التكييف

[youssefmustang]

بسم الله الرحمن الرحيم
كنت عايز اسأل هل ينفع يركب تكييف للبيجو 504 ولا ايه طبعا ما تنسوش ان موتورها 2000 سى سى يعنى مش هيأثر على السحب خالص ..
ارجو الافادة من اصحاب البيجو المحترمين..
اخوكم يوسف

[Nour_Peugeot]

ايوه يا باشا ينفع اعتقد ان بيركب عليها تكيف ال 505

[youssefmustang]

شكرا يا نور والله طمنتنى على موضوع التكييف ده وكنت خايف اوى منه
شكرا

[Nour_Peugeot]

العفو يا باشا ده انت من عصابه بيجو ؟؟

[powerofhelll]

تكيف ال 505 يا باشا
بس للعلم بيخنق العربيه شويه و يستحسن متشدش بالعربيه و هوا شغال

[nabaster]

سلام عليكم

بص يا باشا اولا علشان تركب تكيف في 504 ده عادي جدا لان في موديلات منها كانت بتنزل بتكييف

تاني حاجه بقي حط بقي في اعتبارك تحط من 3200 ل 4000 جنيه ميزانيه مبدأيه

انتا هتجيب سبرنتينه خراطيم امبوبة الغاز الكمبوريسر متنساش بقي قبل ده كله حاجه مهمه جداااااااااااا

مكان التكيف الي هيتحط جوه العربيه تحت التابلوه (ده لو مش عندك مدورش مش هتلاقيه)

وسيبك من الي يقولك هيبقي مخنوق وكل ده (مع احترامي لكاتب البوست) اي تكييف بيخنق اي عربيه اكيد واكيد مينفعش تشد وانتا مشغل تكييف دي مش حاجه جديده ده ثابت

علي فكره ال 505 زي ال 504 في الميكانيكا بنسبة 98% و ممكن الميكانيكا تبقي زيها بنسبة 99%
تخيلو ان فردة سلاح 505 ممكن تركب في ال 504 وكراسي النص وقمرة الموتور

لو جينا بقي للميكانيكا متعدش حاجات بسيطه جدا جدا الي متركبش هنا
مثال: (عمة) موتور الطياره متركبش في ال 504 ولو عايز تتركبها تعديلها بردو بسيط وتركب

ويارب اكون افادتك يا باشا وتحت امرك