استلمت ٣٠١ موديل ٢٠١٦و انطباعي الأولي

[Mahony]

اخواتي و اخواني
السلام عليكم و رحمة الله و بركاته :

انا كان عندي بيجو ٢٠٦ استخدمتها لمده ١٨ شهر و بعتها عشان كانت مانيوال ، و اشتريت البيجو ٢٠١٢ اتوماتيك ..
العربيتين كانت جميلة و لازلت بأستمتع بقيادة ال ٢٠٧ و لِسَّه السيارة معايا بس بيستخدمها السواق ... عربية ممتازة جدا .


اليوم استلمت البيجو ٣٠١ موديل ٢٠١٦ اعلى فئة و اتوقعت انها ح تكون زي البيجو ٢٠٧ في قياديتها ، بكل امانه انا خاب ظني في ال ٣٠١ لأن قيادتها زي التويوتا يارس ، الفرق انها ١١٥ حصان و اليارس ١٣٠٠ سي سي ٨٠ حصان و ال ١٥٠٠ سي سي ١٠٥ حصان .
حاسس ال ٣٠١ خفيفة و مش أوروبية و انا اشتريت اعلى فئة و اتوقعت انه فيها حاجات زي البيجو ٢٠٧ ، بس للأسف العربية مافيهاش حاجات كتيرة زي ال ٢٠٧ .

١- تخيل العربية مافيهاش حاملة الأكواب ( كاسه ) ، ممكن تشكيل طفاية السجائر و تحط الكاسه مكانها ، ألعربيه كلها مافيش غير مكان واحد للأكواب !!!!
٢- القزاز الكهربائي لازم تفضل دايس على الزرار الين القزاز ما يفتح على الاخر ، و كذلك في قفل القزاز !
٣- أخذت اللون الداخلي الفاتح ، يا جماعة ما لحقت أوصل البيت اتوسخت بسرعة ( لون حساس جدا ) و المشكلة اللون الداخلي الأسود صعب مع الجو الحار و الشمس .
٤- السماعات على اعلى صوت مزعج ! العربية فيها ٤ سماعات .
٥- على سرعة ٨٠ المحرك يكون ٢١٠٠ دورة في الدقيقة ( اتوقعه عالي شويه ) بس مش مزعج ... أتوقع على سرعة ١٢٠ حيكون المحرك فوق ٣٥٠٠ دورة في الدقيقة . صح عالي بس مش مزعج اوي .
٦- بصراحة مش عارف اضبط كرسي السائق ، نصيحة لو تقدر تروح التوكيل اضبط الكرسي و حاول تقعد جوه العربية ساعة كامله ، و شوف اذا ح ترتاح او لا .
٧- الريموت كنترول كبير مقارنة بالعربيات اللي عندي ، بيجو ٢٠٧ ، مازدا سي اكس ٩ ، جيب رانغلر .
٨- عبيت بنزين على الاخر ، الكمبيوتر أعطاني المسافة اللي ح تمشيني بيها ٣١٠ كيلومتر بس !!!! بس بعد ساعة من القيادة كل شوية تزيد لغاية ما وصلت ٤٦٠ كيلومتر ، الحساس بيأخذ وقت .. في البيجو ٢٠٧ لما اعبي بنزين على الاخر يعطيني المسافة اللي ح تمشيني ٦٨٠ كيلومتر .
٩- حكاية التكييف بيخرج بعض الهواء البارد من عند الطبلون الأمامي ، و بيضرب في القزاز الأمامي و بتعمل ضباب على القزاز الأمامي و تضايق جدا في القيادة و لاحظتها بالليل ، حاجة مقرفه جدا ... كل شوية بأستخدم المساحات عشان اشيل الندى ، و بترجع تاني في اقل من دقيقة ، بجد في اقل من ٦٠ ثانيه بترجع تاني !!!!!!!!

