هل البيجو 301 اسد ام قطه

[Amr Gamal 01]

دي اول مشاركه لي في المنتدى العظيم ده لانه مرجع فعلا لاي حد في العربيات كمان انا يشرفني اني اكون منتسب لهذا المنتدى باذن الله اكون عضو فعال في المنتدى
انا بس كنت عايز اشتري 301 بس خايف البس في حاجات قلقان منها في العربيه زي الثبات وتيل الفرامل خصوصا انا معي سيراتو 2010 فياريت من يريد ان يفدني بخبرته يقول لي ثبتها زي ايه كدا من السيارات هل هو احسن من السيراتو وكمان التيل ياريت الشباب يفيدوني ويقلولي في ناس كتير غيروه فوق 10000 ولا هو عمتا هو اخرو 10000 وكمان انا لو اشترتها هحس اني في نقله عن السيراتو ولا نزلت من عربيه سيئه ركبت عربيه اسواء ونشكركم على حسن تعاونكم معنا

[sherif4004]

شوف يا ريس
انا صديقى معاه 301 عامله 13000 كيلو
وصديقى تانى معاه سيراتو 2011 ...

كفرق مش كبير بس السيراتو في الشكل دا واطيه بتحك فى المطبات البيجو لا
بالنسبه لتيل الفرامل ساعات فيه تصفيره بعد 10000 وفى التوكيل الفنى قال مش محتاج يتغير بس انا رايى انه يتغير كل 10 الاف افضل .. لاننا ركبنا تيل بره التوكيل وكان بيصفر عموما هنبقى نروح التوكيل في الصيانه الجايه ونغيره .. بس عموما كفرامل البيجو فرامل وثبات محترم جدا .. انا معايا سيراتو 2014 اعلى فئه وبحس ان فرامل البيجو افضل .. بس تيل السيراتو اللى معايا ماشى من الزيرو 13 الف ومش محتاج يتغير ..
فيه ناس اشتكت في برمجه فتيس البيجو بس دا مصدفش معانا اطلاقا مع ان هما برمجو الفتيس في التوكيل من غير ما نطلب او يكون فيه مشكله ..
صحيح العربيه عايزه بنزين نضيف زى اغلب الاوربي واحنا من المنصورة ساعات بنحتاج رافع اكتان وكلينر و10 لتر 95

عموما انا راى خليك في اللى معاك لان الفرق مش ناقله نوعيه

[mmkamalh]

دي اول مشاركه لي في المنتدى العظيم ده لانه مرجع فعلا لاي حد في العربيات كمان انا يشرفني اني اكون منتسب لهذا المنتدى باذن الله اكون عضو فعال في المنتدى
انا بس كنت عايز اشتري 301 بس خايف البس في حاجات قلقان منها في العربيه زي الثبات وتيل الفرامل خصوصا انا معي سيراتو 2010 فياريت من يريد ان يفدني بخبرته يقول لي ثبتها زي ايه كدا من السيارات هل هو احسن من السيراتو وكمان التيل ياريت الشباب يفيدوني ويقلولي في ناس كتير غيروه فوق 10000 ولا هو عمتا هو اخرو 10000 وكمان انا لو اشترتها هحس اني في نقله عن السيراتو ولا نزلت من عربيه سيئه ركبت عربيه اسواء ونشكركم على حسن تعاونكم معنا

باختصار العربية اسد.... و مالي مركزه
انا عامل ١٩ الف ... بصراحة ري الفٌل

[amr-mohamed]

العربية زى الفل ..بس انت مش هتحس بفرق كبييييير زى ما متخيل هو فرق بسيط و ان شاء الله للاحسن

[ابو هنا]

انا العربية معايا منذ سنة وعالمل بيها 12000 كم بالنسبة للثبات ولا اروع في هذه الفئة السعرية ، انا من عشاق السرعات العالية والعربية ممتازة
الفرامل فعلان بدات تصفر من 10000 كم بس دة لم ياثر اطلاقان على اداء الفرامل القوي
بس اعتقد ان استهلاكها للبنزين هيكون اعلى من السيراتو خصوصا لو حضرتك من هوات الشد

[ali_elwakeel]

متتركبش غير مانيوال مشاكل فتيسها الاوتو كتير اوى و تجميع زى الزفت

[mmkamalh]

انا معايا الهاي لاين... اتوماتك بالتأكيد... الفتيس بعد اخر ابديت بقي زي الفٌل و تجميعه رائع بالتحديد بعد الخمسين
و الفتيس مفهوش مشاكل معايا نهائي... انا بتكلم و داخل على العشرين الف كيلو...
لم اتحدث بعد عن السبورت مود الفتيس... و اتفرج على التجميع

