كيا ريو ولا بيجو 301

[Ramymotors]

بصراحة انا فى حيرة بين العربيتين من ناحية الثبات و العفشة و العزل و قوة السحب بس انا بوجه كلامى لمالكى السيارتين فقط فى انتظار ردودكم

[a7med ezz 20]

ما تعمل تست درايف للعربيتين من اي معرض

[a7med ezz 20]

احكم انت بنفسك

[cahmeda911]

اخى الفاضل انا كان معايا كيا ريو سيدان ٢٠١٣ كامله ماعدا فتحة السقف قعدت معايا سنة وبعدين بعتها وجبت ال ٣٠١ فلو هتقارن الاتنين ببعض وعن تجربه ٣٠١ لمدة سنه ف ٣٠١ احسن. بكتير من ناحية استهلاك البنزين مع العلم ان الريو ١٤٠٠ سى سى والتكييف والوسع من ناحية الكنبه الخلفية او الشنطة وتقيمى عن تجربه مع العلم ان مش معنى كده ان ٣٠١ احسن عربيه بس الحمد لله عمرى ما ندمت انى اشتريتها زى الريو وعلى فكرة كمان ال ٣٠١ اعلى من الريو اثناء التحميل ٤ اشخاص ومن ناحية الثبات والعزم ٣٠١ تكسب طبعا بمراحل والعزل لصالح الريو والعفشه ممكن نقول الاتنين واحد وارجو اكون ساعدتك

[Ramymotors]

اخى الفاضل انا كان معايا كيا ريو سيدان ٢٠١٣ كامله ماعدا فتحة السقف قعدت معايا سنة وبعدين بعتها وجبت ال ٣٠١ فلو هتقارن الاتنين ببعض وعن تجربه ٣٠١ لمدة سنه ف ٣٠١ احسن. بكتير من ناحية استهلاك البنزين مع العلم ان الريو ١٤٠٠ سى سى والتكييف والوسع من ناحية الكنبه الخلفية او الشنطة وتقيمى عن تجربه مع العلم ان مش معنى كده ان ٣٠١ احسن عربيه بس الحمد لله عمرى ما ندمت انى اشتريتها زى الريو وعلى فكرة كمان ال ٣٠١ اعلى من الريو اثناء التحميل ٤ اشخاص ومن ناحية الثبات والعزم ٣٠١ تكسب طبعا بمراحل والعزل لصالح الريو والعفشه ممكن نقول الاتنين واحد وارجو اكون ساعدتك

شكرا جدا جدا لردك المحترم و الصريح و ياترى من ناحية العفشة انهي الأنعم حتى لو بنسبة صغيرة ولك جزيل الشكر وربنا يجعله لك فى ميزان حسناتك

[ahmedz310]

انا معايا ريو سيدان 2015 ، ولما جبتها كنت بقارن بينها وبين ال 301 واستبعدت ال 301 عشان
- عدم انتشار مراكز الصيانة
- عدم توافر قطع الغيار
- سهولة الصيانة لصالح الريو
- سعر اعادة البيع
فلو الحاجت دي مش هتفرق معاك اوي يبقي هات ال 301 هي فرقت معايا فعشان كدا جبت الريو والعربية الحمدلله كويسة معايا وربنا يوفقك في الاختيار ومهما كان الاختيار ماتتنزلش ان العربية يكون فيها ايرباج & abs

[cahmeda911]

شكرا جدا جدا لردك المحترم و الصريح و ياترى من ناحية العفشة انهي الأنعم حتى لو بنسبة صغيرة ولك جزيل الشكر وربنا يجعله لك فى ميزان حسناتك

اخ رامى اعتقد الاتنين لحد كبير زى بعض بس بصرف النظر عن اى حاجه ومع احترامى لاى كلام هات الحاجه اللى انت مقتنع بيها وانا عن نفسى فى الفتره اللى كنت حاجز فيها البيجو شهرين ونص تقريبا مسبتش معرض عربيات فيكى يا قاهرة الا لما دخلته وكنت بشوف حاجه تانيه بنفس السعر غير البيجو فى راى المتواضع ملقتش واكتشفت ان معظم بتوع المعارض مش عندهم اى فكره هما بيبيعوا ايه اهم حاجه يبيع اللى عنده علشان كده بيبقى طالع بيه السما على سبيل المثال كان فى معارض عارضه البيجو تيجى تسألهم يقولك عربيه بياعه ومحترمه وهكذا ومعرض تانى مش عنده العربيه ويكون عارض اكتر حاجه النيسان الصنىى تيجى تسأله على البيجو يقولك فى حد يشترى بيجو اوعى النيسان احسن وفى الاخر يقولك بس لو عاوز البيجو اجبهالك انا مش عاوز ازيدك حيره بس والله انا لما جيت ابيع الريو بعتها بسعر زياده عن ما كنت شريها بيه وفى يوم واحد وناس كتير لامتنى ان انا جبت البيجو ( ايه يا بنى اللى انت عملتو ده كنت هات النترا علشان لو حبيت تبيع متغلبكش) بس ايه اللى يخلينى افكر فى بيع العربيه وانا بشتريها عالعموم انا مش هطول عليك لان الموضوع يطول شرحه واتمنى ليك التوفيق فى اختيارك

[ابو هنا]

البيجو 301 افضل

[mr.moustafa]

انا معايا ريو سيدان 2015 ، ولما جبتها كنت بقارن بينها وبين ال 301 واستبعدت ال 301 عشان
- عدم انتشار مراكز الصيانة
- عدم توافر قطع الغيار
- سهولة الصيانة لصالح الريو
- سعر اعادة البيع
فلو الحاجت دي مش هتفرق معاك اوي يبقي هات ال 301 هي فرقت معايا فعشان كدا جبت الريو والعربية الحمدلله كويسة معايا وربنا يوفقك في الاختيار ومهما كان الاختيار ماتتنزلش ان العربية يكون فيها ايرباج & abs

كلامك مضبوط جدا مع اضافة
استهلاك البنزين في الريو هايبقى زي البيجو مع ان موتور الريو 1400 بس
في المقابل البيجو فيها مشكلة في التيل بيخلص بسرعة و التصميم الأمامي للصدام