بيجو 207

[Hemdan_99]

السلام عليكم.

انا حبيت اسال منتدانا الجميل علي بيجو 207 ... العربية شكلها حلو قوي بس شوفت تفاوت في السعر ما بين 2008,2011... انا عايز اعرف من ملاك العربية اخبارها ايه من حيث الكفاة و الاعتمادية و قطع الغيار?? يا ريت اي حد يعرف معلومة يتفضل بيها علشان المعلومات قليله قوي علي العربية دي... شكرا :)

[Mahony]

الأخ الفاضل
انا عندي بيجو ٢٠٧ بس موديل ٢٠١٢ .. العربية جميلة جيدا و ثابته في الطريق و جدا مريحة في القيادة للقيادة لساعات طويلة ، التكييف ممتاز ، تقفيل العربية أفضل بمراحل من الياباني و الكوري ، مواصفاتها أفضل ، محرك اكبر .
السيارة ماشية معايا ٣٠ الف كيلومتر ما واجهت اي مشاكل . الصيانة كل ١٠ آلاف كيلو بعكس الياباني و الكوري كل ٥ آلاف .
جرب حضرتك و أمسك الباب في في البيجو و جرب الياباني و الكوري .
اسأل الله لك التوفيق .

[Moe86]

بالنسبة لتفاوت السعر, سببه انها بتنزل بموتورين 1400 و 1600
الموتور ال1400 مش بنصحك بيه كأداء

موديلات 2007 و 2008 كانت بتنزل بموتور 1600 نفس اللى فى 307 (109 حصان) و 301 حاليا و بعض موديلات ستروين زى c4 , دة ميزته ان قطع غياره رخيصه نسبيا و منتشرة جديد و مستعمل

بعد كدة بقت بتنزل بموتور 1600 احدث (120 حصان + استهلاك بنزين اقل) و الموتور دة مشترك مع ال308 و مينى كوبر (العادية طبعا مش التيربو) مشكلته بس ان القطع اغلى شوية و اقل انتشارا

على فكرة ال207 زى اغلب العربيات, الاوبشن بتاعها بيختلف خالص من عربية للتانية, بعضها فقير و بعضها (زى اللى معايا) فيه كل حاجة (فتحة سقف, حساسات, فرش جلد,....) و دة برضو من اسباب تفاوت السعر