بفكر اشتري بيجو 301

[محمد مجدي 22]

السلام عليكم و رحمة
انا بفكر اشتري بيجو 301
بس خايف و من حكاية الفرامل لان كان فية عضو هنا كان اشتكي انو مرة عمل حادثة بسبب تعطل فرامل العربية و دية طبعا مشكلة كبيرة و كمان الاول كنت بلاقيها كثير جدا في الشوارع لكن دلوقتي قلت جدا و نادر لما الاقي حد بيشتريها جديدة
لكن فنفس الوقت هي حلوة
لانها ب 120الف في حين ان الفيرنا ب 113 الف و اللوجان ب 115 و الاكسنت ب 140 و الريو نفس الكلام
و عربية اوروبي و بيجو و شمل حلو و تقفيل حلو
فانتو اية راي حضرتكو اشتريها و اتكل علي الله ولا اخليني في المضمون و اشتري نيسان صني؟

[م أحمد]

فيه شكوتين لجهاز حماية المستهلك اتقدمو عن مشكلة بالفرامل فى النيسان صنى..و عن ال بيجو 301 و اتعمل لجنة من كلية الهندسة
الجهاز الزم نيسان بعربية جديدة و رفض الدعوى اللى جاية من صاحب البيجو

طبعا العيار اللى ما بيصبش بيدوش

[محمد مجدي 22]

يعني راي حضرتك اشتري اية

[م أحمد]

يعني راي حضرتك اشتري اية

اللى قصدته فى البيجو على الرغم من الحكم للشركة الا ان المشكلة عملت شوشرة عليها ، من ال specs بتاعتها حاجة محترمة جدا تفوق اللانسر شارك و فرصة من الشركة علشان بتحاول تتدارك نفسها فى كل الجديد اللى نازل

طبعا فيه مشكلة فى موضوع التيل و دا بقى كان فيه اجماع من الملاك مش مشكلة فردية انه بيتاكل بسرعة و دا يختلف كليا عن مشكلة فى نظام الفرامل

انا ركبت التيل الاصلى فى بيجو 406 و حالة الطنابير كانت معقولة ...خلص بعد 30 الف كيلو و الطنابير عملت شفة !!!

[مصطفى عصام]

انا مشيت بالعربية 1500 كيلو لحد دلوقتي ، وانصحك تشتريها
عربية جميلة ولو عايز تشوف التقرير بتاعي هتلاقيه

[cupid]

متابع

[د.مروان راغب]

انا العربية معايا عاملة 6000كم و ما شاء الله رائعة ،انصحك بها.

[محمد مجدي 22]

اولا شكرا ليكو جميعا بس كان عندي سؤال تاني
هي اخبار قطع الغيار اية و اعاجة البيع اية

[Amr Morsi]

تحية طيبة لكل ملاك البيجو 301
أنا عامل بالعربية 7000 كيلو و الحمد لله مفيش مشاكل فى الفرامل أو فى الفتيس زى ما الناس بتقول
أتوكل على الله و مش حتندم ( على فكرة العربية منتشرة فى اسكندرية )

[Amr Morsi]

أه نسيت أقولك ... قطع الغيار سعرها زى باقى العربيات يعنى فى نفس الرينج
و متفكرش فى اعادة البيع لانك حترتاح فيها .

[Dr.Shimaa M]

حضرتك انا مالكه لـ بيجو 301 من شهر 5 سنه 2013 يعني العربيه الحمد لله معايا بقالها فترة كبيرة

خلال تجربتي السنين دي احب اقول لحضرتك ان بيجو 301 هي الاعلي في فئتها و مفيش فيها اي مشاكل بفضل الله

العربيه ممتازة جدا

مشكله الفرامل كانت مشاكل فرديه و اغلبها خطأ بشري

العربيه اقتصاديه عشان كدا سعرها كويس مع انها سعرها المفروض يبقي اعلي من كدا نظرا لـ انها عربيه فرنسيه تقفيل اسباني و تحمل شعار الاسد