عضو جديد (بخصوص لوحة عدادات بيجو 508 واستفسار بخصوص البنزين

[Dr.Mohammed929]

السلام عليكم

انا عضو جديد هنا وده اول موضوع ليا كنت متابعكو من زمان لكن النهاردة اتشرفت بالتسجيل في منتداكم العريق

انا معايا بيجو 508 موديل 2013

العربية خليجي اعلى فئة

عندي كذا استفسار

العربية غطا التانك مكتوب عليه بنزين 95/98

هل ممكن احطلها 92 عادي ولا هيحصل مشاكل وهل في اي تاثير عالعربية؟ وهل هيقصر عمر الماتور ويعمل مشاكل؟؟

ثانيا انا لغاية دلوقتي بحط 95
لكني ملاحظ او حاسس ان استهلاك العربية عالي
مع اني مش بتسارع بيها جامد

يعني في طلعة بالعربية ممكن امشي بيها ساعة او ساعة ونص داخل المدينة الاقي عداد البنزين نزل بشكل ملحوظ يمكن 8 شرطات صغيرين او سبعة

هل ده كدة عادي؟

وديتها توكيل غمرة قالولي هنعمل اعادة برمجة وقد كان بالفعل لكني لم اشعر باي اختلاف
هل ده بسبب التيربو ؟ مع اني اعتقد ان التيربو مش بيشتغل غير مع ٤٠٠٠ ار بي ام واعلى ولا انا غلطان

بتمنى حد عندو نفس العربية يفيدني

تالت حاجة بالنسبة للوحة العدادات في ٤ زراير من تحت

كنت عايز اعرف فين الزرار المختص بتصفير عداد الرحلات المؤقت عشان احسب استهلاك البنزين مع المسافة اللي همشيها في الطلعة الواحدة

اخر حاجة بطارية العربية نامت مني لانها من ساعة ما كانت جديدة متغيرتش
ايه افضل نوع اشتريه وكام سعره وكام سعتها وهل ليها طريقة تركيب معينة عشان متاثرش على حاجة في العربية؟

وهل حد يعرف حد كويس بيركبها في عين شمس والحلمية وما حولها؟؟

اسف لاستفساراتي الكتير لكني جديد عالعربية

شكرا جزيلا لكم وجزاكم الله خيرا

[Dr.Mohammed929]

اتمنى المساعدة من اهل الخبرة والمجربين للعربية

شكرا لكم

[windofchange]

بتحط زيت ايه فيها؟ لزوجة كام؟ الزيت له علاقة باستهلاك البنزين ... حط زيت خفيف بيمشي 10 الاف كم او 15 الف

[refattosa]

https://www.facebook.com/groups/582491388539584/

ده جروب الملاك ات شاء الله حتلاقى كل الاجابات

[ali ashraf]

اهلا بك د محمد

اقترح على حضرتك الذهاب لمركز اوتوسيرفس و تقابل المهندسة شيرين و تعمل بالمرة كشف على العربية و ممكن تعرف كل الاجابات على اسئلة حضرتك مثل نوع البنزين و زيت المحرك و تيل الفرامل الخ المركز فى شارع النصر عند نادى السكة الحديد خلف محطة بنزين طاقة و طبعا ما دام معاك 508 لازم تشترك فى جروب الفيس بوك هتستفيد منه و تتعرف على اصدقاء افاضل مع خالص تحياتى

[Dr.Mohammed929]

جزاكم الله خيرا
انا بالفعل اشتركت في جروب الفيس واستفدت وباذن الله ليا زيارة للبشمهندسة شيرين

[alaa kotb]

السلام عليكم
لتصفير عدادات الرحلات ثلاث طرق
1ـ اعرض عداد الرحله 1 او 2 المطلوب تصفيره واثناء العرض اضغط باستمرار علي الزرار الاول من اليمين المكتوب عليه 000
2ـ ايضا اثناء عرض العداد اضغط باستمرار للداخل علي الزر الموجود بذراع المساحات
3ـ من شاشة السياره اضغط علي زر drive ستظهر لك العدادات علي الشاشه اللمس اختار العداد واضغط علي delete من الشاشه.
لو محتاج توضيح اكتر اترك رقم جوالك وانا ساتصل بك .. تقبل تحياتي.