Tweet
انا معايا بيجو 406 بس العربيه بتبطل على السلانسيه و فى دخان اسود بيطلع من الشكمان و استهلاك الوقود عالى و لفيت على ميكانيكيه كتير و غيرت حاجات كتير و برضو نفس العطل ..
-
-
غيرت إيه حضرتك ؟؟؟؟[SIGPIC][/SIGPIC]--------
m_m_sh_a سابقا -
اي مشكلة غي انتظام الدوران علي سرعة اللاحمل او ااسلانسية بيكون في الاتي
بوجيهات وبوبينة اشعال-حاشعال-حساس كرنك وايديل فالف
شيك عليهم ومش حيكون العيب بعيدComment
-
غيرت البوابهالمشاركة الأصلية كتبت بواسطة m_m_sh_a مشاهدة المشاركة
و الرشاشات
وحساس الشكمان
والبوجيهاتComment
-
انا وديتها التوكيل كشفوا عليها وقالولى (يلزم تغيير موبينه اشتعال و حساس شكمان)المشاركة الأصلية كتبت بواسطة kaza مشاهدة المشاركة
بس انا مش مقتنع ان الموبينه تعمل كده .. هى الموبينا لما بتبوظ بتضعف عزم العربيه لكن العربيه ما شاء الله بمشي بيها 220
ف انا غيرت حساس الشكمان بسComment
-
طيب خليهم في التوكيل يغيروا الموبينه وقولهم التغيير على ضمانتكم ..يعني الموبينه تتغير لو المشكله ما تحلتش يبقى العربيه ما تلزمكش ..جرب مش هتخسر حاجه لو المشكلة ما تحتلش ..ولو المشكله إتحلت يبقى هتدفع تمن الموبينهالمشاركة الأصلية كتبت بواسطة mohamed k.anis مشاهدة المشاركة[SIGPIC][/SIGPIC]--------
m_m_sh_a سابقاComment
-
اللي يخلي العربية تبطل علي السلانسية هوا حساس الأيدل
الموبينة لو وحشة هتخلي الار بي ام يلعب يعلي ويوطي
وحساس الايدل بيعمل دا برضه بالمناسبة
فالصح انك تنضفه الاول عشان تتاكد العيب منه ولا الموبينة
بعدين تجرب بحساس تانية لو دا متاحLeitoSR سابقاComment
-
بص يا باشا،
إنت بتحكي على مشكلتين في العربية مش مشكلة واحدة:
1. مشكلة الدخان الإسود:
ده معناه إن العربية مابتحرقش بنزين كويس، و دا سببه يا إما الهوا اللي داخل الموتور مش كفاية، يا إما عندك مشكلة كهربا. عشان تعرف إعمل الآتي بالترتيب:
1. روح لكهربائي شاطر يراجع لك على الضفيرة بتاعت الكهربا و يتأكد إن مفيهاش تهريب، لأن لو فيه تهريب كهربا من أي حتة دا هياخد من الكهربا اللي رايحة البوجيهات.
2. غير البوجيهات ببوجيهات نضيفة من محل قطع غيار عليه حركة كتير (عشان البوجيهات ماتكونش مركونة بقالها فترة و مرطبة). لأن لو البوجيه القديم مش كويس مش هايحرق البنزين كويس.
3. إكشف على الموبينة و شوفها بتخرج كهربا كويس للبوجيهات ولا لأ. لو الموبينة بتاعتك زي بتاعت ال206 الموضوع ده هايبقى سهل جداً يتشاف بالعين المجردة.
4. إتأكد إن مفيش أي سلك مملح في العربية، و بالذات الصوابع اللي ماسكة البوجيهات، لأن دي كمان ممكن تهرب كهربة.
5. طلع حساس المانيفولد Manifold Air Pressure Sensor (دا الحساس اللي بيقيس ضغط الهوا اللي داخل للموتور) و نضفه. لو كمية الهوا اللي داخلة الموتور مش متقاسة صح دا هيأثر على نسبة الخلط بتاعت الهوا و البنزين و يخلي العربية تدخن.
6. على حدود علمي، مفيش عربية ماشية في الشارع حساس الشكمان بتاعها سليم، لأنه بيتاكل بسرعة و محدش بيغيره. و بالتالي أنا مستبعده تماماً. دا غير إنه لو باظ بيزود استهلاك البنزين و يقلل العزم لكن ماشفتوش قبل كده بطل عربية و الله أعلم.