[Amr Gamal 01]

انا بشكر الناس كلها السعدتني بس انا حبيت اوضح بس يا جماعه اني انا عشت معا السيراتو ايام سودا ونفسي انساها 1-صوت تصفير مزعج جدا ناتج عن الهواء بعد ال 160 ومحدش عرف جاي منين ولا التوكيل ظهر بعد 30000 2-مساحات اهلكت بعد 20000 كيلو 3-دراع النوار العالي و الواطي باظ بعد 60000 كيلو. 4-بلستكه تحكم هوايات التكيف اكسارت بعد 40000 كيلو اكسر 3 هويات 5-درج التابلوه فتح في مره مأفلش تاني السن بتاع الlock دخل مطلعش تاني سوستته ناطرت 6-فتحة السقف الكاوتش الحواليها تتحتها اتقطع بائت تجي تقفلها ترد تاني تفتح لوحدها 7-طاقم ازرار الازاز باظ سقت منهم زرار لتحت بعد ما نعم اوي كنت اقفل باب العربيه الازاز ينزل كانك دوست على الزرار. ده كان 90000 كيلو 8-هيدرولك كرسي السواق ضعف بعد 50000 كيلو اصبح بينزل لوحدو كل تلات اربع مرات اوعاد بينزل تدريجيا على تلات اربع مرات اوعاد يعني مش بيسقت مره وحده وانتا قاعد 9- بكره تعليه وتوطيه الصوت في الكاسيت باظت بعد 100000 كيلو كانت بتفوت يعني تلفها 10 لفات عشان تعلى دراجتين صوت 10-جلد كسوة الفتيس الاوتوماتيك قشر خالص الهوا بيبقا كيس كده حولين عصايه الفتيس ده كان في 80000 11-نيكل مقبض فتح الباب من الدخل قشر. بعد 80000 كيلو 11-لمباط الفوانيس العالي والواطي وخصصوصا الواطي بتتغير كل صيانه لانها بتتحرق11-واخيرا ذراع تبديل النقلات خلف الطاره كان بيعلق وبعدين باظ ومبأش بينقل ده وهي عمله 120000 كيلو فبعتها وهي عمله 130000 الف وديه مأساتي مع السيرتوا فخيف تكرر مع بيجو كمان زي ما ذكرت انا الثبات مهم جدا بالنسبالي وموضوع التيل لاكن الفتيس مش مشكله لان انا حتت الناتشه ديه مبتشغلنيش

[Ashraf Fawzy]

من ناحية تيل الفرامل فده بيصفر مع القاعدة العريضة من ملاك العربية بعد 3000 كيلو, و بيخلص على حسب طبيعة الطرق اللى بتسوق عليها, يعنى لو بتسوق فى طرق داخلية و زحمة غالباً هاتحتاج تغيره على 10000 كيلو, هوا بيكون فيه يمشيك 2000 لـ 3000 بس التوكيل بينصحك بالتغيير فى صيانة الـ 10000 بدل ماترجع تانى.

ثبات العربية جيد جداً على الخطوط المستقيمة لغاية سرعة 160 (و ده بيختلف على حسب حمولة العربية, و مستوى ضغط الكاوتشات, و طبيعة الطريق و سرعة الهوا). لكن ثبات العربية فى المناورات - بنظام الزجزاج خصوصاً و فى الملفات عموماً - مش قد كدا, وده غالباً بسبب طول العربية و نظام التعليق الخلفى تورشم بيم مش مالتى لينك.

فى حاجات كتير لو هانتكلم عنها هانحتاج نألف كتاب, لكن عموماً السيارة جيدة جداً, بس لو صادفتك مشكلة فى العربية هاتصطدم بأكبر مشكلة فى العربية و هيا التوكيل بتاعها ... المستوى الفنى بصورة عامة ضعيف, هاتسمع دايماً تبريرات مستفزة منهم عشان يرموا المشكلة عليك.

لو نويت تشترى العربية, لازم تأمن عليها, عشان لو حصلت مشكلة فى العربية و إتسببت فى حادثة لا قدر الله, مش هاينفعك غير التأمين, إنسى إن التوكيل يعترف بخطأه.

