أنوي شراء 207 و أطلب رأيكوا لو سمحتوا

[hazembarakat]

بفكر أشتري بيجو 207 معروضة علية مستعملة عملة 16,000 كيلو ب92,000 جنيه يعني شبه زيرو
بس أنا مش عارف أشتريها والا أشتري يارس زيرو
انا خايف من شراء ال207 عشان أنا سمعت إن مثل هذه النوع من السيارات سعر البيع بتعها قليل و حينزل سعرها كتير لما أبيعها في المستقبا إنشاء الله
مع العلم إني شاب جامعي و قد أرغب في بيعها لشراء سيارة بشنطة واسعة عند الجواز
المخليني أفكر في اليارس إني في المتقبل مش حيضطر أبيعها عشان عملية و شنتطها واسعة و لو حبيت أبيعها في المستقبل سعر إعادة البيع مش حيقل كتير و مش حخسر فيها كتير و كمان قطع غيارها أرخص من البيجو
لكن أنا عن نفسي حابب البيجو 207 أكتر و شايف إنها شبابية أكتر و كوول و أنيقة و أرقى من اليارس و كمان البيجو الفرنساوي ما يتوصفش و كمان ال207 1600 سس مش زي الياريس 1300سس
أجو المساعدة يا أهل الخير في إتخاذ قرار سريع عشان البيجو اللقطة متضعش من إيدي و كمان قبل ما كمية اليارس موديل 2008 محدودة الكمية و الالوان تخلص عشان لو حجيب موديل 2009 حتبقى لأغلى 10,000 عن موديل 2008

[zamalek26]

العربية حلوة جدا



اعادة بيعها اة تقيلة بس على فكرة هى احلى بكتير جدا من اليارس


وتكيفها فوق الممتاز


تجمع مميزات 307 مع 206


انا بحبها جدا وباجرها كتير

[Mystique]

أنا كنت عايزة أقول معلومة بس وبعدين حضرتك لك مطلق الحرية ف الاختيار..

البيجو مش دايما سعر العربية بيقع ف اعادة البيع..خصوصا لو ناوي تبيع بعد 5 سنين أو أكتر
بتجيب تمن معقول جدا جدا..
السعر بيعتمد على الحالة..لو مش عادة كم كتير..وحالتها ممتازة..كل اللي اتغير فيها اتغير ف التوكيل..والكلام ده..يبقى بتجيب سعر حلو قوي
هي بس ف البيع بتحتاج زبون معين..وصبر وطولة بال..مش عايزة استعجال
ومتوديهاش لأي معرض لأن منهم كتير نصابين بياخدوها بتراب الفلوس والفرق ف جيبهم..
الكلام ده عن تجربة شخصية..أنا ببيع 206 دلوقتي..وبيتعرض عليا أسعار حلوة قوي..فرقت عن السعر اللي اداهولي أرخص المعارض بفوق ال 10 الاف جنيه

ده عن النقطة اللي شاغلاك ف البيع

بالنسبة للعربيتين..ال 207 طبعا أحلى وأرقى في نظري..بس لو بتقارن بين مستعمل وزيرو..ده موضوع تاني..يعني انا عن نفسي افضل الزيرو مهما كان
الا لو انت واثق من العربية المستعملة وعارف صاحبها مثلا او كشفت عليها ف التوكيل وقالولك انها فابريكة.

[hazembarakat]

ارجو المساعدة يا جدعان

[hazembarakat]

شكرا اووي يا zamalek & mytique basha و ربنا يكرمكوا

[محمد ابراهيم 1]

هات البيجو لو واثق من إنها سليمه

[elghrory]

البيجو طبعا مش محتاجة مقارنة

[rashwan]

انا عندي بيجو 207 يا حازم و على فكرة الشنطة بتاعتها اكبر بكتير من اليارس ,,,, و لو مش مصدق ممكن اصورلك الشنطة عندي
بس المشكلة ان ال 207 مش موجودة كتير في مصر يعني اي اصابة في العربية هيبقى صعب جدا تحصل على قطع غيار !!!

[ABDULLAH AHMED]

ال 207 احسن من الياريس

بس المهم انت شوف انت عايز ايه

وصلي صلاة استخارة

ومبرووك مقدما

[ahmad--ezzat]

بلاش تشترى بيجو هات اوبل او نيسان
بلاش البيجو ملهاش سوق

[Nour_Peugeot]

ن الاخر العربيه حكايه هتركب عربيه هتقعد معاك 5 سنين علي الاقل مش هتشتكي من حاجة و ميكانيكيه البيجو كتير و اي مساعده ان شاء الله هنفيدك و كمان انت لو تقدر تخلصها علي 90 يبقي انت كده

عملت احسن صفقه في حياتك و كفايه ثباتها علي الطريق

[amrfranca]

انا كمان عندي بيجو 207
عربيه جميله اوي بسم الله ما شاء الله
معايا الكحلي بتاعها 1400
بس قريبي عايز يشتري ال1600 بتاعها علشان فرق الموتور والكماليات


يا ريت لو حد عنده 1600 يقولي ايه اللي عنده مش موجود عندي في ال 1400

[hazembarakat]

ال1400 عملة معاك اه ؟
تكيييف و ثبات ؟
و هل الموتور 1400 مستريح على جسمهه و بتسحب معاك
و اه نظام عفشتها ؟ معلش بتقل عليك شوية في الاسئلة بس عايزيين المساعدة ؟

[amrfranca]

ولا يهمك
موتورها كويس مش وحش لكن لو انت بتحب تشد يبقى عليك وعلى ال1600
تكييف كويس وثباتها معقول وعفشتها مش ناشفه فى المطبات
بس خد بالك علشان في فروق بين ال1400 وال 1600 فى الكماليات
غير الموتور اقصد

[fadynabil]

ال ٢٠٧ أحسن من الياريس ١٠٠ مره شكلاً ومضموننا ... إتكل علي الله بس إتأكد إنها سليمة ١٠٠ x ١٠٠ وإكشف عليها في التوكيل