2. إن شاء الله الخطوات اللي فوق هاتحل مشكلة الدخان، و إحتمال مشكلة التبطيلة معاها. لو مشكلة التبطيلة ماتحلتش غالباً هايبقى مشكلة في دورة البنزين. إعمل الآتي:
1. خلي الميكانيكي بتاعك يفك حساس الآيدل (هو مش حساس أساساً لكن فيه صنايعية بيسموه كده) و ينضفه بجاز و يسيبه ينشف و بعدين يركبه. الvalve ده هو المسؤول عن سرعة السلانسيه عن طريق التحكم في كمية الهوا اللي داخلة الموتور. لو الفالف دا مش نضيف العربية بتبطل عالسلانسيه.
2. غير فلتر البنزين و بعدها حط منضف دورة بنزين في التنك و عليه 20 لتر بنزين (حط المنظف قبل ما تحط البنزين). ماتعملش الحركة دي غير بعد ما تغير الفلتر لإن لو فلتر البنزين معبي وساخة المنظف هايخلي الوساخة تطلع عالرشاشات و هاتبقى ليلة.
3. طلع طرمبة البنزين و شوف ضغط البنزين قوي ولا ضعيف. دا مش مرتبط بالموضوع لكنه خطوة كويسة مع كل الحاجات اللي فوق دي. لو الطرمبة ضغطها وحش
ربنا معاك و ابقى عرفنا عملت إيه.Comment
-
حضرتم انا روحت التوكيل و قالولى موبينه بس انا مش ما اقتنعتش بكلامهم ... بس دلوقتى انا اقتنعت .. هروح طنطا يوم التلات اجيب موبينه استيراد من عند واحد اسمه البهي على السريع .. بس تفتكر هيرضي يديهالى اجرب بها و لو ما اشتغلتش ارجعها لان اخر مره خدت منه رشاشات اجرب بيها مكانش راضي يرجعها و قالى انا ارجعها لو هى فيها مشكله لكن ما تجيش انت تجرب وانت مش عارف العطل ... مع العلم ان انا الى بفك كل حاجه فى العربيه و بجرب و انا واقف عندهالمشاركة الأصلية كتبت بواسطة adhamghaly مشاهدة المشاركةComment
-
المشاركة الأصلية كتبت بواسطة mohamed k.anis مشاهدة المشاركة
البهي من الناس السخيفة جداً في التعامل لأنه عارف إن مفيش غيره في طنطا. نصيحتي لو انت قافش تغير موبينة إنك تنزل بيها الحرفيين و تجرب هناك.
و إن كنت شايف إنك تكشف على خرج الكهربا في الموبينة اللي معاك الأول.Comment
-
انا روحت عند البهى النهارده و جربت 2 موبينه من عنده و برضو نفس المشكلهالمشاركة الأصلية كتبت بواسطة adhamghaly مشاهدة المشاركة
تفتكر فاضل ايه تانى ممكن اغيره .. انا زهقت والله من العربيه دىComment
-
انت عندك كابلات الموبينة فيهم واحد بيلمس ارضي او مع سلك تاتي
مش محمي كويس
اعرف ناس كانت عندها نفس مشكلتك وغيرت موبينة بواحدة جديدة وطلع العيب من كابل القديمة بس.LeitoSR سابقاComment
-
انا الموبينه عندى مش سلوك .. هى على بعضها عامله زي السطره بتركب على الاربع بوجيهاتالمشاركة الأصلية كتبت بواسطة ahmed amin مشاهدة المشاركةComment
-
يبقى الموبينة بتاعتك زي بتاعت ال٢٠٦...المشاركة الأصلية كتبت بواسطة mohamed k.anis مشاهدة المشاركة
عموماً عربيتك بنسبة كبيرة أوي مافيهاش مشكلة محتاجة قطع غيار...عربيتك محتاجة كهربائي شاطر يراجع على السلوك كلها لإن انت كده عندك تهريب كهربا من أي حتة بيخلي البوجيهات ماتحرقش كويس.
و بخصوص موضوع التبطيل عالسلانسيه دا الآيدل فالف زي ما قلت لك قبل كده؛ بس سيبك منه خالص لحد ما تعالج موضوع الحرق ده.
كلمني على الإنبوكس و ممكن أخدك على ميكانيكي كويس في طنطا يشوف الموضوع.Comment
-
ماهيا الموبينة بتكون زي المسطرة نازل منها ٤ كويلات بتركب علي البوچيهات.المشاركة الأصلية كتبت بواسطة mohamed k.anis مشاهدة المشاركة
طرف الموبينة بقي فيه كلبس كدا بيكون داخل فيه اسلاك. دول اللي كان قصدي عليهم
لاني اعرف واحد غير موبينة قبل كدا عشان نفس مشكلتك بموبينة جديدة
وظهر نفس العيب وطلع العيب في السلك اللي داخل في الكلبس دا.LeitoSR سابقاComment
Comment