استفسار عن بيجو 508 موديل 2015 اول فئة.

[Mostafa Bedo]

سلام عليكم كنت عاوز اعرف ايه هي الكماليات اللي موجودة ف بيجو 508 اول فئة عايز اعرف كل الكماليات اللي فيها وايه رأيكم فيها وبتمشي ب 92 ولا هيضرها ؟؟

[mohamed-ahlawy]

حكاية الكماليات انا معرفش بصراحة
و راي فيها انها عربية ممتازة
انا شايف انها افضل من المرسيدس c180 و البي ام دبليو 320
لانها فيها مميزات الاثنين
فانا بوصفها انها افضل سيارة في مصر
و حكاية بنزين 92
فهي بتمشي ببنزين 92 عادي علي حسب كلام التوكيل
و صديقي بيستخدم لها بنزين 92 عادي

[ENG.MaRk]

مش فاكر مواصفات أول فئة بالظبط بس أنا كنت عامل موضوع قبل كدة بأتكلم فيه عن موضوع البنزين ده ممكن تدخل تقراه و علي فكرة هي أحسن عربية في فئتها و الوحيدة اللي محدش اشتكي منها و كمالياتها ممتازة و كقيمة مقابل سعر معقولة جداً و أشجعك تقتنيها و ربنا يوفقك لما فيه الخير إن شاء الله :)

[M.Elwan]

الفرق في الفئة الاولى Access

الفرش قماش وليس جلد
لا يوجد ستائر جانبية او خلفية
كرسى السائق يدوى
لا يوجد باركنج سنسور
فرامل اليد مانويال
لا يوجد ضم كهربائي للمرايات
الفوانيس الامامية غير قابلة للتعديل مع الحركة
لا يوجد كشافات شبورة امامية
لا يوجد زينون
لا يوجد فتحة سقف
لا يوجد نظام ملاحة
لا يوجد سمارت كى start button

http://www.peugeot-eg.com/showroom/508/berline/

[ali ashraf]

بيجو 508 الفئة الاولى

انصح حضرتك لو انت من القاهرة تخطف رجليك وتروح التوكيل اللى فى صلاح سالم بجوار مسجد الرحمن الرحيم و تشوف العربية بنفسك و الحاجات اللى ذكرها العضو الزميل بالضبط زى ماقال صح 100% و يمكن الحاجة المهمة الناقصة الفرش الجلد و السنسور بارك و التوكيل نفسه بيركب السينسور بارك بحوالى 3000 جنيه و الفرش الجلد بحوالى 2000 جنية والفرق بين الفئة الاولى و الثانية 30 الف يعنى توفر 25 الف و السنسور ممكن يركب ارخص بكتير بره التوكيل حوالى 500 جنية فقط بس مش عارف ممكن يخرب الضمان ...انا حجزت الفئة الاولى و سعرها زاد بقت ب 245 الف و عملت تست درايف و الحقيقة يمكن كانت اكثر متعة من المرسيدس اللى كانت عندى

[ali ashraf]

نوع البنزين

نسيت اقول لحضرتك تم تعديل البيجو اللى بينزل مصر من 2013 و بتحط بنزين 92 عادى جدا بس بتحط معه علبة منظف كل 7500 كم و ده مخصوص للبيجو و يباع فى التوكيل فقط يعنى تخلى بالك لو رحت تشترى 508 من معرض بمواصفات خليجية مش من التوكيل دى هتحتاج بنزين 95 لأنها مش معدلة و اخيرا ممكن تأخذ من التوكيل البورشور اللى بيوضح تفاصيل الثلاث فئات ....فيه بقى ميزة فى الفئة الاولى عن الثالثة و هى الجنط 16 فى الاولى و 17 فى الثالثة و شوارع مصر يناسبها ال16 اكثر ( تأخذ المطبات بنعومة اكثر) مع خالص تحياتى

[ENG.MaRk]

نسيت اقول لحضرتك تم تعديل البيجو اللى بينزل مصر من 2013 و بتحط بنزين 92 عادى جدا بس بتحط معه علبة منظف كل 7500 كم و ده مخصوص للبيجو و يباع فى التوكيل فقط يعنى تخلى بالك لو رحت تشترى 508 من معرض بمواصفات خليجية مش من التوكيل دى هتحتاج بنزين 95 لأنها مش معدلة و اخيرا ممكن تأخذ من التوكيل البورشور اللى بيوضح تفاصيل الثلاث فئات ....فيه بقى ميزة فى الفئة الاولى عن الثالثة و هى الجنط 16 فى الاولى و 17 فى الثالثة و شوارع مصر يناسبها ال16 اكثر ( تأخذ المطبات بنعومة اكثر) مع خالص تحياتى

ايه يا دكتور الحلاوة ديه ... ده انت بقيت خبير في العربية أكتر مني ... تحياتي :)

[Pedusurgeon1]

يا جماعة انتم متأكدين من موضوع ان السيارات الخليجي مبتقبلش بنزين 92 انا على وشك اجيب واحدة من السعودية

[ali ashraf]

العفو يا باش مهندس

ايه يا دكتور الحلاوة ديه ... ده انت بقيت خبير في العربية أكتر مني ... تحياتي :)

العفو تلميذك النجيب و اعمل حسابك لما استلمها ان شاء الله مش هتخلص اسئلة منى طبعا هذاكر المانيول كويس بس مقدرش استغنى عن خبرتك و نصائحك الجميلة

[ali ashraf]

100%

يا جماعة انتم متأكدين من موضوع ان السيارات الخليجي مبتقبلش بنزين 92 انا على وشك اجيب واحدة من السعودية

ايوة واثق 100% و ده من واحد صحبى جاب 508 مواصفات خليجى وممكن تلاقى الموضوع ده منشور على جروب البيجو على الفيسبوك

[ENG.MaRk]

العفو تلميذك النجيب و اعمل حسابك لما استلمها ان شاء الله مش هتخلص اسئلة منى طبعا هذاكر المانيول كويس بس مقدرش استغنى عن خبرتك و نصائحك الجميلة

استلم بس الأول و افرح بيها و اكتب تقرير و فرحنا معاك ... في انتظار أسئلتك في أي وقت ... تحياتي و مبروك مقدماً :)

[ali ashraf]

علم و ينفذ

استلم بس الأول و افرح بيها و اكتب تقرير و فرحنا معاك ... في انتظار أسئلتك في أي وقت ... تحياتي و مبروك مقدماً :)

الله يبارك فيك مع خالص تحياتى و شكرى

[Omar Sarray]

الف مبروك مقدما وطمنى عن العربيه لمه تستلمها والعربيه محترمه وممتازه وتستاهل كل مليم يدفع فيها بس جيب الفئه الى فى النص الى هيا 274 وعيش الجمال والحلاوه والفخامه تحياتى ليك

[Zoro zorito]

508

ارغب قي شراء السياره كيف يمكني التواصل مع مهندس مارك

[Omar Sarray]

ترغب فى شراء روح توكيلها توكيل اباظه واحجز عربيه ولو فى موديلات متاحه حيقولوللاك هناك او اتصل بالخط الساخن وشوف