مروحة الرديتر بتعلق بيجو 406

[shadygalal669]

السلام عليكم
معايا بيجو 406 موديل 99
المشكله في مروحة الرديتر السرعه التانيه فيها بتعلق
اوقات بتشتغل من اول ما ادور العربيه و العربيه بتبقي بارده يعني 70 مثلا و متخليهاش تسخن
و اوقات مش بتشتغل اصلا و العربيه تبقي حرارتها 95 مثلا مع التكيف وساعات بتوصل ل100
ياريت لو حد عنده تجربه سابقة يفيدني
ولو اقدر اعرف تكلفة التصليح في حدود كام مثلا
شكرا

[Mecha]

ممكن سويتش المروحه بيخرف ,غيره

[Abo_Mazen]

هي المروحه في حد ذاتها مش بتتصلح ..الموتور بيتغير علطلول ..متهيألي كده تروح لكهربائي ..هيوصلها دايركت على بطارية ..يشوف شغاله بسرعتها القصوى ولا لأ ..لو لاقاها شغالة وكله تمام ..هيبدأ بقى يبص على الكتاوت بتاعها لو ليها كتاوت ..ويبص على الريلاي بتاعها ..يعني هيبدأ بقى يمشي واحده واحده كده لغاية ما يعرف إيه اللي بيخليها تهجص كده في تشغيلها ..بس الله يرضى عليك يكون كهربائي بيفهم

[pepo2011]

لاااااازم كهربائي بيجو الله يباركلك عشان دي ليها خريطة وكتاوتات وفيوزات وسويتش وموااااال
ولو احتجت حاجة كلمني نصيحة البيجو بالذات مش اي كهربائي ولا اي ميكانيكي يشتغل فيها

[mohamedadelemam]

السلام عليكم .. حضتك هتلاقى فى صدر العربيه عدد 3 كتاوت للمروحه 2 سرعه واطيه وواحد سرعه عالبه حضرتك اغسلهم بالبنزين كويس وجرب .. حضرتك هى مروحه واحده بس اللى بتعمل الحركه دى ولا الاتنين ؟

[shadygalal669]

ممكن سويتش المروحه بيخرف ,غيره

هدور عليه شكرا

هي المروحه في حد ذاتها مش بتتصلح ..الموتور بيتغير علطلول ..متهيألي كده تروح لكهربائي ..هيوصلها دايركت على بطارية ..يشوف شغاله بسرعتها القصوى ولا لأ ..لو لاقاها شغالة وكله تمام ..هيبدأ بقى يبص على الكتاوت بتاعها لو ليها كتاوت ..ويبص على الريلاي بتاعها ..يعني هيبدأ بقى يمشي واحده واحده كده لغاية ما يعرف إيه اللي بيخليها تهجص كده في تشغيلها ..بس الله يرضى عليك يكون كهربائي بيفهم

الميكانيكي شال فيشه كدا من الموتور المروحه اشتغلت علي السرعه العاليه علي طول و حطها تاني بطلت و اشتغلت بطئ

لاااااازم كهربائي بيجو الله يباركلك عشان دي ليها خريطة وكتاوتات وفيوزات وسويتش وموااااال
ولو احتجت حاجة كلمني نصيحة البيجو بالذات مش اي كهربائي ولا اي ميكانيكي يشتغل فيها

ده اللي اكتشفته لما روحت المفروض غسل كل الفيش و نضفها بس برضو العربيه مش بتشغل السرعه العاليه للاسف

السلام عليكم .. حضتك هتلاقى فى صدر العربيه عدد 3 كتاوت للمروحه 2 سرعه واطيه وواحد سرعه عالبه حضرتك اغسلهم بالبنزين كويس وجرب .. حضرتك هى مروحه واحده بس اللى بتعمل الحركه دى ولا الاتنين ؟

فين مكانهم في صدر العربيه انا دورت ملقتش حاجه

[Mecha]

حلو ,قربت كدا ,كدا الحساس اللي شال فيشته ممكن بايظ ومقاومته عاليه بتهبط سرعة المروحه والكمبيوتر بينقل ع fail safe يجريها بس هتاكل البطاريه ,فدا واحد ,ريليهات المروحة ع المروحه نفسيها المفروض اتنين اسبشيال بمقاوماتهم ممكن جدا العيب فيهم .فيوز المروحه في بوكس الصالون

[Moe86]

العربية عندى كانت بتسخن و المروحة بتشتغل على السرعة العالية فقط
غيرت الريلاى (المقاومة) و رجعت طبيعيه