مشكلة كبيرة في 301 - أرجو المساعدة العاجلة

[Ahmed Anwer]

السلام عليكم ،
عربية زوجتي بيجو 301 زيرو عاملة 2000 كم فقط
كنا مسافرين مدة 9 أيام
رجعت الصبح بدري عايزة تروح الشغل
حصل شئ غريب جدا !!
مروحة الريداتير اشتغلت مع تدوير السيارة مباشرة !!
مع رجه في السيارة و اشارة المحرك منورة في التابلوه
و الأغرب إنها طفت العربية عشان المروحة تفصل
المروحة فضلت دايرة !!
جربنا ندور و نفصل المروحة دايرة في كل الأحوال ،
لحد ما أخيرا الحمد لله فصلت لوحدها بعد حوالي نص ساعة !!
و من ساعتها مش راضيين ندورها تاني عشان منخشش في نفس القصة
اتصلنا بالتوكيل قالوا استنوا للساعة 10 يكون مهندس الطوارئ وصل
السؤال دلوقت حد حصل معاه حاجة زي كده ؟؟ و طلع ايه السبب
أو حد عنده تخيل عن السبب و طريقة الإصلاح
السؤال التاني ، التوكيل خدمته مستجيبة و بيبعت عربيات صيانة أو ونش و لا مقرف
شكرا بانتظار ردودكم

[khaled_yehya]

المشكلة بسيطة ... حصلت مع اغلب ملاك بيجو 301
وتكون بسبب بنزين مش نظيف ... او الحساسات اللى عند الماتور وقع عليها ميه (وانت بتغسل العربية).. وأحيانا البوجيهات مرطبة
ليها اسباب كتيرة واللى فاتوا اشهرها
الحل :- ان تفصل طرف كابل البطارية (الاحمر) وده سوكت لونه احمر سهل فكه وتركيبه لمدة عشر دقائق وتوصله تانى تلاقى المشكلة غالبا اتحلت
ومتابعة مشاكل واعطال بيجو 301 ليها جروب على الفيس بوك ح يفيدك كتير Peugeot 301 fans
وجروب ملاك بيجو 301

[khaled_yehya]

أشهر مشاكل واعطال بيجو301


مشكله رقم 1 :
اتكررت معايا شخصيا مرتين و مع عدد من الملاك .. غسلت العربيه بالخرطوم فى الجراج قبلها بيوم ( فى المرتين ) ( مش عارف صدفه و لا ايه الرابط ) ..
اول مره فولت من بنزينه موبيل المهندسين قبل طلعه كوبرى اكتوبر
تانى مره مفول من الوطنيه اللى متعود افول من عندهم كل مره بعد موبيل
نزلت ادور العربيه زى كل يوم دخلت المفتاح فى الكونتاكت .. استنيت لحد ما صوت طرمبه البنزين خلص .. فتحت الكونتاكت .. ثوانى و دورت العربيه .. دارت العربيه و صوت الموتور اعلى من كل يوم و حسيت برجه خفيفه فى العربيه كأنها عايزه تبطل او موتور عربيه قديمه .. و بعد كده المروحه اشتغلت على سرعه 2 و نورت فى التابلو لمبه check و ظهرت رساله مع صوت تنبيه على الشاشه Engine fault . repair needed
طبعا الموضوع يخض خصوصا لو حد اول مره يحصل معاه كده

التصرف :
خليك هادى جدا مفيش اى مشكله .. مطلوب منك تطفي العربيه من المفتاح عادى جدا و لو عايز تنزل تبص عليها افتح الكبوت و سيب المروحه زى ما هى شغاله لحد ما تفصل لوحدها و هى فصلت معايا اول مره بعد 3 دقايق و نص تقريبا .
و تانى مره فصلت بعد 5 دقايق
بعض الناس قالو نفصل كابل البطاريه دقيقه و نركبه تانى علشان المروحه تفصل على طول .. و علشان نحافظ على البطاريه ( عن نفسي سبت العربيه تنفذ اللى هى متبرمجه عليه و تفصل لوحدها

بعد ما فصلت المروحه اقفل الكبوت و اركب عربيتك و دور العربيه حتلاقي العربيه طبيعيه جدا و انا خرجت بالعربيه و جريت بيها و اداءها طبيعي جدا و بعد ساعه لمبه ال check طفت و اول مره فضلت اللمبه منوره حوالى لحد لما دورت العربيه بالليل لاقيتها طفت

التوكيل :
رحت للتوكيل قلتلهم يوصلوا العربيه بالكمبيوتر و يشوفوا ايه المشكله .. و تم تغيير فلتر البنزين نظرا لقرب انسداده برواسب و حاجات غريبه كده و تمنه حوالى 43 جنيه
و بعد كده العربيه اشتغلت تمام و ده حصل و عربيتي عامله 13 الف كيلو
نصيحه : تغيير فلتر البنزين كل 10 الاف كيلو مش 20 الف زى ما بيجو بتوصي .. لان البنزين فى مصر بقي جميل جدا


