تلبيس مقاعد بيجو ٣٠٠٨ ٢٠١٦

[SayedOthman]

السلام عليكم ورحمة الله وبركاته

عندي بيجو ٣٠٠٨ ٢٠١٦
وكنت عايز اعرف في مشكله لو عملت تلبيس الكراسي للمحافظه عليها من ان ممكن يقع عصير او شاي او اي حاجه من ايدين الاولاد ، لاني متردد خايف الموضوع ده يأثر علي الايرباجات او اي حاجه تانيه في العربيه مع العلم ان الكراسي مخمل

وشكرا جزيلا

[Valiant73]

أنا معايا 508 2016 اللي هي تقريبا نفس الكراسي وعدد الأيرباج الموجود في 3008 ولما بحثت في الموضوع ده ولقيت أن أفضل حاجة أنك تسيبها على فرش الفابريكة لأكتر من سبب:

-أول حاجة أنا لفيت على أكتر من محل لتفصيل الفرش الجلد وقالولي ان احنا بنراعي الأيرباج وبنعمل خياطة خفيفة على الجوانب المهم التكلفة كانت في حدود من 1800:3000 جنيه حسب نوع الجلد وكمان قالوا أنهم ميفضلوش يركبوا جلد في الأرضية علشان لازم يفكوا الكراسي ولمبة Checkبتنور في التابلوه ولازم التوكيل يطفيها. مع العلم أن كل الجلد المستخدم صناعي يعني مش طبيعي ولا حاجة.

-طبعا انسى أن التوكيل يكون فيه أي تلبيس أو اكسسوارات لأي موديل. بس لما سألتهم قالولي أستهلك الفرش الأصلي ولما تحب تغيره هو موجود في حدود 2600 جنيه للفئة التانية عندي (جلد على قماش) فأكيد الفرش المخمل بتاعك مش حيزيد عن 2000جنيه.

أنا بصراحة من أنصار استخدام الفرش الأصلي ولو اتوسخ ممكن يتنضف كيماوي ويرجع فابريكة ولو باظ ممكن تروح التوكيل تجيب الأصلي.

مع الشكر,

[a7m8n]

الفرش والايربااااج

موضوع حضرتك مهم جداااا وللاسف مش قادر اخد قرار فيه
انا برده معايا هوندا سيفيك وفرشها مخملى قماااش يعنى وكمان لون فاتح طبعا مع جو مصر حيتبهدل طبعا
عاوز اعملها فرش جلد تفصيل بس للاسف خايف من ده يأثر على ال side airbags
خصوصا انى قريت فى مانوال العربيه انه تغطيه الكراسى ممكن ياثر على عمل الايرباااج مش عارف بأه اعمل ايه

[SayedOthman]

أنا معايا 508 2016 اللي هي تقريبا نفس الكراسي وعدد الأيرباج الموجود في 3008 ولما بحثت في الموضوع ده ولقيت أن أفضل حاجة أنك تسيبها على فرش الفابريكة لأكتر من سبب:

-أول حاجة أنا لفيت على أكتر من محل لتفصيل الفرش الجلد وقالولي ان احنا بنراعي الأيرباج وبنعمل خياطة خفيفة على الجوانب المهم التكلفة كانت في حدود من 1800:3000 جنيه حسب نوع الجلد وكمان قالوا أنهم ميفضلوش يركبوا جلد في الأرضية علشان لازم يفكوا الكراسي ولمبة checkبتنور في التابلوه ولازم التوكيل يطفيها. مع العلم أن كل الجلد المستخدم صناعي يعني مش طبيعي ولا حاجة.

-طبعا انسى أن التوكيل يكون فيه أي تلبيس أو اكسسوارات لأي موديل. بس لما سألتهم قالولي أستهلك الفرش الأصلي ولما تحب تغيره هو موجود في حدود 2600 جنيه للفئة التانية عندي (جلد على قماش) فأكيد الفرش المخمل بتاعك مش حيزيد عن 2000جنيه.

أنا بصراحة من أنصار استخدام الفرش الأصلي ولو اتوسخ ممكن يتنضف كيماوي ويرجع فابريكة ولو باظ ممكن تروح التوكيل تجيب الأصلي.

مع الشكر,

شكرا جزيلا لحضرتك ، وفعلا انا قررت استخدمه بدون اي تلبيسات واحاول احافظ عليه بقدر الامكان

[SayedOthman]

موضوع حضرتك مهم جداااا وللاسف مش قادر اخد قرار فيه
انا برده معايا هوندا سيفيك وفرشها مخملى قماااش يعنى وكمان لون فاتح طبعا مع جو مصر حيتبهدل طبعا
عاوز اعملها فرش جلد تفصيل بس للاسف خايف من ده يأثر على ال side airbags
خصوصا انى قريت فى مانوال العربيه انه تغطيه الكراسى ممكن ياثر على عمل الايرباااج مش عارف بأه اعمل ايه

فعلا هو موضوع محير ، بس انا خلاص قررت استخدم الفرش الاصلي بدون اي تلبيسات

[abdulkhaleq]