حاجه أخيرة, كل ما أسأل واحد إيه أخبار العربية معاك بيكون رده "مقلب و شربناه" و اللى مش هايقولك كدا دلوقتى, ده لإنه الحمد لله لسه ماقابلش مشكلة معاها .... و ده مش لإن العربية فى حد ذاتها و بصورة عامة سيئة, لأ, لكن لإن أى عربية و أى منتج من المحتمل إن يظهر فيه عيب صناعة أو عيب عند الإستخدام فى بيئات العمل المختلفة, وزى ما قولتلك التوكيل مش هايسندك على الإطلاق.

يؤسفنى أقول إنى كنت برشح العربية - زى معظم ملاكها بس بتحفظ أكتر من ناس كتير - لغاية ما عملت حادثة بالعربية الإسبوع اللى فات نتيجة إن الفرامل حصل فيها مشكلة (هاعمل تقرير هنا مرفق بالصور بطبيعة و تفاصيل الحادثة و ملابستها و ردود التوكيل السلبية) , وبالرغم من إنى إشتكيت للتوكيل من فترة من موضوع الفرامل عندى و رحتلهم أكتر من مره, و بيرفضوا يكتبوا شكوتى فى شيت العمل و ماكنش فيه أى نوع من الإهتمام, لغاية ماحصل اللى حصل, و طبعاً بما إنى ماليش فى نظام التأمين فمافيش عندهم غير إنى لازم أتحمل المسؤلية كاملة.

[bassem.aly]

من ناحية تيل الفرامل فده بيصفر مع القاعدة العريضة من ملاك العربية بعد 3000 كيلو, و بيخلص على حسب طبيعة الطرق اللى بتسوق عليها, يعنى لو بتسوق فى طرق داخلية و زحمة غالباً هاتحتاج تغيره على 10000 كيلو, هوا بيكون فيه يمشيك 2000 لـ 3000 بس التوكيل بينصحك بالتغيير فى صيانة الـ 10000 بدل ماترجع تانى.

ثبات العربية جيد جداً على الخطوط المستقيمة لغاية سرعة 160 (و ده بيختلف على حسب حمولة العربية, و مستوى ضغط الكاوتشات, و طبيعة الطريق و سرعة الهوا). لكن ثبات العربية فى المناورات - بنظام الزجزاج خصوصاً و فى الملفات عموماً - مش قد كدا, وده غالباً بسبب طول العربية و نظام التعليق الخلفى تورشم بيم مش مالتى لينك.

فى حاجات كتير لو هانتكلم عنها هانحتاج نألف كتاب, لكن عموماً السيارة جيدة جداً, بس لو صادفتك مشكلة فى العربية هاتصطدم بأكبر مشكلة فى العربية و هيا التوكيل بتاعها ... المستوى الفنى بصورة عامة ضعيف, هاتسمع دايماً تبريرات مستفزة منهم عشان يرموا المشكلة عليك.

لو نويت تشترى العربية, لازم تأمن عليها, عشان لو حصلت مشكلة فى العربية و إتسببت فى حادثة لا قدر الله, مش هاينفعك غير التأمين, إنسى إن التوكيل يعترف بخطأه.

حاجه أخيرة, كل ما أسأل واحد إيه أخبار العربية معاك بيكون رده "مقلب و شربناه" و اللى مش هايقولك كدا دلوقتى, ده لإنه الحمد لله لسه ماقابلش مشكلة معاها .... و ده مش لإن العربية فى حد ذاتها و بصورة عامة سيئة, لأ, لكن لإن أى عربية و أى منتج من المحتمل إن يظهر فيه عيب صناعة أو عيب عند الإستخدام فى بيئات العمل المختلفة, وزى ما قولتلك التوكيل مش هايسندك على الإطلاق.

يؤسفنى أقول إنى كنت برشح العربية - زى معظم ملاكها بس بتحفظ أكتر من ناس كتير - لغاية ما عملت حادثة بالعربية الإسبوع اللى فات نتيجة إن الفرامل حصل فيها مشكلة (هاعمل تقرير هنا مرفق بالصور بطبيعة و تفاصيل الحادثة و ملابستها و ردود التوكيل السلبية) , وبالرغم من إنى إشتكيت للتوكيل من فترة من موضوع الفرامل عندى و رحتلهم أكتر من مره, و بيرفضوا يكتبوا شكوتى فى شيت العمل و ماكنش فيه أى نوع من الإهتمام, لغاية ماحصل اللى حصل, و طبعاً بما إنى ماليش فى نظام التأمين فمافيش عندهم غير إنى لازم أتحمل المسؤلية كاملة.

