فتيس بيجو 508

[tasaka]

السلام عليكم ورحمة الله وبركاته

ايه مشاكل فتيس البيجو 508 لان معروض عليه واحده .. و معنديش اى فكره عن البيجو بصفه عامه

( لو فيه مشاكل ) .. هل هى نفس مشاكل الفتيس dsg يتاع الفولكس .. او مشاكل فتيس الاوبل الجديد

و ايه عيوب العربيه دى بصفه عامه .. و هل هي عربيه ممتازه زى ما الكل بيقول ؟؟

شكرا

[Mostafa.Mahran]

العربية مش معايا بس من ساعة ما نزلت و محدش سمع ليها عن اى عيوب خالص خالص و الكل بيشكر فيها

[tasaka]

العربية مش معايا بس من ساعة ما نزلت و محدش سمع ليها عن اى عيوب خالص خالص و الكل بيشكر فيها

شكرا لسرعه ردك
فعلا كتير شكروا فيها .. بس عايز اتأكد من موضوع الفتيس و اعرف العيوب العاديه بتاعتها .. لان كتير من العربيات الجديده فيها مشاكل فتيس و خصوصا الفولكس

[devil_storm]

الفتيس ٦ سرعات اتو ستيب ترونيك عادي

[AHMEDJUDDY]

بقالي في المنتدي اكتر من سنتين تقريبا
و مسمعتش اي حد اتكلم عن اي مشكله للعربيه دي
وربنا يبارك لكل ملاكها

[Adnfalcon]

فتيس ال 508 بدون مشاكل فتيس

[tasaka]

شكرا للجميع
لو حد يعرف مشاكلها العاديه ايه .. اكون شاكر جدا

[ENG.MaRk]

العربية ككل ممتازة و مفيش فيها أي مشاكل خالص و الكلام ده بعد تجربة 21000 كم بس ممكن من العيوب اللي فيها هي إن قطع غيارها غالية شوية و الشنطة بتاعتها فبر غير كدة تمام

[tasaka]

العربية ككل ممتازة و مفيش فيها أي مشاكل خالص و الكلام ده بعد تجربة 21000 كم بس ممكن من العيوب اللي فيها هي إن قطع غيارها غالية شوية و الشنطة بتاعتها فبر غير كدة تمام

مع الشكر .. و ربنا يحقظها لك على طول بدون مشاكل

هل الفرامل كويسه

هل التوكيل كويس فى التعامل .. و لا بتهرب من المشاكل .. انا سمعت ان توكلها اتغير فى الفتره الاخيره

http://www.nilemotors.net/Nile/459295-301.html

[AHMEDJUDDY]

العربية ككل ممتازة و مفيش فيها أي مشاكل خالص و الكلام ده بعد تجربة 21000 كم بس ممكن من العيوب اللي فيها هي إن قطع غيارها غالية شوية و الشنطة بتاعتها فبر غير كدة تمام

بعد اذن حضرتك
يعني ازاي الشنطه فبر؟
من عند الاكصدام ولا ايه

[ENG.MaRk]

بعد اذن حضرتك
يعني ازاي الشنطه فبر؟
من عند الاكصدام ولا ايه

في خط كروم في الشنطة تحته علامة و كلمة بيجو ... من أول الخط لحد الاكصدام فبر

[ENG.MaRk]

مع الشكر .. و ربنا يحقظها لك على طول بدون مشاكل

هل الفرامل كويسه

هل التوكيل كويس فى التعامل .. و لا بتهرب من المشاكل .. انا سمعت ان توكلها اتغير فى الفتره الاخيره
http://www.nilemotors.net/Nile/459295-301.html

الفرامل ممتازة و بتقدر توقف العربية زي ما حضرتك عايز بس خلي بالك من حاجة لو ربنا وفقك و امتلكت الوحش ده ... العربية سحبها و تجميعها ممتازين و للأسف شكلها الكبير و وزنها مايوحوش بكدة و لكن لو ماخدتش بالك هتلاقيها بتطير منك ... أنا مرة كنت علي طريق السخنة و كنت بأتكلم مع اللي راكب معايا و كنت ماشي 120 و مرة واحدة بأبص علي العداد لقيته 190 و المشكلة إنك مش هتحس بكدة لأن مفيش فرق في الثبات

[tasaka]

الفرامل ممتازة و بتقدر توقف العربية زي ما حضرتك عايز بس خلي بالك من حاجة لو ربنا وفقك و امتلكت الوحش ده ... العربية سحبها و تجميعها ممتازين و للأسف شكلها الكبير و وزنها مايوحوش بكدة و لكن لو ماخدتش بالك هتلاقيها بتطير منك ... أنا مرة كنت علي طريق السخنة و كنت بأتكلم مع اللي راكب معايا و كنت ماشي 120 و مرة واحدة بأبص علي العداد لقيته 190 و المشكلة إنك مش هتحس بكدة لأن مفيش فرق في الثبات

فعلا دى تانى مره اسمع نفس الشيئ .. ان العربيه تسارعها قوى جدا لدرجه وجوب الحذر من هذه القوه الزائده

شكرا

[Mohab.Nabil]

عربية ممتازة جدا و بدون عيوب جوهرية

و كل الملاك بيشكروا فيها ماشاء الله

الفتيس اوتوماتيك عادى 6 نقلات مفيش منه اى عيوب او مشاكل

تسارع ممتاز ، شكل و فخامة ، وسع و راحة ، فرامل و ثبات ممتازين ، اوبشن ممتاز .. الواحد هيكون عايز ايه اكتر من كده فى العربية

بالنسبة لقطع الغيار فطبيعى ان قطع غيارها تبقى اغلى من المتوسط عشان الفئة اللى هى فيها بس لو قارنتها بنفس العربيات فى فئتها هتلاقى قطع الغيار ارخص

[abudrsh]

هذا التسارع الممتاز ببنزين 92 عادي ؟