بيجو 508 موديل 2015 هاي لاين .

[AHMEDJUDDY]

السلام عليكم ورحمه الله وبركاته ...

اتصلت اليوم بتوكيل بيجو وعرفت ان ال508 3 فئات
والهاي لاين ب299 الف وفيها ال gps شغال وده في الهاي لاين
فقط . اما الفئتين الاولي والثانيه شاشه تاتش فقط من غير نافيجيشن .
فالسؤال هنا لاهل البيجو:
مش شايفين ان السعر ده عالي حبتين ولا السعر كويس للفئه والكماليات اللي فيها؟

وشكرااا

[som3aa]

السعر غالى جدا , بالسعر دا تجيب فولفو s60
اصبر لان اليورو نزل من 10 جنيه فى السوق السوداء ل 8.7 تقريبا , غير 4% جمرك يعنى العربية مفروض سعرها ينزل على الاقل 25 الف ل 35 الف بالميت , طبعا التوكيلات هتحاول على قد ما تقدر تاكل من الفرق دا و كمان التوكيلات شارية العربيات دى بالسعر القديم قبل نزول اليورو.
الفرق دا فى كل العربيات الاوروبى

[AHMEDJUDDY]

السعر غالى جدا , بالسعر دا تجيب فولفو s60
اصبر لان اليورو نزل من 10 جنيه فى السوق السوداء ل 8.7 تقريبا , غير 4% جمرك يعنى العربية مفروض سعرها ينزل على الاقل 25 الف ل 35 الف بالميت , طبعا التوكيلات هتحاول على قد ما تقدر تاكل من الفرق دا و كمان التوكيلات شارية العربيات دى بالسعر القديم قبل نزول اليورو.
الفرق دا فى كل العربيات الاوروبى

اولا شكرا لردك الجميل .
بس عندي سؤال : امتا هنحس بالفرق في اليورو في سعر العربيات
وهل ال508 اساسا سياره تستاهل سعرها . اصل انا عمري ماركبت ولا جربت ولا اهتميت بالعربيات
الفرنساوي . هل هي زي ماناس كتير بتشكر فيها ولا ليها مشاكل زي الاوبل انسجنيا ؟
بصراحه انا شخصيا اول اعجاب بسياره فرنساوي من ناحيه الشكل بس المضمون الله اعلم .
وشكرا

[hany63]

عربيه تستاهل اكتر من تمنها و حضرتك يا ريت توقف اي واحد في الشارع راكبها و شوف هيقولك ايه
العربيه بلا مشاكل جوهريه و قمه في القوه و الفخامه و البريستيج

[eleanor]

حضرتك حاول تجرب العربيه الاول علشان لما تشترى يبقي عن اقتناع
والعربيه تستحق تمنها لانها افضل حاجه فى الفئه السعريه دى

[AHMEDJUDDY]

اولا : شكرا علي ردكم
ثانيا: هستني شويه لما اشوف الاسعار هتستقر علي ايه
ثالثا:المشكله هجربها ازاي . معرفش حد معاه ال508 .
وعموما شكرا للجميع وياريت حد يكون معاه ال508 ويدينا ريبوتورت كامل عن العربيه .

[som3aa]

اولا شكرا لردك الجميل .
بس عندي سؤال : امتا هنحس بالفرق في اليورو في سعر العربيات
وهل ال508 اساسا سياره تستاهل سعرها . اصل انا عمري ماركبت ولا جربت ولا اهتميت بالعربيات
الفرنساوي . هل هي زي ماناس كتير بتشكر فيها ولا ليها مشاكل زي الاوبل انسجنيا ؟
بصراحه انا شخصيا اول اعجاب بسياره فرنساوي من ناحيه الشكل بس المضمون الله اعلم .
وشكرا

للاسف معرفش حد يمتلكها معرفة مباشرة بس اللى اسمعه عنها ان سمعتها كويسة جدا مسمعتش عنها اى مشاكل (ماعدا غلو قطع العيار و دا طبيعى فى الفئة دى و كل العربيات اللى بنفس السعر ) بعكس الاوبل بالذات اللى منصحش اى شخص يشترى المركة دى فى مصر اطلاقا.
فممكن حد من ملاك ال508 يفيد حضرتك عنها
بس بالنسبة للسعر 300 الف فى بيجو كتير جدا و خصوصا مع سعر اليورو الجديد.
امتى نحس بالفرق؟ لو استقر السعر او نزل اكتر لمدة 3-4 شهور و دا المتوقع (انا قريت ان على اخر 2015 ممكن 1 يورو يبقى بسعر 1 دولار (حاليا 1.16)).
لحد ما يشتروا الدفعة الجديدة بالسعر الجديد و هيدفعوا الجمرك بالتخفيض بس اهم شىء الناس تستنى و متستعجلش على الشراء علشان ميطمعوش و ياكلوا جزء من المبلغ دا او ياكلوه كله فى جيبهم.

[hany63]

يا باشا عندك تقرير كامل بالتفاصيل الممله متثبت
و ده اللي خلاني اشتري العربيه بالاضافه لمواضيع استاذ اسلام elanor و كنت فاكره بيبالغ و لكن فعلا كل كلمه مظبوطه

[AHMEDJUDDY]

يا باشا عندك تقرير كامل بالتفاصيل الممله متثبت
و ده اللي خلاني اشتري العربيه بالاضافه لمواضيع استاذ اسلام elanor و كنت فاكره بيبالغ و لكن فعلا كل كلمه مظبوطه

ياريت تبعتلي الرابط بتاع الموضوع لاني مش عارف الاقيه
وخلي بالك انا بتكلم عن الشكل الجديد 2015 .
ولو كنت سيادتك اشتريتها ياريت نظره عامه عن العربيه
ومش هتعبك واقولك بالتفصيل .. واخيرا معلش تعبتك معايا
وشكرا