كماليات ال301...مرايات كهرباء, عازل صوت للموتور, حساسات ركن, مثبت سرعة...الخ

[0mar32]

السلام عليكم يا اعضاء المنتدي الكرام,

انا عندي بيجو 301 مانيوال بيزلاين موديل 2014 و حالياً في طور تطويرها داخلياً و خارجياً و بحاول اشوف ايه ال ممكن اعمله داخل او خارج التوكيل عشان احسن منها.

ال انا عملته حتي الآن:

1. تركيب فوجات أصلية من التوكيل
2. تركيب سماعتين بايونيير 320w في الخلف

ال عايز اعمله:

1. عازل صوت للموتور(الأهم) زي ده أضغط هنا
2. مرايات كهرباء(ضروري)
3. حساسات للركن(ضروري بس مش اوي)
4. مثبت سرعة(يا ريت بس مش ضروري)
5. مسند الدراع الأصلي
6. رفع الزجاج مع غلق السيارة بالريموت
7. امكانية نزول و رفع الزجاج بضغطة واحدة علي الزرار

يا ريت الأعضاء تفيدني ب ايه الممكن يتعمل في الحاجات دي, اذا كان جوا او برا التوكيل و لكم جزيل الشكر :)

[ahmed.biso13]

عازل صوت للماتور هتلاقيع عند السروجى ممكن يفصله او استيراد من اى عربية ليهانفس المقاس
مريات كهرباء استيراد اوجديد لولقيت
حساسات للركن جديد من التوفيقية فيه نوع بالارقام ونوع بالشاشة
مثبت سرعة اعتقد بينزل فى العربية
مسند الدراع الاستيراد
وحدة رفع الزجاج جديد من التوفيقية
رفع ونزول الزجاج اعتقد كنترول السيارة الداخلىزرار للغلق الزجاج الجماعى فقط بينما الفتح لا

[0mar32]

عازل صوت للماتور هتلاقيع عند السروجى ممكن يفصله او استيراد من اى عربية ليهانفس المقاس
مريات كهرباء استيراد اوجديد لولقيت
حساسات للركن جديد من التوفيقية فيه نوع بالارقام ونوع بالشاشة
مثبت سرعة اعتقد بينزل فى العربية
مسند الدراع الاستيراد
وحدة رفع الزجاج جديد من التوفيقية
رفع ونزول الزجاج اعتقد كنترول السيارة الداخلى زرار للغلق الزجاج الجماعى فقط بينما الفتح لا

شكراً علي الرد استاذ أحمد,

بالنسبة للسروجي, هل ترشح واحد معين, انا قريت علي المنتدي هنا ناس كتير بتشكر في جينز كار

بالنسبة لأخر جملة حضرتك كتبتها, اعذرني بس مفهمتهاش لو تقدر توضح أكتر.

[م/أحمد عبد الفتاح]

انا لو منك حابعت اشترى العازل بتاع الكبوت ده من aliexpress خصوصا وانه معاه عازل للشنطة كمان والشحن مجانى وتمنهم معقول يعنى حوالى ٨٠٠ جنيه وحاتدفع عليهم جمرك وضريبة ٢٥٪ يعنى كمان ٢٠٠ جنيه وحايجولك لغاية البيت عن طريق البريد السريع المصرى وهما حايدفعولك الجمارك ويخلصوا القصة ويحاسبوك لما يسلموك الحاجات فى البيت بس لازم يكون معاك فيزا تدفع بيها عالنت تمن العازل وحايوصلولك خلال شهرين زى ماهو مكتوب

[0mar32]

انا لو منك حابعت اشترى العازل بتاع الكبوت ده من aliexpress خصوصا وانه معاه عازل للشنطة كمان والشحن مجانى وتمنهم معقول يعنى حوالى ٨٠٠ جنيه وحاتدفع عليهم جمرك وضريبة ٢٥٪ يعنى كمان ٢٠٠ جنيه وحايجولك لغاية البيت عن طريق البريد السريع المصرى وهما حايدفعولك الجمارك ويخلصوا القصة ويحاسبوك لما يسلموك الحاجات فى البيت بس لازم يكون معاك فيزا تدفع بيها عالنت تمن العازل وحايوصلولك خلال شهرين زى ماهو مكتوب

هو حضرتك بس انا اتعاملت مع Aliexpress قبل كدا بس في حاجات صغيرة و مبعتهاش علي مصر بس كانوا كويسين جداً الصراحة, فهل لحضرتك خبرة في التعامل معاهم و الشحن لمصر؟

