Tweet
يا جماعه انا زهقت ومش عارف اعمل ايه و قولت ما فيش حد هيساعدى غيركوا ... انا معايا بيجو 406 موديل 2003 اوتوماتك 2000 سيسي .. انا شاري العربيه من شهر والعربيه من يوم ما جيبتها مش مظبوطه .. ال ار بى ام مش ثابت على السلانسيه و العربيه بتبطل لوحدها و بتاكل بنزين لدرجه انها بتعمل 90 كيلو فى الصفيحه و بتطلع دخان اسود من الشكمان .. روحت بيها عند واحد فى الاسكندريه بتاع بيجو اسمه ايهاب فى المندره غير الرشاشات و البوجيهات و البوابه و فلتر البزين و برضو المشكله ما اتحلتش وروحت عند واحد فى القاهره اسمه محمد ذكى فى الزاويه الحمرا غسل البوابه و نظف حساس الشكمان و برضو نفس المشكله و بتزيد وروحت عند كذا واحد و بيقعدوا يكشفوا بالجهاز و يدفعونى فلوس على الفاضي يريت حد يفيدى اعمل ايه او اروح لميكانيكى مين لأن انا صارف 6000 جنيه لحد دلوقتى و العربيه بتزداد سوء .. انا اقرب حاجله ليا طنطا
-
-
لو اقدر تنزل القاهرة ياريت وانا تحت امرك وبسيطة انشاء الله[SIGPIC][/SIGPIC] -
بص يا باشا حلك مفيش غير مركز محترم اوتو مان في الهرم خلف اولاد رجب المجزر الالي شارع اللبيتي الهرم من نزلة المريوطية المهندسي نادر والمهندس احمد اسماعيل مهندسين بجد ناس عندها ضمير واخلاق وفنيين عالي جدا وكانوا شغالين في توكيل بيجو وعن تجربة واسعارهم ممتازة جربهم ومش هاتندم تليفون 0122809611- 01006414327 وهمة اجازة الجمعة ودول تخصص بيجوComment
-
السلام عليكم و رحمة الله و بركاته
الأستاذ المحترم
ممكن تتصور إشعال العربية زى شمعة لمبة جاز.......لو نفخت فيها زيادة هتنطفى.....لان مادة الحرق هتقل بالنسبة للهوا و لو رشيت عليها جاز برضه هتنطفى......لان الهوا قل بالنسبة لمادة الحريق
مشكلتك اللى بتخلى العربية تبطل هى عدم انضباط نسبة الوقود للهواء
زيادة الوقود هتلاقيه اشارة خاطئة من الكمبيوتر بناءا على حساس الشكمان و دا اللى عمله الحاج محمد انه نظف حساس الشكمان اللى بيقيس نسبة الوقود فى العادم
و لو البوابة مخنوقة هتلاقيه الاشعال غير كامل و العربية تبطل لان مفيش هوا كفاية
ولو البوجيهات او كهربتها مش كاملة... الحرق مش هيكتمل
تسييل الرشاشات يعمل دخنة علشان البنزين زيادة
رأى انك تثبت مع واحد ميكانيكى ما يفتحش عليك مواضيع على الفاضى علشان لو ما لقاش العيب ينقل على الاحتمال اللى بعده و يعالج الامور بتدرج
والله اعلم انت عندك مشكلة فى البوابة ...إما تغيير الأيدل او البوابة بالكامل (شكلك جبت واحدة استيراد او مخلوعة من عربية واحد قبلك) ....ممكن تروح لاى ميكانيكى بيشتغل فى العربيات الانجكشن عندك فى طنطا و تقوله نظف لى البوابة.....و تشوف الوضع اتغير ازاى علشان على الاقل تقدر تستبعد حاجة
و اعراض تلف البوابة الحاجات اللى حضرتك قلتها ...التبطيل..و ارتقاع و انخفاض ال rpm مع ملاحظة انك لو حطيت نوعية زيت رديئة بخر الزيت هيبقى عالى و يسد لك البوابة بمعدل سريع..... او لو الموتور خفيف.....لان بخر الموتور بيرجع تانى للبوابة زيت خرطوم الفايظ فى العربيات الكاربيراتير
