سؤال لملاك بيجو 301 و الفرق بين موديلات القديمة و موديل 2016

[tooooma]

السلام عليكم
انا امبارح رحت شفت 301 2016 الجديدةفي معرض B Auto ب 131000 و لاحظت عدم وجود الشاشة البيلت ان و مكانها فاضي و في كاسيت جديد
كنت عايز اعرف ايه فايدة الشاشة و هل كل المعلومات كانت بتتعرض عليها زي استهلاك البنزين و الرحلات و خلافه و هل الكلام ده بيتعرض في شاشة العدادات ولا لأ
و استهلاك البنزين عامل كام
و تنصحوني اجبها ولا اروج اجيب الستروين خصوصا ان عليها تخفيض و كده كده توأم بس اختلاف الشكل من بره مع العلم ان الشاشة و الكاسيت القديم فيها زي ما هو و سعرها 124000

[mahmed0100]

ده فيديو بيوضح استخدام من استخدامات شاشه البياناتغير اظهار رقم المتصل علي موبايلك بعد توصيل العربيه بالبلوتوث علي الموبايل
و ححاول ارفع ليك صوره استهلاك البنزين علي مده طويله للعربيه معايا عموما هي حوالي ٩ لتر في ال١٠٠ كيلو جوه البلد و توصل لحد ١٢ لو بتمشي في زحمه زحمه يعني و بالتكييف طبعا




اللنك:

http://youtu.be/xE3Jj5S1FZU

[ENG.MaRk]

سيتروين صفقة أحسن من بيجو لو سعرها زي ما حضرتك بتقول لأنها أرخص ب 7000 و كمان فيها كماليات أكتر و وكيلها "عز العرب" كويس و العربية تقريباً مفيهاش مشاكل ... ربنا يوفقك لما فيه الخير إن شاء الله :)

[tooooma]

طيب يعني انا من غير الشاشة مش هعرف استهلاك البنزين و باقي الكماليات دي؟ صح كده؟ و نقطة البنزين دي مهمة جدا عشان انا طريقي طويل شوية بس سريع و مش بيقف خالص.
و ايه رأيك اروح للسيتروين لو كده ولا بلاش؟

[tooooma]

انا شفت الفديوهات بتاعتك و اعتقد ان من غير الشاشة دي مش هتظهرلي اي معلومه من اللي بيظهر عندك

[medoobad]

كل المعلومات بتظهر علي شاشة الكاسيت و الشاشة اللي في التابلوه ماعدا صورة العربية بتاعت سنسور الباركنج ... بس الصوت بيعوضها

[tooooma]

يعني متوسط استهلاك البنزين و كمبيوتر الرحلات و التانك يمشي العربية قد ايه و خلافه هيظهر في شاشه العدادات عادي؟

و ياريت تقولي استهلاك البنزين معاك كام في المتوسط

[mahmed0100]

انت حتشوف على شاشه التابلو اللى بين العدادت البيانات زى البيزلاين
لكن مش بنفس سهوله و طريقه العرض على الشاشه الكبيره بتاعت الكاست

اسم بيجو فى مصر افضل من ستروين حتى فى اعاده البيع بعد عمر طويل

[tooooma]

شكلي هجيب البيجو عشان اعادة البيع في المستقبل
و انا كان مهم عندي اعرف اذا كانت شاشة العدادات هتعرض الكلام ده ولا لأ
طريقة العرض مش مهمة قوي, اهم حاجة تتعرض
شكرا لمعلوماتك و فديوهاتك الحلوة

[arc_sherif_81]

هو الاختلاف في الشاشه بس و لا في حاجه ثانيه؟

[Ashraf Fawzy]

حضرتك إدخل على صفحة بيجو مصر شوف شكاوى كثيرين من ملاك العربية من تعرضهم لحوادث بسبب ضعف أداء الفرامل المفاجئة للعربية, و إلحق قبل ما يحذفوا كلام و صور حوادث أصحاب الشكاوى و يعملولهم بلوك. أما عن سياسة تعامل التوكيل مع ملاك العربية فحدث و لا حرج.

[tooooma]

قرأت وصرفت نظر و حاليا بفاضل بين اكسنت 2016 او شارك 2015 اول فئة
شكرا للمعلومات :)