يافندم استخدم حاجتك واستمتع بيها براحتك وسيب الاولاد يبهدلوها زي ماهم عايزين
ولما تحب تنضف اهو الكار كير مافيش اكتر منه يعني وبيرجع بيلمع تاني ان شاء الله

[Dr.Shimaa M]

انا هقول لحضرتك

قدامك 3 حلول

الحل الاول الفرش الجاهز (التلبيسه) دا متوفر في سبير كار التجمع الخامس و عنده اشكال كتير جدا
و بيتم تركيبه بدون المساس بـ فرش العربيه الاصلي و ممكن تشيلو في اي وقت عادي

الحل الثاني انك تركب فرش جلد و دا بيعمل خياطه علي الفرش الاصلي ف طبعا كدا الفرش الاصلي خلاص
بس الفرش الجلد فرق شاسع كـ شكل و كـ كل حاجه ممتاز جدا و فخم جدا
و افضل مكانين ممكن تعمل فيهم الجعفري في المعادي و جينز كار في مدينه نصر
الجعفري ارخص بيكون في رينج 1400-1800 علي حسب نوع الجلد و الخياطه
و جينز كار بيكون ف رينج 2000-2600 وبرده علي حسب نوع الجلد و الخياطه

الحل الثالث و الاخير ان حضرتك بقي تسيب الفرش زي ما هو و كل فتره تغسله عند اي كار كير و هيرجع لحالته الاصليه تماما

و اي استفسار اخر انا في الخدمه

[yahaa]

ربنا يبارك للك فيها ويديك خيرها و يكفيك شرها
ايه اخبار العربية معاك لو بس تقرير مختصر عن تجربتك معها يكون لك جزيل الشكر

[SayedOthman]

ربنا يبارك للك فيها ويديك خيرها و يكفيك شرها
ايه اخبار العربية معاك لو بس تقرير مختصر عن تجربتك معها يكون لك جزيل الشكر

العربية الحمدلله ما شاء الله إلى الآن ممتازه

طبعا شايف إن سحب العربية معقول خصوصا إنى لسه ماشى بيها 1000 كيلو بس العربية من جوه واسعه بجانب طبعا مساحة الشنطه كبيره وممتازه عزل الصوت كويس خصوصا إن الكاوتش ميشلان بريماسى 3 وده الى حدا ما رياضى فليه صوت شوية التماسك والفرامل ممتازه ؛ عجبانى قوى حتة فرامل اليد الكهربائية .

بشكل عام العربية تستاهل اللى اندفع فيها

نسيت بردو إن عزم السياره ممتاز ؛ أنا طبعا ما بضغطش عليها لانها لسه فى فترة التليين لكن العزم 240 عند 1400 دوره طبعا 163 حصان

[yahaa]

ربنا يبارك لك فيها ويديك خيرها و يكفيك شرها
شكرا جزيلا على الرد

[modyballack]

العربية الحمدلله ما شاء الله إلى الآن ممتازه

طبعا شايف إن سحب العربية معقول خصوصا إنى لسه ماشى بيها 1000 كيلو بس العربية من جوه واسعه بجانب طبعا مساحة الشنطه كبيره وممتازه عزل الصوت كويس خصوصا إن الكاوتش ميشلان بريماسى 3 وده الى حدا ما رياضى فليه صوت شوية التماسك والفرامل ممتازه ؛ عجبانى قوى حتة فرامل اليد الكهربائية .

بشكل عام العربية تستاهل اللى اندفع فيها

نسيت بردو إن عزم السياره ممتاز ؛ أنا طبعا ما بضغطش عليها لانها لسه فى فترة التليين لكن العزم 240 عند 1400 دوره طبعا 163 حصان

يا ريت حضرتك لو تفيدنا عن نوع البنزين المستخدم , 92 ؟ ولا 95 ؟

[SayedOthman]

يا ريت حضرتك لو تفيدنا عن نوع البنزين المستخدم , 92 ؟ ولا 95 ؟

بستخدم بنزين ٩٥

وده الموصي بيه في كتيب التعليمات ، والصراحه مقدرش اغامر واستخدم ٩٢
اخاف التيربو يبوظ وسعره اصلا مش قليل .

[yahaa]

بستخدم بنزين ٩٥

وده الموصي بيه في كتيب التعليمات ، والصراحه مقدرش اغامر واستخدم ٩٢
اخاف التيربو يبوظ وسعره اصلا مش قليل .

أستاذ سيد
سمعت ان الوكيل بيغير قطعه مش عارف ايه هي و بعدها تقدر تستخدم 92

[SayedOthman]

أستاذ سيد
سمعت ان الوكيل بيغير قطعه مش عارف ايه هي و بعدها تقدر تستخدم 92

مش عارف الصراحة بس ما اعتقدتش لان الموضوع مرتبط ب compression ratio بتاع الموتور فلو قلت نسبة الأوكتان في البنزين اعتقد الموتور ممكن يصقف