مشكلة في فتيس بيجو 307

[hoba_sa3dany]

السلام عليكم ورحمة الله رمضان كريم علينا وعليكم وتقبل الله منا ومنكم صالح الاعمال
عندي كذا مشكلة ياريت تساعدوني فيها
1-العربيه مابتدورش وهيا على n كانت في الاول ساعات بتدور على n ولما مش بتردي بجيب ال p دلوقتي بقالها يومين مش راضيه تدور على ال n
2-لما بجيب ال n او r مابيظهرليش الحرفين دول بالذات في الشاشه اللي تحت العداد بيظهرلي مكانهم -وده برضه من ساعه ما العربيه بطلت تدور على n
3-لما بجيب مارشيدير بيتاخر الغيار 5 ثواني تقريبا
4-بقالي فتره بيظهرلي كلمة stop ويتكتب عللى الشاشه braking system faulty
وشويه وتختفي زودت زيت الفرامل بطلت نص يوم ورجعت تاني بس اقل من الاول

[hoba_sa3dany]

مافيش حد يساعدني

[م أحمد]

السلام عليكم ورحمة الله رمضان كريم علينا وعليكم وتقبل الله منا ومنكم صالح الاعمال
عندي كذا مشكلة ياريت تساعدوني فيها
1-العربيه مابتدورش وهيا على n كانت في الاول ساعات بتدور على n ولما مش بتردي بجيب ال p دلوقتي بقالها يومين مش راضيه تدور على ال n
2-لما بجيب ال n او r مابيظهرليش الحرفين دول بالذات في الشاشه اللي تحت العداد بيظهرلي مكانهم -وده برضه من ساعه ما العربيه بطلت تدور على n
3-لما بجيب مارشيدير بيتاخر الغيار 5 ثواني تقريبا

محتاج تغير جهاز المالتى سويتش المسئول عن تعريف الغيارات للفتيس تمنه فى حدود 500 ج

[tasaka]

انا ما اعرفشى فتيس البيجو بالتحديد

بالاضافه الى ما ذكره الزملاء .. ممكن السويتش يكون سليم .. و لو السويتش حاسس ان العربيه على غيار موش حيخليها تدور

ده ممكن يحصل لو فيه فرق بسيط جدا فى الرجلاش او وجود بوش فى العصايه .. ممكن السويتش يحس او ما يحسش ان الغيار فى مكانه مظبوط و يعمل معاك الشكوى دى ( مره تدور على N و مره لا )

بصفه عامه فى الاوتوماتيك .. لو رجلاش كبل نقلات الفتيس موش مظبوط ممكن تعمل كده ( انا عندى فى اسبرانزا كابل من العصايه رايح للسويتش .. الكابل ده هو اللى بيترجلش علشان النقلات تبقى مظبوطه مع العصايه ) .. و لو فيه حتى فرق بسيط جدا بتحصل حركه تأخير التعشيق 5 ثوانى و الموتور يعلى قبل تعشيق الغيار .. بس فى نفس الوقت هتلاقى جميع النقلات بتعشق طبيعى ( علشان فرق الرجلاش بسيط )

حصل معى ان الكهربائى لعب فى رجلاش الكابل .. كل النقلات بتعشق و بتدى الرقم المظبوط للغيار فى لوحه العدادات .. لكن اصبحت بتغيب لغايه متعشق ال d و الموتور يعلى شويه .. و ده ما كانش بيحصل قبل ما يلعب فى الرجلاش

السبب اتضح ان كان عندى بوش فى عصايه الفتيس .. بعد تظبيط البوش ده و رجلاش الكابل على الصح بتاعه .. كل شيئ اتظبط

[hoba_sa3dany]

محتاج تغير جهاز المالتى سويتش المسئول عن تعريف الغيارات للفتيس تمنه فى حدود 500 ج

شكرا ياباشا واسف على التاخير في الرد على حضرتك لظروف رمضان

[hoba_sa3dany]

