هو سعر البيجو هيقل ؟؟

[khaledelhakim]

السلام عليكم


انا كان عندي استفسار من اهل الخبره هل سعر البيجو هيقل في اول السنة عشان موضوع تخفيض
الجمارك ؟؟ولا هيستهبلوا والموضوع يطلع فششنك؟؟


لاني محتار بينها و بين الصني الجديده ومش عارف اعمل ايه ؟؟


فممكن تفدوني ؟؟

[sherif4004]

المفروض انه يطبق على كل الأوربي

[Ahmedabbas1980]

هات البيجو ،كانت معايا الصني الجديدة وبعتها ،عربية ورق ومشاكلها كتير ،وعايز أجيب ال 301 ومستني أشوف موضوع الجمرك

[م أحمد]

على حسب ما تداوله الاخوة المحترمون فى المنتدى الجمارك هتقل فعلا بنسبة 10 % و الجمرك نسبته الاجمالية 40 % من ثمن العربية (يعنى ال 10 % تخفيض من ال 40 % مش من الثمن الكلى) يعنى صافى التخفيض من الثمن الكلى 4 %
وعلشان الدولار زاد هو كمان هتلاقى المحصلة صفر !!!

[yasser100]

على حسب ما تداوله الاخوة المحترمون فى المنتدى الجمارك هتقل فعلا بنسبة 10 % و الجمرك نسبته الاجمالية 40 % من ثمن العربية (يعنى ال 10 % تخفيض من ال 40 % مش من الثمن الكلى) يعنى صافى التخفيض من الثمن الكلى 4 %
وعلشان الدولار زاد هو كمان هتلاقى المحصلة صفر !!!

كلام مظبوط . ده اللى الناس مش فاهماه و ما فيش حد من المسئولين بيوضح و يفاجأ الناس اللى منتظره انه ما فيش حاجه نزلت . يحصل هجوم على الشرا تانى و هنا ممكن الاسعار تزيد و الحجز يطول لعدم وجود سيارات كافيه .

[khaledelhakim]

هات البيجو ،كانت معايا الصني الجديدة وبعتها ،عربية ورق ومشاكلها كتير ،وعايز أجيب ال 301 ومستني أشوف موضوع الجمرك

على البركة يا باشا ومبروك مقدما

فعلا الصني تعبانة اوى او مناسبة لل يقبل عيوبها

[khaledelhakim]

المفروض انه يطبق على كل الأوربي

يا مسهل ياررب مفيش حاجة بترخص في البلد دي