يعنى اكيد لما نظفت البوابة كل الكلام اللى انت قلته ما كنش موجود لفترة و بعدين رجع تانى
تانى حاجة لازم تشوفها كويلات الكهربا المسئولة عن الاشعال و دى اساس زيادة استهلاك البنزين
برضه ممكن تروح لعفشجى او ميكانيكى متخصص يشوف العفشة جايز فى مشكلة مكتفة العربية بتسبب زيادة الاستهلاك و التبطيلم / أحمد عبد الخالقComment
-
إحتمال آخير للدخنة تكون حاجة فى الموتور كاوتش صباب اوطقم شنبرم / أحمد عبد الخالقComment
-
انا النهارده غيرت حساس شكمان وبرضو نفس المشكله ... و روحت لواحد كشف عليها بالكمبيوتر وقالى فى مشكله فى الرشاش الاول و الرابع .. ف انا كنت عايز اعرف لو فى مشكله فى الرشاشات ممكن تعمل الاعراض الى عندى دى (استهلاك وقود عالى - دخان اسود من الشكمان - العربيه بتبطل لوحدها - البوجيهات بتطلع مهببه )
وعايز اعرف طقم الرشاشات بتاعها استيراد يعمل كام ؟Comment
-
اخي العزيز...يمكنك التواصل معي وان شالله محلولة.........لان اذا صدق ان المشكلة في الرشاش الاول والرابع فهتكون فنية جدا.......المشاركة الأصلية كتبت بواسطة mohamed k.anis مشاهدة المشاركة
م-احمد غلوشComment
-
راجع على حساس الكرنك و خصوصا الطنبورة اللي راكب عليها ممكن تكون سبب
ومتصرفشي أكتر من كده لأن المكنة كلها ب 7000 جنيه تقريبا .Comment
-
المهندس / احمد
من فضلك عايز اعرف معدل استهلاك البنزين لبيجو 406 سى سى 2000Comment
-
لو عربية خارجة من المصنع تعمل 6 لتر/100 كم فى الطرق المفتوحةالمشاركة الأصلية كتبت بواسطة rasha1 مشاهدة المشاركة
و داخل المدينة سرعات ما بين 20 و 70 كم/ساعة تعمل 11 لتر/100 كم
لو عربية كويسة المعدل دا بيزيد من نصف لتر الى لتر فى الطرق المفتوحة
لو عربية فيها مشاكل المعدلات دى بتبقى اعلى من كدة
بالنسبة لزحام بلدنا الموجود حاليا فهو وبال على كل العربيات لكل السعات اللترية و اكيد طبعا ال 2000 سى سى و المعدلات دى بتبقى اعلى من كدة بكتير ، يعنى الطرق واقفة و الكلام دا 20 لتر/100 كم و ممكن تزيد او تقلم / أحمد عبد الخالقComment
-
م احمد
شكرا كثير للتوضيح
ولكن نعمل ايه فى زحمة الطريق و حماية السيارة بمعنى ان ممكن تكون السيارة بحالة كويس و احنا نتوهم ان فيها مشكلة نيجة زيادة استهلاك البنزين و نسلم نفسنا الى الميكانيكى يشتغلنا !!Comment
-
الطرق المفتوحة الطوالى ممكن نعرف منها حالة الاستهلاكالمشاركة الأصلية كتبت بواسطة rasha1 مشاهدة المشاركة
بالنسبة ليا الطرق الزحمة جدا الواحد بيريح دماغه و يقضيها مواصلات مش عشان التوفير بقدر الضغط العصبى إلا إذا كانت الأسرة و مش عايزين بهدلةم / أحمد عبد الخالقComment
-
نفس المشكلة عندي 2006. الحل غير الضفيرةComment
-
-
هو ممكن البوابه تتسبب فى خروج دخان اسود من الشكمان و استهلاك وقود عالى ولا ماهاش علاقه ؟المشاركة الأصلية كتبت بواسطة م أحمد مشاهدة المشاركةComment
Comment