بيجو 301 صيانة 10000كم

[temo2004]

انا عملت صيانة ال 10000 كم في فرع ابورواش وكانت لسة العربية عاملة 9100 كم وكنت بشتكي من صفارة التيل وغربلة مع الفرامل (عشان في الغالب التيل خلص) ودخلت العربية الصيانة و اتكتبت شكوتي من الفرامل في اوردر الشغل
المهم العربية اتأخرت حوالي 4 ساعات او اكتر المهندس قاللي عشان هنغير تيل وطنابير في الضمان
وفعلا غيرهم وعمل صيانة ال 10000 واداني زجاجة منظف دورة بنزين احطه و افول العربية بعديها طبعا الفرامل بقت كويسة .....
بس السؤال هو كده هنحتاج نغير تيل وطنابير كل صيانة . ولما الضمان يخلص هنعمل كده على حسابنا كل 10000 كم

[AHMEDJUDDY]

اشكر ربنا انه غيره اول مره علي حساب التوكيل

[MR.ROBOT]

انا هحجز صيانة ال 10000 بكرة ان شاء الله وغالبا هتعرض لنفس موضوع التيل والطنابير
سؤالي .. التكلفة كام وغيرت ايه بالكامل .. وهل الطبيعي اني انتظر 4 ساعات !!!!!

[temo2004]

التكلفة تقريبا 950 بالنسبة للتيل لازم متكونش قفلت 10000 كم عشان يغيروه في الضمان وبالتالي يغير الطنابير لو اتأثرت
انا رحت يوم سبت وزحمة عشان كده قعدني 4 ساعات وكمان تغييرالتيل والطنابير بياخد وقت مع البريك اللي بياخدوه الاساتذه في التوكيل هتاخد 4 ساعات

[Ashraf Fawzy]

انا هحجز صيانة ال 10000 بكرة ان شاء الله وغالبا هتعرض لنفس موضوع التيل والطنابير
سؤالي .. التكلفة كام وغيرت ايه بالكامل .. وهل الطبيعي اني انتظر 4 ساعات !!!!!

أولاً ألف مبروك على صيانة الـ 10000 و ربنا يرزقك خيرها و يكفيك شرها.

التكلفة حوالى 850 لـ 950 جنيه (اللى بيفرق من مكان لمكان عدد ساعات المصنعية).

- زيت و فلتر زيت (أساسى لازم هايتغيروا)

- فلتر تكييف - فلتر بنزين - فلتر هوا - مية مساحات - فوم لغسيل المحرك (بعد الكشف عليهم)

* إغسل بالفوم برا فى أى حتة, عندهم مالهوش ثلاثة لازمة.

* اطلب منهم يحطوا الحاجات اللى غيروها على حسابك فى شنطة العربية

* موضوع تغيير التيل قبل الـ 10000 على حسابهم مش قانون أو شرط أو قاعدة, دى حاجه بتحصل كدا بصورة ودية و مش مع كل الناس, خلى بالك طويل لإن الصيانة بتاخد أكثر من 4 ساعات خصوصاً لو رحت يوم زحمة.

* روح بدرى على قد ما تقدر و خد معاك شاحن موبايل و مستلزماتك لـ 6 ساعات.

لو عندك أى ملاحظات إتأكد إنهم يكتبوها فى أوردر الشغل بما فيها التيل اللى بيصفر (لو التيل صفر عندك).

[MR.ROBOT]

التكلفة تقريبا 950 بالنسبة للتيل لازم متكونش قفلت 10000 كم عشان يغيروه في الضمان وبالتالي يغير الطنابير لو اتأثرت
انا رحت يوم سبت وزحمة عشان كده قعدني 4 ساعات وكمان تغييرالتيل والطنابير بياخد وقت مع البريك اللي بياخدوه الاساتذه في التوكيل هتاخد 4 ساعات

الله يطمنك .. انا لسه حاجز يوم السبت الساعة 1.30
متشكرلك جدااا :)

[MR.ROBOT]

أولاً ألف مبروك على صيانة الـ 10000 و ربنا يرزقك خيرها و يكفيك شرها.

التكلفة حوالى 850 لـ 950 جنيه (اللى بيفرق من مكان لمكان عدد ساعات المصنعية).

- زيت و فلتر زيت (أساسى لازم هايتغيروا)

- فلتر تكييف - فلتر بنزين - فلتر هوا - مية مساحات - فوم لغسيل المحرك (بعد الكشف عليهم)

* إغسل بالفوم برا فى أى حتة, عندهم مالهوش ثلاثة لازمة.

* اطلب منهم يحطوا الحاجات اللى غيروها على حسابك فى شنطة العربية

* موضوع تغيير التيل قبل الـ 10000 على حسابهم مش قانون أو شرط أو قاعدة, دى حاجه بتحصل كدا بصورة ودية و مش مع كل الناس, خلى بالك طويل لإن الصيانة بتاخد أكثر من 4 ساعات خصوصاً لو رحت يوم زحمة.

* روح بدرى على قد ما تقدر و خد معاك شاحن موبايل و مستلزماتك لـ 6 ساعات.

لو عندك أى ملاحظات إتأكد إنهم يكتبوها فى أوردر الشغل بما فيها التيل اللى بيصفر (لو التيل صفر عندك).

