توكيل بيجو يبيع بوجيهات بوش صينى

[م أحمد]

متعود أشترى حاجات العربية من مصدر موثوق بسبب اللى شايفينه فى السوق من الغش و التدليس..و بناء عليه رحت أشترى بوجيهات من توكيل غمرة و المفاجأة لقيت البوجيهات Bosche made in china

المهم قلت ما نشوف الأداء و ما نظلمش الناس و كنت بفكر اكتب عن الموضوع دا من لحظة ما اشتريت البوجيهات

البوجيهات من اول ما ركبت و سحب العربية (406) عادى جدا لا يفرق عن القديمة شىء و دلوقتى بعد مرور اقل من 4 شهور السحب قل عن الاول و رسالة Antipollution fault ظهرت و دخان اسود طالع من الشكمان

السؤال أيه وجهة نظر توكيل أوروبى انه يشترى بوجيهات من الصين حتى لو من شركة بوش نفسها ؟ و ليه ما رحش لبوش الالمانى و الجمارك عليها قليلة و قربت تتلغى ؟

الإجابة للأسف هى نفس فكر التاجر اللى بيطلع على الصين علشان بدل نسبة الربح ما تبقى 400 % تبقى 1000 % و طبعا الكلام دا أكيد على حساب الجودة...مش علشان الصينى وحش بشكل عام و لكن علشان طلب الزبون

هل الناس اللى بتعمل صيانة دورية و التركيبات فى التوكيل و قاعدين فى الاستقبال عارفين مكونات القطع اللى بتتركب لهم خاصة حاجة غاطسة جوة العربية ؟

و إذا كان الحال دا مع البوجيهات ايه اخبار بقية قطع الغيار؟ !!!

[hugan]

غريبه اذا كان توكيلات العربيات الصيني
بتستعمل منتجات اوروبيه
البوجيهات مثلا بوش لكن روسي
الكاتينه. وسير التكييف انجليزي
كان في عضو في تويوتا
اشتكي من ان فلتر البنزين اشتراه من التوكيل صيني

[Mecha]

مفيش اي مشكله من شراء بوجيهات او قطع غيار مصنعه بالصين المهم المركه ، المركه
غالبية قطع غيار العالم حاليا بتتعمل في الصين.كدا العيب في بوش مش الصين وبالمناسبه مشكله شبيهه حصلت من تمن سنين كانت بوجيهات وسلك .وبوش اتوسعت في اليابان وقتها بوجيهات وكوندنسر وسلك وابلاتبنات وخلافو. حتي ngk و دنسو بيصنعوا في الصين لكن ضامنين شغلهم.الشركات الصينيه متعرفش تعمل بوجيه مماثل.وممكن تختبر البوش اللي فيها او تركب طقم ngk للتجربه انها مشكلة بوجيهات مش حاجه تانيه

[م أحمد]

غريبه اذا كان توكيلات العربيات الصيني
بتستعمل منتجات اوروبيه
البوجيهات مثلا بوش لكن روسي
الكاتينه. وسير التكييف انجليزي
كان في عضو في تويوتا
اشتكي من ان فلتر البنزين اشتراه من التوكيل صيني

البوجيهات الروسى دى واحد شكر لى فيها أوى
كمان من اللى عرفته برضه فى بيجو ان كارتيرة الزيت Made in Israel

[م أحمد]

مفيش اي مشكله من شراء بوجيهات او قطع غيار مصنعه بالصين المهم المركه ، المركه
غالبية قطع غيار العالم حاليا بتتعمل في الصين.كدا العيب في بوش مش الصين وبالمناسبه مشكله شبيهه حصلت من تمن سنين كانت بوجيهات وسلك .وبوش اتوسعت في اليابان وقتها بوجيهات وكوندنسر وسلك وابلاتبنات وخلافو. حتي ngk و دنسو بيصنعوا في الصين لكن ضامنين شغلهم.الشركات الصينيه متعرفش تعمل بوجيه مماثل.وممكن تختبر البوش اللي فيها او تركب طقم ngk للتجربه انها مشكلة بوجيهات مش حاجه تانيه

لو الموضوع زى ما بتقول انهم مش بيعرفو يعملو الحاجات دى ماشى ، إنما لازم يشوف جزء من المنتج و يعملو بنفسه علشان يكبر هامش الربح حتى لو طريقة التغليف...و هو دا اللى بيلخبط الحسابات كلها ....عامة انا سألت على توكيل ngk لقيت فى فرع فى شبرا و وواحد فى المعادى و فى موزع اسمه ويليام تبعهم فى التوفيقية وربنا يسهل

