النجده . باخد سياره اقساط لكن هل نسبة الفايده دي معقوله ارجو الدخول والافاده

[moh-crv-2000]

السلام عليكم
سياره بيجو 3008 فل كامل كاش بتتباع ب92000 ريال
وابالتقسيط هتكون دفعه اولي 4600+قسط لمدة خمس سنين 1957+دفعه اخيره 13800
يعني اجمالي قيمتها اقساط خمس سنين 135820 ريال سعودي

الفايده قيمة الفرق هتكون مبلغ 43820 ريال يعني نسبة الزياده علي سعر الكاش 47.6%

هل النسبه دي معقوله بالسيارات الاقساط ولا مبالغ فيها .ارجو الافااااده بدال مااتورط

[baherhassan30]

نصيحة بلاش
اولا القسط عالي جداااااا .. ومتستهونش بيه لانك هتدفعه لمدة 5 سنين ..
واسأل مجرب .. الاقساط دي هم .. ايا كان وضعك المالي
اجمالي الفايدة برضه عالي
ومتنساش ان اجمالي الفايدة ده بالتأمين الشامل
عموما
لو انت حابب العربية دي فعلا قسطها عن طريق البنك العربي او البنك الاهلي
نسبة الفايدة فيهم قليلة
ونصيحة اخرى
فكر مرة تانية في موضوع العربية دي .. لان انت عارف البيجو ميته في السعودية
يعني بالسعر ده ممكن تركب تويوتا اوريون او ازيرا .. اقصد ان الخيارات كتيرة في الفئة السعرية دي
وبالتوفيق

[mido3_gho]

إيه ياعم النسب دى

فى البيجو بالشكل دا ؟؟؟؟؟ اكيد فى حاجة غلط
اكيد إنت جايب تبع اليسر

احسنلك قسط على البنك العربي

ماتنساش حاجة مهمة اوي ... إنت لسه هتأمن تأمن شامل ياريس

بخصوص العربية .. محترمة بس شرط إنك تكون فى جدة او الرياض او الدمام .. غير كده هتتعب اوي فيها فى قطع الغيار .. هيبقي شغلك كله شحن

فكر شوية ياباشا فى حوار القسط دا

[mr.moustafa]

انت قسطتها عند مين ؟؟

[A.Saad]

النسبة السنوية 9.52%
قارنها بمعدل الفائدة عندك

[moh-crv-2000]

السلام عليكم .اشكركم جدا جدا علي النصيحه
الاقساط دي تبع التوكيل نفسه اسمه المتوكل بجده
النسبه دي لقيت اعلي منها بتويوتا بموقع عبداللطيف جميل اجمالي اللايده بين الكاش والقسط اربع سنوات كانت 41%شوفوها بالموقع لكني مستغرب من النسب العاليه دي

انا مش مليونير هه انا علي قد حالي بس نفسي ارجيب السياره دي لكن بالقسط عاليه جدا
باشوف بكره البنك العربي او البلاد نظامه ايه لكن السؤال بالنسبه للمالك الاول باكون انا ولا البنك لان النقطه دي مهمه جدا لما انزلها مصر
اخي الكريم باهر حسن.انا مااقدر اجيب التويوتا لان مكاينها مرتفعه والفئه المناسبه لنفس السياره البيجو دي في تويوتا اسمها افانزا 1500 سي سي ورخيصه للعلم لكن ركبتها لقيتها فااضيه مافيها اي شي وضعيفه مافيها تيربو يخليها قويه شويه
باشوف البنوك واعطيكم الخبر يمكن حد غيري يستفاد واتمني باقي الاعضاء يفيدونا بنصايحهم

[moh-crv-2000]

شباب البنوك بتقدم برامج مختلفه وماافهم فيهم مثلا تميل شخصي وتمويل تاجيري مع وعد بالتمليك وغيره
ايه افضل شي لاني ماافهم فيها

[16midi]

ممكن تشوف حسين على رضا بدل المتوكل حسين عل رضا
هو الوكيل الاصلى مش المتوكل

[moh-crv-2000]

موظف المبيعات في الحاج حسين كذب عليا في مواصفات سياره عنده بشكل واضح كانه نصاب
وبالنسبه للتقسيط لقيت المتاح ليا التمويل التاجيري فقط

[m.qotb]

السلام عليكم
سياره بيجو 3008 فل كامل كاش بتتباع ب92000 ريال
وابالتقسيط هتكون دفعه اولي 4600+قسط لمدة خمس سنين 1957+دفعه اخيره 13800
يعني اجمالي قيمتها اقساط خمس سنين 135820 ريال سعودي

الفايده قيمة الفرق هتكون مبلغ 43820 ريال يعني نسبة الزياده علي سعر الكاش 47.6%

هل النسبه دي معقوله بالسيارات الاقساط ولا مبالغ فيها .ارجو الافااااده بدال مااتورط

السلام عليكم

لو هتقسط على بنك او ما يسمى بال "التمويل التأجيري"
المفروض تكون نسبة الفائدة من 2.99 -4.5 % كحد اقصى حسب البنك والعروض اللى بيقدمها للوكالات
المختلفة اقل فائدة البنك العربى وبعده البنك الاهلى زى ما الاخوة قالولك بس فى الغالب وكالة بيجو تتعامل مع البنك الاهلى
بالاضافة لنسبة التامين الشامل وتكون فى المتوسط 4% ودى بتكون مشمولة طبعا فى الاقساط يعنى البنك هو اللى بيأمن
يعنى اجمالى الفائدة + التامين فى حدود ال 8%
لو هتقسط على الوكالة او معرض سيارات هتبقى نسبة الفائدة عالية جدا مقارنة بالبنك تجنب ذلك
واللى بيضطر انه يقسط على الوكالة هو اللى شروط البنك غير منطبقة عليه

التامين سوء هتشترى كاش او تقسيط هتدفعه يعنى نسبة الفائدة اللى المفروض تحطها فى الحسبان
هى فائدة البنك فقط بدون نسبة التامين وانا وجهة نظرى انها بسيطة بالنسبة لانك هتدفع على 5 سنوات

عيوب التمويل التأجيرى عن الكاش من وجهة نظرى وعن تجربة لسه عايشها ومن نفس الوكيل بس مازدا ومع البنك الاهلى
- السيارة مش بتاعتك يعنى لا قدر الله لو حصل حادث - ان شاء الله يكفيك شر الحوادث - التامين بيعوض البنك
مش بيعوضك انت
- امكانية تغيير السيارة خلال ال 5 سنوات لاى سبب كان صعبة جدا وهتخسر فيها كتير.

بس برضو انا مع راى باقى الاعضاء البيجو لو انتا شاريها لمصر ممتازة وانا شخصيا بفكر لو نزلت انزل بيجو
لكن لو جايبها للسعودية يبقى عندك خيارات تانية كتير افضل