برجاء المساعده في شراء بيجو ٣٠٠٨

[mahmoudsmh]

السلام عليكم
انا كنت حابب اشتري بيجو ٣٠٠٨ شكلها ومواصفات الموتور والفتيس والعفشه جيده الى حد كبير
بس مش لاقي اي معلومات عن العربيه ككماليات والفرق بين الفئتين في الكماليات
دورت ع النت في كل حته مش لاقي
حتى هنا مشاركات الاعضاء عن العربيه دي قليله جدا مش عارف ليه
ومش عارف ليه العربيه مش منتشره زي السبورتاج والهيونداي
مع انها بيجو يعني حاجه غريبه بالفعل وتقلق
برجاء حد يرد عليا علشان اتوكل على الله واروح احجزها وشكرا جزيلا

[mahmoudsmh]

ماهي مواصفات العربيه من ناحيه الكماليات
هل من مساعد ؟

[eng wael]

PEUGEOT 3008 owners, Egypt
باشا ادخل على الجروب ده واسأل براحتك :-)
والعربيه ممتازة جدا

[mosama77]

السيارة جيدة جدا انا معايا من 2011 عاملة 135000 كم
مشاكل محدودة يمكن المتكرر طلمبة البنزين(مرتين واحده منهم فى الضمان) و ده فى بيجو عموما
التوكيل فى المجمل جيد جدا و مفيش عنده مشكله انه يغير اى حاجة فى الضمان
لو فيه اسئلة معينة ان شاء الله احاول اساعد

[mahmoudsmh]

السيارة جيدة جدا انا معايا من 2011 عاملة 135000 كم
مشاكل محدودة يمكن المتكرر طلمبة البنزين(مرتين واحده منهم فى الضمان) و ده فى بيجو عموما
التوكيل فى المجمل جيد جدا و مفيش عنده مشكله انه يغير اى حاجة فى الضمان
لو فيه اسئلة معينة ان شاء الله احاول اساعد

شكرا جزيلا ياباشا
طب بالنسبه لعدم وجود بلوتوث وطاره مالتي وال usb
الحاجات دي بقت اساسيات دلوقتي
حلتها ازاي
وفي ناس بتقول النور ضعيف شويه
وشكرا جزيلا على ذوقك وردك

[hony_bass]

انا استلمت البيجو 3008 من شهر

انا كنت في نفس حيرتك ديه و قعدت اقارن بين كل الكروس اوفر واستقريت علي ال3008 للاسباب التاليه:
1- الموتور 156 حصان
2- العزم 240 نيوتن . متر
3- 6 وسائد هوائيه.
4- ثبات علي الطريق و خصوصا في السفر ( طبيعه شغلي محتاجه سفر باستمرار)
5- حجم الشنطه مناسب جدا
6- ارتفاع عن الارض تقريبأ 17 سم مش متاكد اكتر من كده ولا لا
اما بالنسبه لسؤالك بخصوص الفرق بين الموديل بتوع ال 3008 ف الهاى لاين فيها الاتي:
1- السقف بانوراما (رؤيه جميله وممتعه وخصوصا لو في اطفال)
2- حساسات ركن خلفيه.
3-حساسات مطر
4- حساسات اضاءه
5-مرايات ضم
وعلي فكرع العربيه فيها مالتي فانكشن و كمان انا ركبتلها مثبت سرعه فى التوكيل اول لما استلمتها
ارجو اني اكون جاوبت علي اسئلتك ولو في اي سؤال تاني انا في الخدمه.

[mahmoudsmh]

انا كنت في نفس حيرتك ديه و قعدت اقارن بين كل الكروس اوفر واستقريت علي ال3008 للاسباب التاليه:
1- الموتور 156 حصان
2- العزم 240 نيوتن . متر
3- 6 وسائد هوائيه.
4- ثبات علي الطريق و خصوصا في السفر ( طبيعه شغلي محتاجه سفر باستمرار)
5- حجم الشنطه مناسب جدا
6- ارتفاع عن الارض تقريبأ 17 سم مش متاكد اكتر من كده ولا لا
اما بالنسبه لسؤالك بخصوص الفرق بين الموديل بتوع ال 3008 ف الهاى لاين فيها الاتي:
1- السقف بانوراما (رؤيه جميله وممتعه وخصوصا لو في اطفال)
2- حساسات ركن خلفيه.
3-حساسات مطر
4- حساسات اضاءه
5-مرايات ضم
وعلي فكرع العربيه فيها مالتي فانكشن و كمان انا ركبتلها مثبت سرعه فى التوكيل اول لما استلمتها
ارجو اني اكون جاوبت علي اسئلتك ولو في اي سؤال تاني انا في الخدمه.

تسلم ياباشا افاده رائعه

[ahmzd]

ما زلنا محتاجين من الأستاذ hony_bass إجابات على الأسئلة اللي بخصوص البلوتوث وال يو إس بي وموضوع ضعف نورا .. وجزا الله خيرا الجميع .

[hony_bass]

اسف علي تأخيرى غى الرد

بخصوص مشكله البلوتوث ففى حل للموضوع يفى بالغرد وهو اني بوصل الموبايل fال AUX الموجوده في زراع المخدع وعن طرق كده بقدر اتكلم واسمع المتصل من سماعات العربيه بجوده صوت ممتازه وبدن تشتت للصوت.

اما لو حبيت تركب وحده للبلوتوث فهى موجوده بالتوكيل بس تقريبا سعرها 2500.

مره تانيه اسف على التأخير فى الرد.

[hany63]

بالنسبه للاضاءه انا مغير في ال 508 لمبتين الواطي باءوسرام نايت بريكر انليميتد و النور بقى قوي جدا و قريب من الزينون مع العلم ان العربيه اللي قبلها كانت زينون اصلي و مش متضايق خالص و كمان ممكن تركب نور ليد مكان لمبة السهاري او نور التابلوه فالفانوس كله يبقى منور نفس اللون اما بقى العالي انا سبته زي ما هوا