انا ما اعرفشى فتيس البيجو بالتحديد

بالاضافه الى ما ذكره الزملاء .. ممكن السويتش يكون سليم .. و لو السويتش حاسس ان العربيه على غيار موش حيخليها تدور

ده ممكن يحصل لو فيه فرق بسيط جدا فى الرجلاش او وجود بوش فى العصايه .. ممكن السويتش يحس او ما يحسش ان الغيار فى مكانه مظبوط و يعمل معاك الشكوى دى ( مره تدور على n و مره لا )

بصفه عامه فى الاوتوماتيك .. لو رجلاش كبل نقلات الفتيس موش مظبوط ممكن تعمل كده ( انا عندى فى اسبرانزا كابل من العصايه رايح للسويتش .. الكابل ده هو اللى بيترجلش علشان النقلات تبقى مظبوطه مع العصايه ) .. و لو فيه حتى فرق بسيط جدا بتحصل حركه تأخير التعشيق 5 ثوانى و الموتور يعلى قبل تعشيق الغيار .. بس فى نفس الوقت هتلاقى جميع النقلات بتعشق طبيعى ( علشان فرق الرجلاش بسيط )

حصل معى ان الكهربائى لعب فى رجلاش الكابل .. كل النقلات بتعشق و بتدى الرقم المظبوط للغيار فى لوحه العدادات .. لكن اصبحت بتغيب لغايه متعشق ال d و الموتور يعلى شويه .. و ده ما كانش بيحصل قبل ما يلعب فى الرجلاش

السبب اتضح ان كان عندى بوش فى عصايه الفتيس .. بعد تظبيط البوش ده و رجلاش الكابل على الصح بتاعه .. كل شيئ اتظبط

شكرا ياباشا علي الايضاح ورايك اروح لواحد متخصص في فتيس اوتوماتيك ولا اروح لميكانيكي بيجو اللي بتعامل معاه

[tasaka]

شكرا ياباشا علي الايضاح ورايك اروح لواحد متخصص في فتيس اوتوماتيك ولا اروح لميكانيكي بيجو اللي بتعامل معاه

بصراحه ما اعرفش ؟

انا بس اللى لفت انتباهى هو تأخير ال 5 ثوانى ده .. و كان حصل عندى نفس الشيئ فحبيت اوضح لك تجربتى يمكن تفيدك

ظبط الرجلاش ده ممكن يكون السبب .. و ممكن يكون شيئ اخر عندك .. بس انت لم تشكو من اى شيئ فى الفتيس ماعدا موضوع تدوير العربيه .. فلذلك الارجح انها مشكله بسيطه

[Ahmed Amin]

دا في الغالب التيش بتاع عصاية الفتيس عايز يترجلش زي ما استاذ tasaka وضح
ودا سبب ان العربية مش بتدور لانه لما بتديها n بتكون لسه علي D او R
فا طول ما هيا شايفه انها علي غيار مش هتدور

نفس الكلام في تاخير العربية في انها تاخد النقلة R
لان التيش مش مظبوط

اي ميكانيكي بيجو كويس هيعملهالك وانت واقف

[tasaka]

بالاضافه لما سبق

ممكن الرجلاش يكون مظبوط .. و لكن فيه مثلا جلبه كاوتش بتثبت التيش ( عصايه الفتيس ) فى مكانها بدون وجود بوش .. و تكون الجلبه الكاوتش دى دابت .. تعمل نفس تأثير ان الرجلاش موش مظبوط

و على فكره .. هم بيختبروا ازاى ؟؟ .. يقول لك عشق نقله نقله و يشوف القراءه فى تابلوه العربيه سليمه ام لا .. لو وجد كل القراءات سليمه فى التابلوه للغيارات .. يقول لك مفيش عيب او يقول موش هو ده سبب العيب

لكن انا اصريت لانى عارف ان العيب حصل مباشره بعد شيئ معين .. بمجرد ما صلحت الجلبه دى بتاعه عصايه الفتيس ( بدون ظبط رجلاش او اى شيئ ) المشكله اختفت