الف سلامة و الحمد لله انت بخير .
بس ممكن اعرف الحادثة حصلت ازاى بسبب الفرامل علشان الناس تحاول تتجنب هذه المشكلة مستقبلا - كل شئ بامر الله.
و حمد لله على كل شئ.

[Ashraf Fawzy]

الله يسلمك, و الحمد لله إن المشكلة لما حصلت كانت على طريق جانبى و ماكنش فى عربيات معدية فى الوقت ده.

مش هاقدر اكتب هنا بالتفصيل تفاصيل كل حاجه, لكن كنبذة سريعة عسى انها تفيد حد ... من كام شهر لاحظت لما بكبس فرامل و يتصادف إن سرعتى تكون 20 كيلو بالظبط إن الفرامل بتفتح و تقفل (نظام الإيه بى إس) بقوة و العربية تترجرج و تمشى ما بين متر و نص لمترين لغاية ماتقف تماما (و ده على أسفلت ناشف معليهوش رمل او ميه او زيت). على خلاف اى سرعة تانية قريبة زى 22 أو 25 أو 30 كيلو, العربية بتكلبش و تقف مكانها زى الصخر من غير ماتسمع تخبيط التيل (طريقة عمل الإيه بى إس).


رحت التوكيل فى شهر أكتوبر 2014 (مركز أبو رواش و مركز غمرة بعد كدا) و بلغتهم بالمشكلة دى و عبرت عن قلقى إن ده ممكن يكون بداية لمشكلة أكبر قدام (هنا فى تفاصيل كتيرة قوى حصلت فى مركز أبورواش و مركز غمرة هابقى أكتبها إن شاء الله فى التقرير بتاعى عن الحادثة) , و طلع فنى و ساق العربية و خليته يجربها بنفسه و يشوف الفرق فى الفرملة على الـ 20 و على غير الـ 20 ... طبعاً كل مره يقولى ده نظام الإيه بى إس (أنا باشتكى من طريقة عمل الإيه بى إس و هما ردهم إن ده إيه بى إس!!) و بعد مارحتلهم 3 مرات (مع صيانة الـ 10000 و مع تركيب المثبت و مع تصليح صوت طقة قدام شمال فى المطبات و الحفر) فضلوا على نفس الرد إن ده نظام الإيه بى إس و إن فراملك سليمة و زى الفل و إن دى طريقة شغل فرامل العربية. و طبعاً كان فى كل مره رفض تام لكتابة شكوتى فى شيت العمل بتاع العربية بخصوص الفرامل و الرجرجة الغير مبررة.


فما كان منى إلا إنى عملت بوست على نايل موتورز و سألت بخصوص المشكلة دى عشان لما أروحلهم تانى, أو بمعنى أدق لما أروحلهم للمره الرابعة:

http://www.nilemotors.net/Nile/454918-301.html

من حوالى إسبوع و قبل ما أروح صيانة الـ 20000 كنت على سرعة 50 أو أقل بحاجه بسيطة و بهدى فرامل و انا ماشى خط مستقيم, العربية حدفت جامد بإتجاه الشمال.

ماكنش فى صوت فرقعة كاوتش و لا حاجه, وإتفديت الدخول فى السور اللى على شمالى بحوالى 3 أو 4 متر و لميت العربية ناحية اليمين وكبست فرامل عشان العربية تقف, لكن للإسف الفرامل مجمعتش و العربية فضلت ماشية حوالى 4 أو 5 متر (شارع جانبى صغير حارة واحدة رايح جاى مايشلش غير عربيتين) لغاية ماخبطت فى الصخور بتاعة المبانى اللى تحت الإنشاء اللى على اليمين و الكاوتشات بقت فى الهوا بتلف (ربنا ستر إنى مانزلتش لتحت ووقعت فى أرض المبانى).

دى ملابسات الأحداث اللى ادت للحادثة, أما ردود فعل التوكيل فأنا فى إنتظار ردهم عليا (كنت عندهم فى صلاح سالم يوم الأحد اللى فات و قابلت المهندس حسين مسؤل خدمة ما بعد البيع اللى وعدنى بالإتصال فى خلال يومين يكون درس إيه سبب المشكلة اللى أدت للحادثة, و للأسف لغاية دلوقتى ماسمعتش منه) , وأتمنى إنهم يتحملوا مسؤلية تقصيرهم (بدون تسويف و مماطلة) فى مراجعة نظام الفرامل عندى و اللى إتسببت فى الحادثة و اللى كان ممكن - لولا ستر ربنا - يتسبب فى حادثة كبيرة و جماعية لو كنت على طريق سريع. الحادثة بتاريخ 10 / فبراير / 2015 .

