يا اهل الخبرة يا اللي معاهم بيجو 301

[مصطفى عصام]

انا عايز اسأل اهل الخبرة في المنتدى هنا عن البيجو 301 من ناحية

الثبات اخباره ايه معاكم؟
وهل الدركسيون من النوع اللي بيكون خفيف والعربية واقفة وبيتقل لما العربية تمشي؟
وهل الباور زيت والا كهرباء؟

وياترى في فرق بين اني اشتري من الوكيل cdcm واني اشتري من اي موزع معتمد علماً انه مفيش اي فرق في السعر؟

ياريت اهل الخبرة يردوا على سؤالي وشكرا

[مصطفى عصام]

ياجماعة فين اهل الخبرة

بيجو 301 يارجالة

[Mahony]

اخي مصطفى عصام

انا ح استلم سيارتي بيجو ٣٠١ خلال اليومين دي بمشيئة الله . حاليا بأستخدم بيجو ٢٠٧ موديل ٢٠١٢ .
الثبات في البيجو أفضل بكثير من اي عربية من نفس الفئة في الشركات الكوري و الياباني .
الدركسيون بيشتغل بنظام ضغط الزيت و قد يكون في اختلاف في حساسية الدركسيون مع سير العربية ، عادة في السرعات العالية تكون العربية اكثر استجابة لحركة الدركسيون ، عشان كده فيه نظام ب يتقل في الدركسيون في السرعات العالية .... و دي الميزة عادة تلاقيها في العربيات الأوربية .
تحياتي

[مصطفى عصام]

طيب ياريت تقولنا تقريرك اول ما تستلم

وربنا يبارك لك فيها ويكفيك شرها

[د.مروان راغب]

انا اشتريت العربية من التوكيل (فرع صلاح سالم) حجزتها فى يناير و استلمتها فى مايو.
انا عامل بيها حتى اﻷن حوالى 4000كم ، العربية اوتوماتيك هاى لاين ،تقييمى العام جيد جدا،العربية حلوة اوى بشكل عام بس ممكن اقولك على بعض الملاحظات البسيطة:
1-طلعة العربية تقيلة شوية بس بعد التانى بتفتح فى السرعة و السحب.و مفيش نتشة بين الاول و التانى.
2-صوت الموتور عالى و تحديدا مع التكييف بس عزل الصوت كويس.
3-الفرامل كويسة جدا.
4-استهلاك البنزين معقول جدا.
اخر حاجتين فى مقارنة مع اوكتافيا فانتازيا:
5-الثبات:حتى 140 و بعدها تبدأ تحس ان العربية خفت اما الاوكتافيا لحد160 او 170.
6-العفشة:مش ناشفة زى الكورى و لا ناعمة اوى زى الاوكتافيا هى تقريبا زى كورولا 2013.

...

[مصطفى عصام]

الدركسيون يا دكتور مروان بيتقل على السرعات العالية؟

[د.مروان راغب]

انا مش قادر احدد حكاية التقل دى لانى ما ركزت معاها بس اللى اقدر اقوله ان بعد ال100 ما بحس بتعويم وﻻ محتاج امسك الدركسيون بايدى الاتنين لانه ماسك نفسه كويس.

[مصطفى عصام]

ربنا يبارك لك يادكتور انا ناوي ان شاء الله اشتري بعد العيد بس هشتري من موزع معتمد لاني مش حمل اني استناهم تلات شهور بصراحة
وان شاء الله هجيب اوتوماتيك بيز لاين

[د.مروان راغب]

ربنا يوفقك ان شاء الله.

[د.مروان راغب]

اسأل فى B Auto كانوا عاملين overprice الف جنيه مش زى معارض تانية بتزود الفين او اكتر.
و اسأل برده فى التوكيل فرع صلاح سالم اوقات بيبقى عندهم دفعات جاهزة على التسليم.و بالسعر الرسمى.
الsales هناك اسمه كريم نبيل ذوق و متعاون جدا و رقمه 01006480947.

[مصطفى عصام]

اشكرك لذوقك يا دكتور ومساعدتك

هكلمه واسال كده وربنا ييسر الحال

[هوندا]

انا عايز اسأل اهل الخبرة في المنتدى هنا عن البيجو 301 من ناحية

الثبات اخباره ايه معاكم؟
وهل الدركسيون من النوع اللي بيكون خفيف والعربية واقفة وبيتقل لما العربية تمشي؟
وهل الباور زيت والا كهرباء؟

وياترى في فرق بين اني اشتري من الوكيل cdcm واني اشتري من اي موزع معتمد علماً انه مفيش اي فرق في السعر؟

ياريت اهل الخبرة يردوا على سؤالي وشكرا

الثبات ممتاز علي أي سرعة
باور الدركسيون كهربا مافيش منه مشاكل خفيف علي الواقف و بيتقل مع السرعة
الموتور صوته عالي و لكن العزل مش بطال
المشكلة في زحمة التوكيل وإنه ما بيحلش مشاكل العربية إلا بعد زهق ووقت طويل(يعني حسب إستعدادك ووقتك و صبرك) و كمان لازم تسأل عن وقت الضمان لكل حاجة في العربية لأنهم مقطعينها حسب مزاجهم
يعني تيل الفرامل 10000
الطنابير الأمامية 20000
العفشة 30000
و هكذا يعني لازم تعرف الأول و المعلومات دي سهل تعرفها قبل ما تدفع و تستلم
ارجو لك خيرها و كفاك الله شرها

[مصطفى عصام]

دكتور مروان واستاذ هوندا
ممكن حد يقولي الجواب النهائي في نوعية الزيت اللي مفروض نغيرها على 10000؟
وهل في تغيير زي على 1000 كيلو الزيت اللي بيبقى فيه الرايش بتاع الموتور؟

[د.مروان راغب]

بصراحة معرفش انا لسه عامل 4000 كم بس زى ما قولت لحضرتك.

[هوندا]

دكتور مروان واستاذ هوندا
ممكن حد يقولي الجواب النهائي في نوعية الزيت اللي مفروض نغيرها على 10000؟
وهل في تغيير زي على 1000 كيلو الزيت اللي بيبقى فيه الرايش بتاع الموتور؟

الزيت 30w 5 ده إللي بيحطه التوكيل كان موبيل و أصبح توتال الآن
مش فارق أما تغيير الزيت فبعد 10000 كم زي التوكيل ون كنت أفضل تغييره مع الفلتر عند صيانة 2500 كم لأن الموتور خشن و صوته عالي
فده هيريح صوته شوية لأنك بتنزل رايش التليين و بعد كده الزيت علي نضافة و سيبك من حكاية الموتور متلين لأنه متلين علي الواقف بدون حمل العربية ووزنها و حمل الجو و الحرارة و ده طبعا رأيي الشخصي لأن الموتور فعلا خشن و بعد تغيير الزيت بيهدي جامد بس بعد فوات الأوان