذ solimanss متشكر جدا لرد حضرتك

اخوكم احمد عيد

[ابو هنا]

سيدى الاستاذ ابو الهنا شكرا جدا على رد حضرتك انا فى قمة الحيره بين السيارات اللى موجوده فى حدود 145 الف بس انا نفسى فى عربيه بتسحب كويس انا بكتيرى 120 كم/ساعه لانى بخاف لما بزود عن كده مش علشان مبعرفش اسوق انا بخاف من اخطاء الغير والسرعه اللى انا ذكرتها فوق دى كانت تجربه مدتها دقايق مش اكتر المهم عندى التكييف لانى انا بكره الجو الحر جدا . وعلى فكره كل ماجى اتفرج على عربيه ارجع تانى لل 301 مش شايف قدامى غيره ومقتنع بيها جدا بس كنت لازم اخد رأى ملاكها

الاستاذ solimanss متشكر جدا لرد حضرتك

اخوكم احمد عيد

انا باكد لحضرتك انا التكييف تلاجة ومش حتستحمله عالي على طول حتى الي قاعد ورا حيسقع بجد تكييف بارد وقوي
ولكن بكل امانة بياثر على سحب العربية بشكل قوي وهوات الشد حيكون بالنسبلهم شئ ممل ، وبيعلي صوت الموتور بشكل كبير
ممكن تبص على التويوتا الياريس 1500سس بسعر 145 الف
على فكرة الي بيقارن بين 301 واي عربية اخري صدقني بيختار 301 ليها سحر خاص مش بيحس بيه غير الي بيمتلكها