عاوز اعرف موديلات البرستيج 504 وهل هى افضل من العادية

[ahmedandahmed]

نوى اشترى برستيج كنت عاوز اعرف ايه الموديلات بتاعتها واية عيوبها بصفة عامة ونصيحة عامة اخلى بالى من اية وانا بشترى وشكرا للاعضاء

[ahmedandahmed]

قصدى 405

[Anaslbda]

البرستيج دي تقفيل مصري و كانت محاولة من وجيه أباظة في آخر التعسينات انه يطلع اصدار مُحسّن من ال405, شاسيه اطول وموتور اقوى وتابلوه اشيك وconsole في النص وكراسي جلد وتحكم كهربا بالكامل وطفّاية سجاير للكراسي ورا الخ.. حاجه executive يعني. وكان مبالغ في سعرها وقتها.
نزل منها عدد محدود ناقل حركة اوتوماتيك نادر تلاقيه في السوق.
عيوبها الجوهرية كانت مشاكل في ضفيرة الكهربه (التقفيل المصري الظريف) وشكاوى من الفتيس الاوتوماتيك. فقط لا غير.

ناس كتير تلاقيها عارضة 405 عادي ع النت وتقولك دي برستيج ويبقى مصدّق نفسه. متقدرش تحكم الا من خلال الinterior بتاع العربية فقط وبيبقى في لوجو prestige على الاكصدام الخلفي. الأسعار من 45 وانت طالع للحالات المعتبرة

سوق ال405 عامةً سيئ بشكل عام وصعب جداً تلاقي حالة كويسة, كله يا اما طالع عين ابوه يا اما مشدود ومتضمنش كانت حالته الأصلية عاملة ازاي.. لو مصرّ ابعد عن القاهرة الكبرى وركّز على الأقاليم هتلاقي حالات كويسة.