[Ahmed abdkarim]

حضرتك مفيش اى مشكلة فى بلد الصنع طالما انك بتتعامل مع شركة كبيرة كل اللى يلزم المستهلك جودة المنتج و من بداية سنة 2000 وكل المنتجين الكبار توجهو للصين و سابوا بلادهم الاصلية دى حتى بيجو عربيتها ال 408 صينى و طبعا سامسونج و سونى و ابل و غيرها

[hugan]

البوجيهات الروسى دى واحد شكر لى فيها أوى
كمان من اللى عرفته برضه فى بيجو ان كارتيرة الزيت made in israel

ممتازه انا باستعملها باغيرها عاي ٤٠ الف
بوش روسي ٣ شمعه

[Mecha]

تصنيع البوجيهات الصينيه

[Colin Chapman]

spark plug made in china

تصنيع البوجيهات الصينيه

https://www.youtube.com/watch?v=LLoEiXiSF1I

بوجيهات أوكيم فرنساوى

eyquem

21 ش الماظه,من ش الثوره
مصر الجديده.القاهره
مصر

الشركة الفرنسية للسيارات
فرع الماظة
38 ش الشهيد عبد المنعم حافظ
الماظة - مصر الجديدة - القاهرة
التليفون: 0224186290 - 0222904371
الفاكس: 0222904371





بوجيهات بريسك
روسى وتشيكى
موبايلات
01110007204
0144290873
0146633370


YOUNIS CO. FOR TRADING AND SUPPLY


Country: Egypt


Add: 157 RAMSIS ST., CAIRO

Email:YOUNISLINK.NET

Contact Person: MR. YOUSUF SABRY

Tel: 0020 2 5923398/5907825

[م أحمد]

تصنيع البوجيهات الصينيه

هو دا اللى بتكلم فيه يا Mecha باشا و اللى يفرق الصينى عن غيره

دا مكان يتعلق فيه الجاكت !!!

[م أحمد]

https://www.youtube.com/watch?v=lloeixisf1i

أحلى بوجيهات ركبت فى العربية الأوكيم و هى دى اللى بدور على الاصلى منها

شكرا أيها المتألق

بس رقم الشركة الفرنسية اتغير بعد الاتصال الى

24174003#24180309

[Colin Chapman]

رقم الشركة الفرنسية اتغير بعد الاتصال

أحلى بوجيهات ركبت فى العربية الأوكيم و هى دى اللى بدور على الاصلى منها

شكرا أيها المتألق

بس رقم الشركة الفرنسية اتغير بعد الاتصال الى

24174003#24180309

شكرا يا افندم للتصحيح وان شاء الله تلاقى عندهم ساجيم واوكيم والبريسك ممتاز جدا برضه من عند مؤسسة يونس فى التوفيقية وعندهم سيور كاتينة وسيور مجموعة ودينامو صن ودونجيل

وابقى قول لنا حضرتك عملت ايه وبالتوفيق



4-x-Sagem-F-3-1-F54-EYQUEM

[Mecha]

هو دا اللى بتكلم فيه يا mecha باشا و اللى يفرق الصينى عن غيره

دا مكان يتعلق فيه الجاكت !!!

ماهو دا اللي اقصده ، دا مصنع صيني محلي مش بوش. وواضح الشغل الهليهلي بالاوي. الرايش مبعزق في كل مكان وعدد يدويه ، واجهزة الاختبار بداءيه.
بوجيه مشكوك فيه وهو لسه في الورشه

[م أحمد]

شكرا يا افندم للتصحيح وان شاء الله تلاقى عندهم ساجيم واوكيم والبريسك ممتاز جدا برضه من عند مؤسسة يونس فى التوفيقية وعندهم سيور كاتينة وسيور مجموعة ودينامو صن ودونجيل

وابقى قول لنا حضرتك عملت ايه وبالتوفيق



4-x-sagem-f-3-1-f54-eyquem

غيرت حساس الشكمان و نظفت ال map و العملية ظبطت تمام الحمد لله...و ممكن نعفى البوجيهات من المسئولية جزئيا

[NightmarE84]

غيرت حساس الشكمان و نظفت ال map و العملية ظبطت تمام الحمد لله...و ممكن نعفى البوجيهات من المسئولية جزئيا

أيه الMap ده يا باشمندس لو تكرمت ؟؟؟ ووكيل اوايكم فين عشان محتاج بوجيهات لعربيتي مكنه سمرا 1800 سي سي وهي بيركب لها 2 شمعه ولا واخد ؟؟؟