Tweet
الموضوع ان نور الشنطة كان مش بينور لما الشنطة بتفتح و رحت لكهربائى كشف على اللمبة لقاها سليمة و قال لى العيب مش فيها و لكن فى الموتور (!!!) اللى عند المساعدين بتوع الشنطة و هو مسئول عن اعطاء الاشارة للمبة مع حركة المساعدين
و بعد بحث اتضح ان الموضوع مش كدة خالص و ان المفتاح المسئول عن فتح و غلق النور مع حركة الشنطة موجود فوق قفل الشنطة زى ما فى الصورة و فكرة عمله ان المفتاح بياخد ارضى عند الجزء الجانبى الموجود فيه الفتحة المدورة (أ) ، و الجزء البارز (ب) بيوصل للمبة ، و داخل المفتاح كرة معدنية بتوصل (أ) و (ب) مع حركة الشنطة
المفتاح دا جبته عن طريق الانترنت من بلغاريا علشان ناس كتير بتكسل تفك !!
طبعا علشان يتفك ويتركب لازم الفرش الداخلى العلوى لباب الشنطة يتفك بالكامل و بعدين يا إما الكالون يتفك بالكامل لان المفتاح فى اعلاهفى منطقة ضيقة اوى او يتفك من غير فك الكالون ودى مسألة صعبة جدا و دا اللى عملته علشان ما كنتش حابب افك الكالون
مع مراعاة ان اتجاه المفتاح لحظة التقريط النهائى بالمفك على مسمار التثبيت لازم يكون فى اتجاه العربية مش بالعرض علشان حركة البلية الداخلية تبقى فى اتجاه الفتح و القفل
الطريف بعد ما فكيت المفتاح القديم لقيت الجزء المعدنى الجانبى (ب) منفصل يعنى مش لحام و لا حاجة و ممكن يتثبت باى مادة و يركب تانى
Comment