ال 406 بتبطل بعد الدوارة

[Abdo Taha]

السلام عليكم يا رجالة البيجو

ال 406 بتاعة والدي اول ما بيدورها الصبح لازم يفضل مسندلها سنة بنزين و الا هتبطل مع العلم انه لسة عاملها صيانة و مغير بوجيهات و فلتر هوا و العربية محتاجة قاعدة محرك تتغير

تفتكرو ممكن يكون من ايه ؟

[demonarundo]

غالبا مشكلة فى الـ vacuum , ممكن الميكانيكى لعب فى وصلات الهوا

[Mecha]

ممكن بوابه او السلانسيه واطي

[م أحمد]

الموضوع دا كان بيحصل قبل الصيانة ؟

[Abo_Mazen]

العربيه كارب ولا انجيكشن

[Abdo Taha]

العربيه كارب ولا انجيكشن

انجكشن

[Abdo Taha]

الموضوع ده بيحصل خصوصا لو ادتها نقلة خصوصا ال r

[abou-yahia]

اسنيبر محتاج تنظيف في الاغلب

[Abdo Taha]

الموضوع دا كان بيحصل قبل الصيانة ؟

اه قبل و بعد

[م أحمد]

اه قبل و بعد

انت مش كاتب الصيانة شملت تنظيف البوابة ولا لأ

لو ماكنتش عملتها أبدأ بتنظيف البوابة هى و الجزء البلاستيكى فوق البوابة اللى عامل زى العمة فى العربيات الكاربيراتير و اللى داخل عليه ال PCV لان دا بيتجمع فيه زيوت كتير من النفس الخارج من الموتور ومش قطعة مدموجة مع البوابة

و الاستبر stepper motor (الأيدل) جزء من البوابة زى ما أبو يحيى قايل

[NASSER2]

اكشف علي طرمبة البنزين احتمال يكون ضغطها ضعيف

[Mecha]

مش طرمبة ابدا

[Abdo Taha]

انت مش كاتب الصيانة شملت تنظيف البوابة ولا لأ

لو ماكنتش عملتها أبدأ بتنظيف البوابة هى و الجزء البلاستيكى فوق البوابة اللى عامل زى العمة فى العربيات الكاربيراتير و اللى داخل عليه ال pcv لان دا بيتجمع فيه زيوت كتير من النفس الخارج من الموتور ومش قطعة مدموجة مع البوابة

و الاستبر stepper motor (الأيدل) جزء من البوابة زى ما أبو يحيى قايل

انا شكيت في الاتنين دول فعلا و الصيانة الجاية هخلي والدي ينظفهم مع تغيير الزيت و هقلكم ايه الاخبار و الف شكر