طلب نصيحه عاجله بخصوص بيجو 206 اوتوماتيك

[medosalah]

انا اخوكم من قسم اوبل

جوز اختي معاه 206 موديل 2002 اوتوماتيك ماتور 1000 سي سي

الفتيس بيهبد في الغيارات وسعات بيعلق ولمبتين ال s والنجمه ينوروا ويطفوا بالتبادل والمشكله تتحل بعد لما يطفي العربيه ويدورها كزا مره

المهم العربيه وديناها النهارده لمركز خدمه احمد عماره بالقطاميه والكشف قال ان الفتييس مرشح زيت وهتغير طقم اويلسيهات واتنين سولونيد فالف وزيت فتيس وهتكلف 3 او 4 الاف جنيه

هل ده كتير

وهل الافضل نجيب فتيس استيراد وسعر الفتيس استيراد كام

وهل ممكن اسقط فتيس وماتور 1400 او 1600 اوتو ماتيك .. وسعرهم كام؟؟؟

[م أحمد]

و الله بقالى فترة عايزاعمل موضوع عن اللى حضرتك بتشتكى منه

بس مبدأيا شكل الزيت صلاحيته انتهت وقليل كمان فى الفتيس نتيجة التسريب و دى حاجة خطيرة

اللمبات دى بظهر لما لزوجة الزيت بتقل وفى حساس لكدة فى الفتيس مش متأكد عن طريق قياس اللزوجة ولا درجة الحرارة


لو ماكنش عندك ترشيح كن قلت لك غير زيت بس و لكن هتحتاج اولسيهات و لازم برضه تبص على مبرد الفتيس

و شكل قريبك دا ما كنش بيبص على الزيت خالص و لا عمره غيره

ال 2 فالف يعملو بتاع الف جنيه و الزيت يعمل بتاع 500 جنيه و طقم الاولسيهات مش عارف كام بصراحة هنقول 500 مثلا ؟؟ يبقى كله 2000 جنيه

و برضه فى سوفت وير جديد لو هتجيب الفالفات الجديدة اللى بتحل مشكلة الهبدة

فك وتركيب فتيس بأولسيهاته نديله كام مصنعية ؟ و السوفت بكام

اسأل على التفاصيل دى و فى مراكز خدمة كتير و ناس كتير فى ورش البيجو المثبتة فى قسم بيجو

[MuhamedNabil]

عمارة غالى
السويتشات 800-950 على حسب المكان البتشترى منه
الزيت 12 لليتر و حتلاقيه عند غزال فى شارع دمشق
الاويل سسيل 120 بتاع القربة و 150 بتاع الكرنك على حسب ايه البايظ

الهبد ده من السويتشات و دول بيتغيرو من غير نزول الفتيس و الافضل تغير زيت بتاخد 4 ليتر

الترشيح من الاويل سيل بتاع الطلمبة و ده لازم الفتيس يتفك و ينزل عشان الاويل سيل يتغير لو الترشيح مش كتير يعنى مش بيكون نقط فى الاخر ممكن تأجله شوية خصوصا ان مصناعية الاويل سيل غير تغيير السوتشات و بيضافوا على بعض لو عملتهم مع بعض.

[medosalah]

الف شكر للمساعده بس انا نزلت الحرفيين ولقيت الفتيس ب 3500

وقررت اغير الماتور كمان واجيب ال 1400 سي سي ب 2500

بس هل الماتور ال 1400 ده اللي هو 75 حصان هيفرق كتيير عن اللي عندي ال 60 حصان

وهل ينفع اركب الماتور ال 1600 سي سي ولا هيبقي حوار كبير

الف شكر مقدما

ويا ريت اللي يعرف يساعدني ما يبخلش بالرد لاني مش عايز اصرف وفي الاخر يكون علي الفاضي