مشكله رقم 2
الموضوع يخص تيل الفرامل الامامى :
بعض الملاك اشتكت ان التيل خلص معاهم قبل ال 10 الاف و تم تغييره فى الضمان .. طبعا بصرف النظر عن كلام التوكيل بس التيل ده لو سليم و مفيش فيه عيب صناعه فاللى بيحدد انه يخلص امتى هو طريقه سواقتك و الطرق اللى غالبا تمشي فيها
بمعنى .. لو طريقه مفتوح و سفر ديما فانت مش بتدوس فرامل كتير و بتقطع مسافات بكيلوات طويله و بكده حيعيش معاك
لكن لو انت بتمشي فى زحمه المحروسه و كل شويه فرامل بنزين فرامل فكل ده بيقلل من عمر التيل
او لو سواقتك عنيفه و بتفرمل من على سرعات عاليه فطبيعي التيل حيحتك بالطنبوره اللى بتلف بسرعه علشان يوقفها و يحصل تاكل اسرع للتيل

ده غير ان التيل الموجود حاليا صديق البيئه و خامه التيل اللى نازل فى انواع كتير من العربيات الاوربي و منها بيجو 301 مكوناته مختلفه عن تيل زمان .. اللى كان بيفضل فى الصنى 30 الف كيلو و فى الجيتز 25 الف كيلو عموما هو يعتمد على سواقتك لو مفيش في التيل عيب صناعه
انا ماشي بالتيل حاليا 15 الف كيلو و لسه التيل فى نصه تقريبا
مشكله ان التيل بيصفر :
حصلت معايا شخصيا على ال كيلو 3000 و 7000 و 13000 .. رحت التوكيل فى غمره مره و ابو رواش صنفر التيل و اخر مره قالى التيل تمام مش محتاج يتغير
و الصوت بيحصل لما افرمل على اخر نص متر قبل وقوف العربيه .. و قالوا ان السبب تراب و مايه جت على الطنبوره ..
مهما كان سبب الصوت فالتيل اداءه فى الفرامل طبيعي جدا


مشكله رقم 3

ماشي بالعربيه على سرعه 70 او 80 تسمع صوت هوا على شمالك جاى من الازاز ... مفيش اى تسريب هوا تمام .. لكن هو صوت فقط و لما السرعه تزيد عن 90 يختفي

رد التوكيل
ان ده انسيابيه الهوا على جسم السياره و ملهاش حل حتى الان




منقول من جروب ملاك بيجو 301

[tameem2010]

ممكن يكون خرطوم الراديتير اتقطع
راجع المياه في القربة والراديتير وبص على الخرطوم
ديه مشكلة في البيجو 301
لما فني الفحص بيرفع البصمة ممكن خرطوم الراديتير يحمل على قميص الراديتير والفني ماياخدش باله وبيتقطع
حصلت مع ناس قبل كده
بص على قربة المياه والراديتير وخرطوم الخارج من الموتور للراديتير

[Colin Chapman]

علشان بيجو 301 ملهاش اختبار تصادم كراش تيست

أشهر مشاكل واعطال بيجو301


مشكله رقم 1 :
اتكررت معايا شخصيا مرتين و مع عدد من الملاك .. غسلت العربيه بالخرطوم فى الجراج قبلها بيوم ( فى المرتين ) ( مش عارف صدفه و لا ايه الرابط ) ..
اول مره فولت من بنزينه موبيل المهندسين قبل طلعه كوبرى اكتوبر
تانى مره مفول من الوطنيه اللى متعود افول من عندهم كل مره بعد موبيل
نزلت ادور العربيه زى كل يوم دخلت المفتاح فى الكونتاكت .. استنيت لحد ما صوت طرمبه البنزين خلص .. فتحت الكونتاكت .. ثوانى و دورت العربيه .. دارت العربيه و صوت الموتور اعلى من كل يوم و حسيت برجه خفيفه فى العربيه كأنها عايزه تبطل او موتور عربيه قديمه .. و بعد كده المروحه اشتغلت على سرعه 2 و نورت فى التابلو لمبه check و ظهرت رساله مع صوت تنبيه على الشاشه Engine fault . repair needed
طبعا الموضوع يخض خصوصا لو حد اول مره يحصل معاه كده

التصرف :
خليك هادى جدا مفيش اى مشكله .. مطلوب منك تطفي العربيه من المفتاح عادى جدا و لو عايز تنزل تبص عليها افتح الكبوت و سيب المروحه زى ما هى شغاله لحد ما تفصل لوحدها و هى فصلت معايا اول مره بعد 3 دقايق و نص تقريبا .
و تانى مره فصلت بعد 5 دقايق
بعض الناس قالو نفصل كابل البطاريه دقيقه و نركبه تانى علشان المروحه تفصل على طول .. و علشان نحافظ على البطاريه ( عن نفسي سبت العربيه تنفذ اللى هى متبرمجه عليه و تفصل لوحدها

بعد ما فصلت المروحه اقفل الكبوت و اركب عربيتك و دور العربيه حتلاقي العربيه طبيعيه جدا و انا خرجت بالعربيه و جريت بيها و اداءها طبيعي جدا و بعد ساعه لمبه ال check طفت و اول مره فضلت اللمبه منوره حوالى لحد لما دورت العربيه بالليل لاقيتها طفت

