إعـــــــلان

Collapse

.

,
See more
See less

قربة مياه المساحات اتخرمت بيجو 508 2016

Collapse
X
 
  • Filter
  • الوقت
  • Show
Clear All
new posts

  • قربة مياه المساحات اتخرمت بيجو 508 2016

    الله يبارك في الناس الحلوة اللي بتحط حجارة رصيف علشان تمنع الركنة في الشوارع الضيقة خرمت قربة مياه المساحات عندي, اللي لحد دلوقتي مش فاهم ازاي تتحط في المكان المنخفض جدا ده من غير حماية أو تصفيح, المهم أنا ماشي من غير مياه مساحات من فترة. في حد عنده فكرة تتغير بكام وتاخد وقت أد ايه في التوكيل. ولو ممكن تتلصق برة مين كويس ممكن يعملهالي.

  • #2
    روح لاى سمكرى هيفكها و ب 5 جنيه تجيب مادتين لحام فيبر ...هيملى القربة و يشوف الخرم فين و يغطى عليه باللحام و ياخد له عشرين تلاتين جنيه حسب سهولة الفك و التركيب
    م / أحمد عبد الخالق

    Comment


    • #3
      المشاركة الأصلية كتبت بواسطة valiant73 مشاهدة المشاركة
      الله يبارك في الناس الحلوة اللي بتحط حجارة رصيف علشان تمنع الركنة في الشوارع الضيقة خرمت قربة مياه المساحات عندي, اللي لحد دلوقتي مش فاهم ازاي تتحط في المكان المنخفض جدا ده من غير حماية أو تصفيح, المهم أنا ماشي من غير مياه مساحات من فترة. في حد عنده فكرة تتغير بكام وتاخد وقت أد ايه في التوكيل. ولو ممكن تتلصق برة مين كويس ممكن يعملهالي.
      سبيك من التوكيل، اعمل زي م أحمد ما أقلك مشكورا، أنا حصل معايا نفس الموقف ولكن مع كوعة خرطوم ماء المساحات، لفيت الدنيا عليها بدون جدوى، وفي الآخر لزقتها بأمير بجنيه واحد واشتغلت تمام.

      Comment


      • #4
        اخدتها لواحد بتاع رادياتيرات قاللي لازم الاكصدام كله ينفك علشان يوصل للقربة وبصراحة خفت يفك والعربية دي كلها سنسورز يبوظ الدنيا

        Comment


        • #5
          روح للتوكيل يعملهالك على الضمان انا سيراتو 2011 وعملتها الأسبوع الى فات على الضمان فمانصحش حد يلعب في العربيه وهى 2016

          Comment


          • #6
            التوكيل بتاع البيجو ده غريب فعلا. في صيانة 10000 طلبت منهم يبصوا على قربة المساحات ولو فيه مشكلة يغيروها, بعد الصيانة بلغوني إن فيها مشكلة ومش موجودة وطلبوها. المهم كان السيستم مش شغال وقتها فمعرفتش سعرها ولا حتى هي موجودة في أي فرع تاني للتوكيل.

            بعد الصيانة 3 أيام كنت جنب التوكيل قلت أما أسأل عن سعر القربة المهم قالولي سعرها 365جنيه وده كويس لأن القربة كبيرة والسعر ده كمان بالموتور قلتله طيب في رصيد, قاللي ان في قطعة واحدة بس في فرع غمرة. طلبت منه يجيبها قاللي مقدرش لأنها قطعة واحدة ولازم أروح غمرة بنفسي ويركبوهاللي هناك المهم اتعصبت وقلتله هو أنتوا مش شركة واحدة قاللي هي دي التعليمات طالما قطعة واحدة مقدرش أطلبها.
            سبته ورحت أكلم مهندس كبير هناك أسمه مصطفى البرنس وقلتله أن التوكيل بص على القربة في الصيانة من 3 أيام وأزاي قطع الغيار مش عايزين يجيبو الحتة اللي في غمرة. المهم المهندس اتعاطف معايا وقاللي دخلها وحبصلك عليها ودي كده. المهم رفعها ودي أول مرة أشوف العربية من تحت وكلامي عن التصفيح من تحت مكانش دقيق لأن الموتور تحته كساحة صاج تقيلة والكرتيرات من الجنب تحتها تصفيح بلاستيك كويس جدا ومحمل.
            ا
            لمهم بعد ما فتح الكارتيرة لقى أن القربة سليمة ولما حجر الرصيف جه تحت الاكصدام حرك القربة فالموتور فلت منه وهو ده سبب التسريب. وردوا الموتور مكانه وكله تمام والحمد لله.

            الخلاصة أنك لازم بنفسك تشيك ورا التوكيل لأنهم بيستسهلوا

            Comment

            Working...
            X