مميزات العربية
١- سلسله جدا في المشي ، تغيير الجيربوكس ( الفتيس ) ناعم جدا
٢- التكييف جدا جدا ممتاز ( ثلج ) في الليل درجة حرارة الجو الخارجي ٣٥ و معايا المدام و الأولاد و التكييف على اوطى درجة .
٣- العربية واسعة من جوه ، بنتي ما شاء الله طولها ١٦٥ سنتمتر و جالسه مرتاحة جدا ، اول حاجه قالتها من اول مشوار ، المكان في الخلف واسع ، و كانت جالسه ورايه و انا طولي تقريبا ١٨٠ سنتمتر .
٤- شنطة العربية كبيرة .
٥- البلوتوث مع التلفون واضح جدا ، ممكن تتكلم بصوت عادي و الطرف التاني ح يسمعك بوضوح .


على العموم ده انطباعي عن العربية في اول يوم ، ح اعطيكم تفاصيل اكتر بعد كام يوم .
نسبة الرضى عندي ٣٠-٤٠٪

[مصطفى عصام]

ما شاء الله الف مبروك

انت من القلة اللي شكروا في الجير ونعومته كل الناس بتقول انها بتحس بالنتشة بتاعت الاول الى التاني
ايه رايك انت

[Mahony]

والله بكل امانه ناعمة جدا في في التغيير و ما فيهاش اي نتشه .

[Mahony]

ممكن حضرتك تبعت لي تليفونك و انا ممكن اشرح لحضرتك اكتر ، انا مش عارف ابعت لك رساله على الخاص . و ممكن أصور لك العربية مع الشرح .

[مصطفى عصام]

ايوة ابعت لك تليفوني اتفضل
00201096672866

[محمد حسيني]

الف مبروك اولا :)
ثانيا ممكن اعرف لية حاسس انها خفيفة ومش اوربية ؟؟!!

(حاسس ال ٣٠١ خفيفة و مش أوروبية و انا اشتريت اعلى فئة و اتوقعت انه فيها حاجات زي البيجو ٢٠٧ ، بس للأسف العربية مافيهاش حاجات كتيرة زي ال ٢٠٧ .)

وتفرق اية 2016 عن 2015 ؟؟ اية الجديد يعني ؟
.. شكراا

[Mahony]

الاستاذ محمد حسيني
اعتقد السبب ان العربية ٣٠١ سيدان و مستوى ارتفاعها عن الارض اعلى من ال ٢٠٧ و ال ٢٠٦ ، يعني لو غمضت عيني و سقت ال ٣٠١ ما اقدر افرق بينها و بين الياباني .. بس ان شاء الله ح أتعود عليها .

بالنسبة للفرق بين ال ٢٠١٥ و ال ٢٠١٦ نفس العربية ما فرقت فيها و لا حاجة .. الميزة في ال ٢٠١٦ ان العربية من المصنع و تأخذها على طول ، مش مخزنه .

و بعدين ال ٢٠٧ اللي عندي فيها مميزات كثيرة جدا مختلفة عن ال ٣٠١ .

٢٠٧ فيها :
١- درج العربية فيها تكييف
٢- حامل الكاسات
٣- الأنوار تشتغل اتوماتيك في الليل
٤- مساحات الزجاج تشتغل اتوماتيك في المطر
٥- المكيف فيها ميزة الأتوماتيك ، تضبطها على درجة معينه و هي عليها الباقي
٦- كل القزاز يطّلع و ينزل ب ضغطة وحدة
٧- القزاز فيها حماية لو يد الأولاد بره ، القزاز حساس ما يقفل على الاخر عشان ما يقفل على الأولاد
٨- المراية الداخلية اتوماتيك ، لو العربية اللي وراك النور بتاعه عالي ، المرايه تظلم اتوماتيك
٩- الأبواب الداخلية عليها فرش قماش .
١٠- نوعية القماش الداخلي ممتازة .


و لا حاجة من الحاجات دي موجودة في ال ٣٠١ .

[Mahony]

التكييف بارد جداً ، لكن دفع هواء التكييف ضعيف حتى في السرعات العاليه لمروحة التكييف ، الأشخاص اللي قدام يبردوا بسرعة قبل اللي في الخلف .