خايف من التوكيل

[amirnafsak]

بعد طووووووووووووول بحث
كنت رايح اشتري البيجو 508 امبارح
لكن بالصدفة بدور على آراء الناس في التوكيل
لقيت حاجات محبطة جداً جداً الصراحة
سواء في المعاملة،
او الصيانة،
او الحالات اللي بيبقى فيها عيوب صناعة
الوقتي ياريت كلمة واحدة تفصل كل ده
أشتري العربية ولا لأ عشان كانت عاجباني جداً وكنت بفضلها عن الأوبل انسيجنيا و الباسات..
عشان حكاية التوكيل دي لو صح، و فعلاً زي ما قرأت
يبقى مش هشتريها خالص..!

[ahmzd]

أنا معرفش حاجة عن توكيلها الصراحة وإن شاء الله الخبراء هنا هيفيدوك، إنما أنا عن نفسي بفضّل الإنسيجنيا ثم الباسات عنها.

[amirnafsak]

في انتظار اراء المتخصصين

[M_ezzat2]

والله انا كنت بفكر في بيجو بس سمعت نفس الكلام ان التوكيل متعب و في ناس عابت فيه
وصرفت نظر و جبت تيوتا بسبب خوفي من التوكيل بس علي فكرة انا شايف ودي وجه نظر لو الباسات في جدولك طبعاً هيا احسن

[amirnafsak]

اشكرك على تعقيبك الجميل
مفيش اي حد له تجربة سابقة مع التوكيل او يقدر ينصحني في موضوع زي ده ؟

[maskeen]

توكيل اكثر من منحط!

مركز الخدمه الرئيسى اللى هو فى غمره لا يعدوا ان يكون ورشه نضيفه فى الحرفيين

البلد دى مافيهاش غير توكيلين اتنين اللى يستاهلوا الاسم ده...مرسيدس ثم تويوتا

فولكس وبى ام وبيجو عار على الاوروبى

[eng wael]

الكلام ده كان زمان انما دلوقت المفروض الدنيا اتحسنت كتير بفرع ابورواش وفيه مركز خدمه اتو سيرفيس مدينه نصر ناس محترمين وفاهمين
وممكن تدخل على جروب بيجو 508 وتسال الناس
الانسجنيا فيها مشاكل لم تحل حتى الان

[amirnafsak]

توكيل اكثر من منحط!

مركز الخدمه الرئيسى اللى هو فى غمره لا يعدوا ان يكون ورشه نضيفه فى الحرفيين

البلد دى مافيهاش غير توكيلين اتنين اللى يستاهلوا الاسم ده...مرسيدس ثم تويوتا

فولكس وبى ام وبيجو عار على الاوروبى

كتر خيرك،

أنا كنت هروح اجيب بي إم كمان كام يوم عشان خايف من البيجو..

الحمد لله انك رديت

[amirnafsak]

الكلام ده كان زمان انما دلوقت المفروض الدنيا اتحسنت كتير بفرع ابورواش وفيه مركز خدمه اتو سيرفيس مدينه نصر ناس محترمين وفاهمين
وممكن تدخل على جروب بيجو 508 وتسال الناس
الانسجنيا فيها مشاكل لم تحل حتى الان

يعني أشتريها ولا لأ ؟

و لو اشتريتها و في لا قدر الله عيب صناعة هقدر اغيرها أو أسترد فلوسي زي الناس المحترمين ولا لأ ؟

انا رجعت ميلت للمرسيدس تاني لما قريت تعليق Maskeen

[Ashraf Fawzy]

شكلي هنفض للتوكيل - نايل موتورز - NileMotors.net

بيجو 301..نص الشكوى - نايل موتورز - NileMotors.net

إتعرضت لحادثة بسبب عدم عمل فرامل الـ 301 - نايل موتورز - NileMotors.net

تحذير بيجو 301...كارثة على الطريق - نايل موتورز - NileMotors.net


تقدر تحكم بنفسك على مستوى التوكيل من خلال المواضيع دى و إذا كان بيتحمل المسؤلية عن عيوب الصناعة و لا لأ, و مدى مستواه الفنى و إستعداده لحل المشاكل إن ظهرت. و ربنا يوفقك لحسن الإختيار.

[Ashaw2y]

مكدبش عليك التوكيل زي الزفت انا معايا 301 من سنة و روحت صيانة ال2500 قعدت 5 ساعات و معملتش حاجة و دفعت فلتر بنزين و العربية لسه مش عاملة 1000 كيلو
بس في بقي بدايل محترمة مركز اوتو سيرفيس عند نادي السكة مركز خدمة معتمد ميفرقش عن التوكيل في حاجة بتعمل الصيانات عنده و مش بتخرج من الضمان و كأنك في التوكيل و انضف 100 مرة و اعتقد برده في مركز معتمد محترم ناحية مصر القديمة مش فاكر الصراحة بس برده الملاك بيشكروا فيه جدا