مبقتش عارف ايه اللي في الضمان وايه اللي على حسابي بما ان التكلفة داخلة على 1000 جنيه ..
على اي حال .. ربنا يجزيك كل خير على النصايح الغالية دي بجد .. شكرا جزيلا :))))))

[temo2004]

نصيحة احجز يوم غير السبت
او متروحش 1:30 زي ما قالولك تروح تبقى واقف هناك 8 صباحا بالكتير وتدخل في الاول
وزي ما قال استاذ اشرف اتاكد ان كل ملاحظاتك مكتوبة في اوردر الشغل عشان متنساش هات ورقة وقلم قبل ما تروح واكتب كل حاجة في العربية ولو اتاخرو -وده طبيعي- اسأل العربية فين بيتعمل فيها ايه وكده عشان يتحركو

[MR.ROBOT]

نصيحة احجز يوم غير السبت
او متروحش 1:30 زي ما قالولك تروح تبقى واقف هناك 8 صباحا بالكتير وتدخل في الاول
وزي ما قال استاذ اشرف اتاكد ان كل ملاحظاتك مكتوبة في اوردر الشغل عشان متنساش هات ورقة وقلم قبل ما تروح واكتب كل حاجة في العربية ولو اتاخرو -وده طبيعي- اسأل العربية فين بيتعمل فيها ايه وكده عشان يتحركو

انا الحمد لله روحت فعلا في الميعاد ده وقبل ماسيب العربية قلت للمهندس على كل الملاحيظ ومن ضمنها صفارة التيل .. وقالي هيكشف عليه
المهم بعد ساعتين نده عليها في الحسابات وحاسبت وروحت استلمت العربية طلبت قطع الغيار اللي اتغيرت وسألت على كام حاجة وكانت الساعة حوالي 4 فكانوا متسرعين شوية .. بس وانا مروح سمعت صوت التيل تاني ومعرفش هو بص عليه ولا لأ ..
سؤالي دلوقتي .. لو روحت كشفت على التيل بره وطلع فعلا عايز يتغير .. هينفع احجز تاني في التوكيل واروح اغيره ولا مينفعش واخدها من قصيرها وادور عليه في اي حتة واغيره انا ؟

[temo2004]

اتصل واحجز او روح على طول في اي يوم تعرف تروح بدري وقولهم اكشفوا على التيل ولو خلص غيروه في الضمان و ازاي اجي وامشي ونفس المشكلة موجودة
في الغالب التيل عندك لسه فيه شويه هتلاقيه صنفره ورجلش دواسة الفرامل . انت متسيبهومش غير لما تعرف التيل فاضل فيه اد ايه لو مش هيكمل للصيانة الجاية وده المتوقع متتنازلش عن انهم يغيره في الضمان ولو لسه مكملتش 10000 ارجوك الحق عشان بيتللكوا على الحكايه دي

[MR.ROBOT]

اتصل واحجز او روح على طول في اي يوم تعرف تروح بدري وقولهم اكشفوا على التيل ولو خلص غيروه في الضمان و ازاي اجي وامشي ونفس المشكلة موجودة
في الغالب التيل عندك لسه فيه شويه هتلاقيه صنفره ورجلش دواسة الفرامل . انت متسيبهومش غير لما تعرف التيل فاضل فيه اد ايه لو مش هيكمل للصيانة الجاية وده المتوقع متتنازلش عن انهم يغيره في الضمان ولو لسه مكملتش 10000 ارجوك الحق عشان بيتللكوا على الحكايه دي

لا الحمد لله انا لسه 9300 كم .. على كلامك ده انا هكلمهم بكرة واحجز تاني .. بس خايف اضرب المشوار فعلا على الفاضي وفي الاخر يقولولي كشفنالك ولسه فاضل فيه حتة والصفارة عادي "زي مسمعت من ناس قبل كده مرت بنفس التجربة" .. هل في الحالة دي من حقي اجبارهم على تغييره ؟!
ولو حصل وغيروه وهو في الضمان معقوله مش هياخدوا مصنعية تاني ؟!

متشكر جدا لاهتمامك :)

[temo2004]

لو مش هيكمل للصيانة الجاية حقك ولازم تتاكد فاضل اد ايه اصلا عشان لو خلص وبوظ الطنابير معاه هيغير الاتنين في الضمان ومبتدفعش مصنعية الشركة في فرنسا بتحاسبهم على الحاجة اللي بتتغير في الضمان ومصنعية تركيبها كمان
اقفش معاهم انك مش هتفضل ماشي والتيل بيخلص كده ده بيأثر على قوة الفرامل وممكن يتسبب في مشاكل تانيه

[MR.ROBOT]

لو مش هيكمل للصيانة الجاية حقك ولازم تتاكد فاضل اد ايه اصلا عشان لو خلص وبوظ الطنابير معاه هيغير الاتنين في الضمان ومبتدفعش مصنعية الشركة في فرنسا بتحاسبهم على الحاجة اللي بتتغير في الضمان ومصنعية تركيبها كمان
اقفش معاهم انك مش هتفضل ماشي والتيل بيخلص كده ده بيأثر على قوة الفرامل وممكن يتسبب في مشاكل تانيه

متشكر لحضرتك جدا جدا على النصايح اللي ملهاش اخر .. ربنا يجزيك كل خير :)

[MR.ROBOT]

بالفعل روحتلهم فجأة الخميس وبعد محكيت اللي حصل .. عملوا اوردر كشف على التيل وبعد شوية قالي فعلا عايز يتغير .. بس اللي متاح عندنا دلوقتي هيكون على حسابك انما لو جيتلنا يوم السبت هيكون اللي في الضمان موجود ويبقى على حسابنا بس متعديش ال 10000 .. وانا كنت على وشك الوصول لل 10000 .. سألت عن حكاية التيل اللي على حسابي والتاني اللي على حسابهم ده .. قالولولي ان الاصلي اللي جي من فرنسا جيه بس لسه بيتسجل وبتاع
خلاصة القول المهندس قالي حضرتك استنى معانا شوية وهنركبلك التيل وكله هيبقى تمام
وفعلا حصل بدون دفع مليم زيادة .. ودي القصة لافادة الغير
على اي حال متشكر جدا للنصايح :)