رايكم فى البيجو 301

[kma73]

السلام عليكم
ارجو من اهل الخبرة رايهم فى البيجو 301 و خاصة من حيث
1 - اداء الفرامل
2- الثبات على الطريق
3- استهلاك البنزين
4- قطع الغيار
5- التوكيل

ان سمعت كلام متناقض كتير اوى و عايز احسم الموضوع
و شكرا للمساعده

[Mahony]

السلام عليكم .
انا كان عندي بيجو ٢٠٦ موديل ٢٠١٢ استخدمتها سنتين بعتها عشان مانيوال . مشيت معايا ٢٠ الف كيلو
الان عندي ٢٠٧ موديل ٢٠١٢ اتوماتيك . ماشيه الى الان ٣٠ الف كيلو .
حاجز بيجو ٣٠١ موديل ٢٠١٦ اتوماتيك اعلى فئة ، ح استلمها ان شاء الله بعد شهر .

اداء الفرامل في ال ٢٠٦ و ٢٠٧ ممتازين
الثبات أفضل بكثير جدا عن اليارس و الاكسنت ( فيرنا في مصر ) بحكم قيادتي لهم كلهم .
صرف البنزين في ال بيجو ٣٠١ حيكون ١٠ كيلومتر ل اللتر الواحد يعتمد على استخدامك ، و لكن ده ممكن تزيد عن ال ١٠ كيلو لو سواقتك جدا جدا هادئه .
أسعار قطع الغيار تعتبر معقوله في حاجات سعرها أرخص من اليارس و الاكسنت و حاجات اعلى ، إجمالا كلهم زي بعض .
التوكيل ، انا من السعودية ، ما عندي فكرة عن توكيلات مصر ... و لكن شايف الناس بتشتكي و حتى عندنا في السعودية ، السيارة فقدت سمعتها بسبب الوكيل .
عموما بالنسبة لخبرتي في البيجو و اليارس و الاكسنت ، أفضل البيجو بكثير جدا على الأقل مش ح تتعب من الجلسة الطويلة فيها ( سفر ، او زحمة ) .
اسأل الله لك التوفيق .

[temo2004]

عندك حق تحتار انا اللي معايا العربية ومش مضايقني منها غير سرعة استهلاك التيل ( وبتختلف من واحد للتاني) و ضعف السحب مع التكييف في درجات الحرارة العالية (وبرضه مش كل الناس عندها المشكلة دي)
انا من كتر الانتقادات بقيت شاكك في العربية مع انها في كذا موقف الحمد لله الفرامل اسعفتني وكلبشت العربية في ظروف ارض سيئة ورمل
ثبات العربية جيد جدا لحد 140 بعد كده بتخف شوية
قطع الغيار الاستهلاكية سعرها كويس مقارنة بأسعار العربيات اللي في فئتها
المهم ان سألت في التوكيل وعرفت ان موديل 2016 اتحل فيه شكاوي الناس خاصة اللي حصلت معاهم مشاكل في الفرامل لانهم غيروا حاجة في الفرامل بس معرفتش التفاصيل لسه
العربية بصفة عامة كويسة لو استنيت وعرفت ايه التعديلات اللي ف 2016 هيبقى احسن
في الاخر ربنا يوفقك للافضل ان شاء الله

[هوندا]

عندك حق تحتار انا اللي معايا العربية ومش مضايقني منها غير سرعة استهلاك التيل ( وبتختلف من واحد للتاني) و ضعف السحب مع التكييف في درجات الحرارة العالية (وبرضه مش كل الناس عندها المشكلة دي)
انا من كتر الانتقادات بقيت شاكك في العربية مع انها في كذا موقف الحمد لله الفرامل اسعفتني وكلبشت العربية في ظروف ارض سيئة ورمل
ثبات العربية جيد جدا لحد 140 بعد كده بتخف شوية
قطع الغيار الاستهلاكية سعرها كويس مقارنة بأسعار العربيات اللي في فئتها
المهم ان سألت في التوكيل وعرفت ان موديل 2016 اتحل فيه شكاوي الناس خاصة اللي حصلت معاهم مشاكل في الفرامل لانهم غيروا حاجة في الفرامل بس معرفتش التفاصيل لسه
العربية بصفة عامة كويسة لو استنيت وعرفت ايه التعديلات اللي ف 2016 هيبقى احسن
في الاخر ربنا يوفقك للافضل ان شاء الله

لضبط السحب مع التكييف ضبط سرعة المروحة البارد علي النصف
و مروحة الساخن 3 أو 4 شرطة

[Mahony]

الأخ هوندا

اسمح لي بمداخلة
ضبط التكييف على الوضع اللي حضرتك ذكرته ما ح يفرق في سحب العربية لأن الكمبريسور تبع التكييف شغال أصلا و بيسحب من عزم الماتور .
تقبل تحياتي و شكري لقبول مداخلتي .

[هوندا]

الأخ هوندا

اسمح لي بمداخلة
ضبط التكييف على الوضع اللي حضرتك ذكرته ما ح يفرق في سحب العربية لأن الكمبريسور تبع التكييف شغال أصلا و بيسحب من عزم الماتور .
تقبل تحياتي و شكري لقبول مداخلتي .

والله انا شوفته علي جروب 301 علي الفيس بوك جربته و فعلا فيه فرق لأنك بتحس بفصل الكومبريسور فده بريح العربية كتير
بس للأسف مش عارف ارفع الصورة
و شكرا لمرورك