عيب الفرامل في 301

[ahmedv]

انا النهاردة عملت حادثة بالعربية والحمد لله انا محصليش حاجة الفرامل فجاءة ماستجبتش والعربية زحفت وخبطط 3 عربيات لقدام ربنا سترها واتراضيت مع الناس بس العربية الفرامل فيها مستجابتش وكمان حتي الairbag مفتحتش رغم قوة الخبطة انا المفروض دلوقتي اتصرف ازاي مع التوكيل
ودى صور العربية

[abou-yahia]

ربنا يعوض عليك

طبعا لازم تروح علي التوكيل

عشان توثق اللي حصل وياخدوا البيانات من علي الكمبيوتر

وطبعا منهم علي حمايه المستهلك

الخبطه في نظري مش بالقوه انها تفتح الايرباج

هي بتكون مصممه علي خبطه بقوه معينه واتجاه معين

والحمدلله انها مفتحتش
كنت حتكون في فيلم تاني خالص

[MaZaGAngeE]

حمدلله ع السلامة…
انت تاني واحد يشتكي من حوار ان الفرامل مشتغلتش… .

[A.Saad]

http://www.nilemotors.net/Nile/459295-301-4.html

لو تعرف تعمل محضر وتثبت ان الفرامل مش اشتغلت علشان تاخده ضد التوكيل

[م أحمد]

أولا أهلا بحضرتك عضو جديد فى المنتدى

لما دوست على الفرامل كانت محجرة و لا سايبة خالص ؟ يعنى عدم الاستجابة ازاى ؟

[volociximab]

المشكلة ان ام العربية دى مبتمشيش فى دولة غربية
كان زمان شركة بيجو اتفضحت و اعترفت و بحثت عن سبب المشكلة
رأيي تبحث فى الداخل او الخارج عن سبب هذه المشكلة المتكررة عشان تمشى فى سكة الحل

[volociximab]

لو ده هو الى حصل معاك يبقي نفس العيب الى ظهر فى الجزائر

.
علاقة الموضوع ده بالسلامة بييجي من ناحية إن الموتور بيشغل الباور والفرامل.. فلو الموتور طفى وانت سايق .. هتلاقي الدركسيون بقى تقيل والفرامل ضعيفة جدا..

[ahmedv]

أولا أهلا بحضرتك عضو جديد فى المنتدى

لما دوست على الفرامل كانت محجرة و لا سايبة خالص ؟ يعنى عدم الاستجابة ازاى ؟

اهلا بيك بص حضرتك انا لما دست كانت المفروض تقف مسترحية لان المسافة كويسة وانا سرعتي مكانتش عالية لقيتها زحفت مني ولا كاني دايس علي حاجة هي كانت عملتها معايا قبل كده بس ربنا سترها كنت ماشي علي 100 وزحفت مسافة كبيرة عشان تقف وانا دايس علي الاخر ووقفت قبل عربية بالظبط انا ساعتها محطتش في دماغي قلت العيب مني

[Ahmed Amin]

إولا الف سلامة عليك والحمدلله انها جات علي قد كدا
زي ما قالك ابو يحي الخبطة مش بالقوة الكافية انها تفتح الايرباج
الايرباج بتفتح لو الخبطة وصلت لفردة الشاسية

وزي ما الاخوة اقترحو الافضل انك تروح التوكيل وتعمل معاينة عشان يشوفو سبب الحادثة

[Ashraf Fawzy]

اهلا بيك بص حضرتك انا لما دست كانت المفروض تقف مسترحية لان المسافة كويسة وانا سرعتي مكانتش عالية لقيتها زحفت مني ولا كاني دايس علي حاجة هي كانت عملتها معايا قبل كده بس ربنا سترها كنت ماشي علي 100 وزحفت مسافة كبيرة عشان تقف وانا دايس علي الاخر ووقفت قبل عربية بالظبط انا ساعتها محطتش في دماغي قلت العيب مني

لازم تقدم شكوى فى جهاز حماية المستهلك عشان تثبت حقك و توفر الوقت اللى التوكيل هايضيعه فى المماطلة و التسويف بخصوص الإجراءات, و لما تروح التوكيل تأكد إنهم بكل الطرق هايحاولوا يقنعوك إن الخطأ من جانبك, لكن لما تعرف إن التوكيل بيستخدم تيل مخالف للمواصفات و تالف يبقى تتوقع إن الفرامل ممكن تهرب فى أى وقت, و لما التوكيل عشان يحقق مكاسب أكبر يلعب فى مواصفات التيل يبقى تتوقع التلاعب فى أى أجزاء أخرى من وحدة الفرامل و هروب الفرامل فى أى وقت و على حسب ظروف إستخدام الفرامل.

[K_E]

اهلا بيك بص حضرتك انا لما دست كانت المفروض تقف مسترحية لان المسافة كويسة وانا سرعتي مكانتش عالية لقيتها زحفت مني ولا كاني دايس علي حاجة هي كانت عملتها معايا قبل كده بس ربنا سترها كنت ماشي علي 100 وزحفت مسافة كبيرة عشان تقف وانا دايس علي الاخر ووقفت قبل عربية بالظبط انا ساعتها محطتش في دماغي قلت العيب مني

لما كنت دايس فرامل العربية كانت ماشية وكنت حاسس بطقطقه سريعة فالدواسة ؟

[ahmedv]

لما كنت دايس فرامل العربية كانت ماشية وكنت حاسس بطقطقه سريعة فالدواسة ؟

لا هي الدواسة نشفت معايا قوي وكنت دايس عليها جامد

[ابو هنا]

الف سلامة على حضرتك . والحمد لله انها جت على اد كده
نصحتي ليك لو انت واثق هن حقك مطولش مع التوكيل وخد خطوات حاسمة
بس انا ليا سؤال اذا سمحت حضرتك تجاوبني عليه
العربية عمله كام كيلو ؟ وهل قمت بتغيير التيل من قبل في التوكيل ؟

[Dr.NabNab]

الف سلامة عليك بس موضوع الفرامل دا ميتسكتش عليه لأن دى تانى حالة بعد أ. أشرف واضح ان فيه خطأ فى التصنيع لو احنا فى بلد محترمة كنت هتلاقيهم سحبوا كل العربيات للاصلاح .. كده الموضوع بقى مقلق بالنسبة للى سايقينها وبالنسبة للى عايزين يشتروها زيي من الآخر لسان الحال بيقول اشتريها ورزقك على الله يا صابت يا خابت

[mif]

لازم تقدم شكوى فى جهاز حماية المستهلك عشان تثبت حقك و توفر الوقت اللى التوكيل هايضيعه فى المماطلة و التسويف بخصوص الإجراءات, و لما تروح التوكيل تأكد إنهم بكل الطرق هايحاولوا يقنعوك إن الخطأ من جانبك, لكن لما تعرف إن التوكيل بيستخدم تيل مخالف للمواصفات و تالف يبقى تتوقع إن الفرامل ممكن تهرب فى أى وقت, و لما التوكيل عشان يحقق مكاسب أكبر يلعب فى مواصفات التيل يبقى تتوقع التلاعب فى أى أجزاء أخرى من وحدة الفرامل و هروب الفرامل فى أى وقت و على حسب ظروف إستخدام الفرامل.

+1