تعديل عدادات بيجو 504gl

[elhawabry_2030]

السلام عليكم ورحمه الله وبركاته

انا لسه مخلص شده بيجو 504Gl وكلفتنى 17000 ج بس شده من الابره للصاروخ وكنت محتاج مساعده من حضراتكم بحيث انى عايز اعدل فى العدادات واركب RPM واغير فى شكل العدادات فمحتاج اعرف ازاى اقدر اعدل او بمعنى اصح ايه الحاجات المطلوبه والخامات اللى هاحتاجها وتكلفتها واجيبها منين ؟ وبرجاء المشاركه

[A7medelfe2y]

انا مش هقدر افيدك
بس هو نوع من انواع التطفل بعد اذنك
العربيه دي فعلا محترمه
بس السن له حكم
ليه مفكرتش تكمل ال17 دول علي تمنها وتركب موديل 2000 او تسعينات؟

[elhawabry_2030]

انا مش هقدر افيدك
بس هو نوع من انواع التطفل بعد اذنك
العربيه دي فعلا محترمه
بس السن له حكم
ليه مفكرتش تكمل ال17 دول علي تمنها وتركب موديل 2000 او تسعينات؟

لامفيش تطفل ولا حاجه وهجاوبك
العربيه دى بتاعه والدى رغم انى ركبت عربيات حديثه وماركات مختلفه الا ان الحديث اللى عجبنى 3 انواع بى ام دبليو & فولكس واغجن & اوودى
الثلاثه دول من وجهه نظرى مفيش بعدهم بس الامكانيات الماديه ماتسمحش انى اجيب واحده منهم
بس لما ركبت البيجو 504gl اكتشفت انها مختلفه فى كل شئ ليها طعم تانى واحساس مختلف تشدك ليها من غير ماتعرف السبب ولو سالت واحد عنده بيجو او كانت عنده هايقولك كفايه طلعتها فى التخميس والفحت ( عربيه وحش بمعنى الكلمه )
وعلى فكره ممكن تعدل عليها وتخلي فيها امكانيات الحديثه يعنى باختصار عربيه تديها ماتقولش لا
ومها قعدت امدح او اتكلم عنها ماقدرش اديها حقها

[mido452]

حضرتك هبدء شد وروحت بلبيس ومسلكناش معاهم
لو اعرف شديت فين
انا عربيتى سمكره وسروجى ودهان وكهربا من الابره للصاروخ زى مبتقول وهجيب رفرفين وصدر وطبل بيبان شده كامله بس الماتور سليم وحطينا رينج 15 والسروجى مصنعيته 2500 وبالحاجه بكرسيين طياره 5000
لو توفر عليا وتعرفنى مصاريف حضرتك بالتفصيل والمصنعيه والمكان فين
وهل فعلا الفتيس الاوتوماتيك ليه مشاكله لو عاوز اركبه

[hantoosh]

طيب انا معايه عربيه 504 ستيشن 7 راكب مشكلتها ان سرعتها بطيئه اخرها 80 او 100 بالعافيه وصوت المتور عالي

ايه حل المشكله دي ؟

[م أحمد]

طيب انا معايه عربيه 504 ستيشن 7 راكب مشكلتها ان سرعتها بطيئه اخرها 80 او 100 بالعافيه وصوت المتور عالي

ايه حل المشكله دي ؟

غير لها ديسك و اسطوانة و اعمل ضبط تاكيهات