اوضب بيجو 305 مو 79 ولا لا ؟

[uzerat]

السلام عليكم
عندى عربية بيجو 305 مو 79 محتاجة شغل ( ماتور و ديسك و اسطوانة و كبالن )
ده الى ظاهر دلوقتى
عايزرأيكوا اوضبها و اصرف عليها ولا بلاش احسن ؟
ياريت تيفيدونى بخبراتكم عشان دى اول عربية اجيبها و اتخميت فيها

[mazen56]

طبعا لا ليه ؟
علشان اللي هتسرفة واللي انت دفعتة في العربية لما تيجي تبيع هيبقى سعر العربية فقط وانت خسرت مصاريف التوضيب.
هذا رأيي الشخصي..........

[م أحمد]

لو الشاسيه بتاعها سليم بدون خبطات تؤثر على سلامة و استقامة العربية و مفيهوش بارومة فى أماكن التحميل و الاساسيات

جدد فيها براحتك و انت كسبان كل قطعة جديدة فيها ، بتبقى القطعة موديل السنة ، و الشاسيه هو اللى قديم علشان كدا بأكد عليه ، و أهم حاجة الشغل اللى يتعمل يتعمل بالاصلى و يتعمل صح

هى عربية كويسة جدا و من افضل السيارات بسعرها بس عيبها موتورها المقلوب فيسبب صعوبة فى الصيانات

أى عربية عدى عليها 7 سنوات مثلا بتصرف أقصد بالكلام دا العربيات الحديثة

و بالتأكيد اى عربية قديمة من اى ماركة هتصرف

[miam0502788391]

بلاش
يلاش
بيع واشترى احسن

[A7medelfe2y]

كمل الي هتصرفه واعلي في الموديل وهات حاجه لك وللسوق وصيانتها سهله ومش مكلفه وتكون بياعه