صوت تزييق في بيجو ٢٠٨

[Shaimaa ahmad]

مساء الخير
عندي سؤال عن بيجو ٢٠٨ ...انا لسة جايباها من حوالي ٥شهور و عملتلها صيانة ال ٣ شهور وهي عاملة دلوقتي ٢٥٠٠ كيلو بس بقالي اسبوعين بسمع صوت تزييق من ورا ناحية اليمين بس معرفش الصوت من برا ولا من جوا بس غالباً هو من جوا عشان بسمعه والشبابيك مقفولة و بيوضح صوته اكتر مع الفرامل او المطبات والحفر
ياريت حد يفيدني
شكرا :)

[ENG\AHMED]

لو بيروح والعربية لسه مغسولة ويرجع تانى يبقى كاوتش الابواب
فى اسبراى سيليكون بيتباع فى البنزينات .. رشى عليه بس بعد ماتكونى ماسحة الكاوتش كويس يعنى مفيش عليه تراب

او قطنه وزيت برافين

ممكن مع التكرار بعد فترة يروح وممكن لأ انتى وحظك

[Shaimaa ahmad]

مش عفشة يعني؟

[ENG\AHMED]

من وصفك لأ
جربى العربية بعد الغسيل على طول وشوفى زى ماقولتلك
او هاتى الاسبراى ورشية كده كده مش هيخسر

[nav man]

انا من رايي انك تروحي للتوكيل.

[Shaimaa ahmad]

Thanks all

[Moe86]

فى حاجة محتاجة تتزيت, مفصلات الباب أو الاكره او الكاوتش زى ما الاعضاء قالوا
لو فاضيه روحى التوكيل بعد حجز معاد, دة حقك خصوصا ان العربية لسة فى الضمان
او اجلى الموضوع للصيانة الجاية (10,000)

[Abo_Mazen]

فى حاجة محتاجة تتزيت, مفصلات الباب أو الاكره او الكاوتش زى ما الاعضاء قالوا
لو فاضيه روحى التوكيل بعد حجز معاد, دة حقك خصوصا ان العربية لسة فى الضمان
او اجلى الموضوع للصيانة الجاية (10,000)

وممكن لما تأجل الموضوع للصيانه الجاية الموضوع يروح لوحده

[Ahmed Amin]

المفروض في اول صيانة مجانية بيكون فيه تربيط للعفشة ومفصلات الابواب
والكلام دا لاي عربية جديدة مش البيچو بس
فا في الغالب انتي عندك مفصلات الابواب عايزة تتربط ومتربطتش كويس او متعملتش في الصيانة اللي روحتيها
يا تروحي لهم تاني يا تستني للصيانة الجاية لو مش مضايقاكي