التوكيل :
رحت للتوكيل قلتلهم يوصلوا العربيه بالكمبيوتر و يشوفوا ايه المشكله .. و تم تغيير فلتر البنزين نظرا لقرب انسداده برواسب و حاجات غريبه كده و تمنه حوالى 43 جنيه
و بعد كده العربيه اشتغلت تمام و ده حصل و عربيتي عامله 13 الف كيلو
نصيحه : تغيير فلتر البنزين كل 10 الاف كيلو مش 20 الف زى ما بيجو بتوصي .. لان البنزين فى مصر بقي جميل جدا


مشكله رقم 2
الموضوع يخص تيل الفرامل الامامى :
بعض الملاك اشتكت ان التيل خلص معاهم قبل ال 10 الاف و تم تغييره فى الضمان .. طبعا بصرف النظر عن كلام التوكيل بس التيل ده لو سليم و مفيش فيه عيب صناعه فاللى بيحدد انه يخلص امتى هو طريقه سواقتك و الطرق اللى غالبا تمشي فيها
بمعنى .. لو طريقه مفتوح و سفر ديما فانت مش بتدوس فرامل كتير و بتقطع مسافات بكيلوات طويله و بكده حيعيش معاك
لكن لو انت بتمشي فى زحمه المحروسه و كل شويه فرامل بنزين فرامل فكل ده بيقلل من عمر التيل
او لو سواقتك عنيفه و بتفرمل من على سرعات عاليه فطبيعي التيل حيحتك بالطنبوره اللى بتلف بسرعه علشان يوقفها و يحصل تاكل اسرع للتيل

ده غير ان التيل الموجود حاليا صديق البيئه و خامه التيل اللى نازل فى انواع كتير من العربيات الاوربي و منها بيجو 301 مكوناته مختلفه عن تيل زمان .. اللى كان بيفضل فى الصنى 30 الف كيلو و فى الجيتز 25 الف كيلو عموما هو يعتمد على سواقتك لو مفيش في التيل عيب صناعه
انا ماشي بالتيل حاليا 15 الف كيلو و لسه التيل فى نصه تقريبا
مشكله ان التيل بيصفر :
حصلت معايا شخصيا على ال كيلو 3000 و 7000 و 13000 .. رحت التوكيل فى غمره مره و ابو رواش صنفر التيل و اخر مره قالى التيل تمام مش محتاج يتغير
و الصوت بيحصل لما افرمل على اخر نص متر قبل وقوف العربيه .. و قالوا ان السبب تراب و مايه جت على الطنبوره ..
مهما كان سبب الصوت فالتيل اداءه فى الفرامل طبيعي جدا


مشكله رقم 3

ماشي بالعربيه على سرعه 70 او 80 تسمع صوت هوا على شمالك جاى من الازاز ... مفيش اى تسريب هوا تمام .. لكن هو صوت فقط و لما السرعه تزيد عن 90 يختفي

رد التوكيل
ان ده انسيابيه الهوا على جسم السياره و ملهاش حل حتى الان




منقول من جروب ملاك بيجو 301

مشكله رقم 3

ماشي بالعربيه على سرعه 70 او 80 تسمع صوت هوا على شمالك جاى من الازاز ... مفيش اى تسريب هوا تمام .. لكن هو صوت فقط و لما السرعه تزيد عن 90 يختفي


علشان بيجو 301 ملهاش اختبار تصادم كراش تيست

[Colin Chapman]

الكلام د ه بعد 2000 كم فقط ؟!وكمان فى جو شتوى بارد ؟ !!

السلام عليكم ،
عربية زوجتي بيجو 301 زيرو عاملة 2000 كم فقط
كنا مسافرين مدة 9 أيام
رجعت الصبح بدري عايزة تروح الشغل
حصل شئ غريب جدا !!
مروحة الريداتير اشتغلت مع تدوير السيارة مباشرة !!
مع رجه في السيارة و اشارة المحرك منورة في التابلوه
و الأغرب إنها طفت العربية عشان المروحة تفصل
المروحة فضلت دايرة !!
جربنا ندور و نفصل المروحة دايرة في كل الأحوال ،
لحد ما أخيرا الحمد لله فصلت لوحدها بعد حوالي نص ساعة !!
و من ساعتها مش راضيين ندورها تاني عشان منخشش في نفس القصة
اتصلنا بالتوكيل قالوا استنوا للساعة 10 يكون مهندس الطوارئ وصل
السؤال دلوقت حد حصل معاه حاجة زي كده ؟؟ و طلع ايه السبب
أو حد عنده تخيل عن السبب و طريقة الإصلاح
السؤال التاني ، التوكيل خدمته مستجيبة و بيبعت عربيات صيانة أو ونش و لا مقرف
شكرا بانتظار ردودكم

الكلام د ه بعد 2000 كم فقط ؟!وكمان فى جو شتوى بارد ؟ يبقى فى الصيف ازاى ؟!! ده ولا بيحصل حتى فى ارخص عربية صينية مستعملة