طبعاً أنا تفسيرى - و انا مش خبير عربيات, لكن ده إجتهاد بناءً على المعطيات و بحكم إنى كنت فى قلب الحدث - إن لما جيت اهدى, الفرامل قفلت (بصورة جزئية) على الفردة الشمال و مش على الفردة اليمين, و كان ممكن اطلع بدون أى خسائر لو الفرامل اشتغلت بعد كدا لما لميت العربية ناحية اليمين ورجعت بيها لنص الطريق, لكن للإسف ده محصلش, الفرامل ما أشتغلتش و اللى وقف العربية الصخور اللى على يمين الطريق.

زى ماقلت تفاصيل ذهابى للتوكيل أكتر من مره بخصوص الفرامل و تفاصيل ردود التوكيل على الحادث (فى مركز غمرة و مركز صلاح سالم) هاتكلم عنهم بالتفصيل أكتر لما تخلص المهلة اللى طلبها المهندس حسين مسؤل خدمة ما بعد البيع فى صلاح سالم عشان يفحصوا العربية و يعملوا المقايسة (العربية عندهم من يوم الثلاثاء الماضى 10 / 2 / 2015!!!).


الدروس الأولية اللى تستفاد منها هيا, لما تحس إن عندك اى مشكلة فى فرامل عربيتك (أيا كان ماركتها) تروح التوكيل, المشكلة ماتحلتش, عليك و على القسم تعمل محضر إثبات حالة و تطلع فورا على حماية المستهلك عشان تثبت حقك و تحفزهم إنهم يشتغلوا أكتر على حل مشكلتك.


حاجة اخيرة, انا قلت فوق هاختصر, و ده أقصى إختصار قدرت اعمله, انا بفكر اعمل فيديو اشرح فيه كل ملابسات و تداعيات الموقف, لإن الموضوع كبير و فيه تفاصيل و صور و فيديوهات و صدامات و شغل بلطجة من موظفين التوكيل فى مركز أبو رواش لما أشتكيت من موضوع الفرامل.

[شريف عدلي]

الف سلامه عليك يا استاذ اشرف وربنا يعوض عليك ان شاء الله ... ومتابع موضوعك بهتمام

[khaled_yehya]

الف سلامه عليك يا استاذ اشرف وربنا يعوض عليك ان شاء الله ... ومتابع موضوعك بهتمام

الحمد لله ...ربنا ستر ..متابع معاك التوكيل حيعمل ايه

[bassem.aly]

حمد لله على سلامتك - و ربنا يعوض عليك - بس لازم نتابع معاهم علشان التقصير ده ممكن يضيع ارواح.
ربنا يسترها انشأ الله.

[Ashraf Fawzy]

الله يسلمكم جميعاً و الحمد لله على كل شئ ... بس من الواضح إن التوكيل مش عايز يتحمل مسؤلية خطأه (عدم الإهتمام بفحص الفرامل و إيجاد سبب المشكلة و إصلاحها قبل حدوث الحادثة) و عايزنى أنا أتحمل المسؤلية كاملة و فوق ده كمان عايزنى أرجع أركب العربية تانى من غير إصلاح الفرامل, يعنى قمة الإستهتار بحياتى و حياة أسرتى و حياة الناس اللى على الطريق. وكان لازم أدرك ده لما الإستاذ حسين قالى فى بداية لقاءنا إن العربية سليمة و مافيهاش مشاكل و إنى ليا الحرية فى التوجه للجهات المعنية لو أنا مش مقتنع بكلامه.

بما إن مافيش أى إتصال من التوكيل أو من الإستاذ حسين مسؤل خدمة ما بعد البيع فى صلاح سالم سواء لإبلاغى بنتيجة فحص فرامل العربية و معرفة سبب حدفة العربية و عدم عمل نظام الفرامل, أو حتى الإتصال بيا لإبلاغى بالمقايسة و التلفيات اللى فى العربية (حتى من باب الإحترام إنه أعطانى كلمته إنه هايتصل بيا فى خلال يومين لإبلاغى بنتيجة فحص العربية بنفسه, و الكلام ده كان يوم الأحد الماضى), يبقى كدا أنا عملت أقصى ما يعمل لمحاولة إصلاح الأمر بصورة ودية (زى ماجهاز حماية المستهلك بيطلب) و خصوصاً بعد مافضلوا على مدار أكتر من سبع ساعات يتكلموا معايا و يحاولوا يقنعونى بشتى الطرق غير المنطقية و المتضاربة إن الخطأ مش من نظام الفرامل.