[م/أحمد عبد الفتاح]

انا ليا تعامل معاهم قبل كده كتير وبصراحة زى الفل بس كنت باجيب حاجات مش حجمها كبير كده زى مثلا حساسات للعربية و مساحة الزجاج الخلفية ودى كانت طويلة شوية حوالى نص متر وجبت جرابات موبايل وكانت جمارك قطع غيار العربيات فى حدود ٢٥٪ بالضريبة وجمارك جرابات الموبايل كانت غالية قوى يعنى اشتريت جراب موبايل بحوالى ٤٠ جنيه ودفعت عليه جمارك حوالى ٥٠ جنيه :)
وجبت حاجات للابتوب بتاعى برضه كذا مرة ودى معليهاش جمارك وضرايب كتيرة يعنى مثلا ٥٪ او ١٠٪ والشحن المجانى بياخد وقت لغاية الحاجات ماتيحى يعنى مش اقل من شهر ونص شهرين - ولما بتعمل حساب على على اكسبريس تحط عنوانك مظبوط واهم حاجه نمرة التليفون وحتلاقى البريد المصرى بيكلموك اول مايخلصوا الجمارك علشان يأكدوا العنوان والمندوب حتلاقيه بيكلمك علشان توصفله مظبوط وبعدين المندوب بيجيلك البيت و بيدولك وصل بقيمة الرسوم اللى دفعوها من جمارك ورسوم وبتدفع للمندوب وتستلم الحاجه - وحصل معايا مرتين ان الحاجه اللى كنت باشتريها خلصت ورجعولى الفلوس تانى فى الفيزا بعدها باسبوعين - دى تجاربى مع على اكسبريس

[0mar32]

انا ليا تعامل معاهم قبل كده كتير وبصراحة زى الفل بس كنت باجيب حاجات مش حجمها كبير كده زى مثلا حساسات للعربية و مساحة الزجاج الخلفية ودى كانت طويلة شوية حوالى نص متر وجبت جرابات موبايل وكانت جمارك قطع غيار العربيات فى حدود ٢٥٪ بالضريبة وجمارك جرابات الموبايل كانت غالية قوى يعنى اشتريت جراب موبايل بحوالى ٤٠ جنيه ودفعت عليه جمارك حوالى ٥٠ جنيه :)
وجبت حاجات للابتوب بتاعى برضه كذا مرة ودى معليهاش جمارك وضرايب كتيرة يعنى مثلا ٥٪ او ١٠٪ والشحن المجانى بياخد وقت لغاية الحاجات ماتيحى يعنى مش اقل من شهر ونص شهرين - ولما بتعمل حساب على على اكسبريس تحط عنوانك مظبوط واهم حاجه نمرة التليفون وحتلاقى البريد المصرى بيكلموك اول مايخلصوا الجمارك علشان يأكدوا العنوان والمندوب حتلاقيه بيكلمك علشان توصفله مظبوط وبعدين المندوب بيجيلك البيت و بيدولك وصل بقيمة الرسوم اللى دفعوها من جمارك ورسوم وبتدفع للمندوب وتستلم الحاجه - وحصل معايا مرتين ان الحاجه اللى كنت باشتريها خلصت ورجعولى الفلوس تانى فى الفيزا بعدها باسبوعين - دى تجاربى مع على اكسبريس

شكراً ليك يا بشمهندس, طمنتني شوية, انا عارف انهم عندهم Full Refund لو الحاجة موصلتش, سؤالين اخيرين عشان معطلكش, البريد المصري ايه نظامه الأيام دي, انا اخر مرة اتعاملت معاهم كان من سنين و كانوا زي الزفت بصراحة
و هل عند حضرتك علم بأي حاجة تانية من ال انا سألت عليها فوق, لو تعرف تفيدني بأي حاجة اكون شكر ليك

[م/أحمد عبد الفتاح]

بالنسبة للبريد السريع المصرى انت مش حايكون ليك معاه اى تعامل هو بس تليفون من البريد او من المندوب اللى جايب الحاجه علشان ياكدوا العنوان بالظبط وهما بييجوا لوحدهم للبيت بدون اى تدخل منك لانهم دافعين فلوس الجمارك من جيبهم وعاوزين يرجعوها فحايجيبوك حايجيبوك :)
كمان بعد مالبائع يشحن حتلاقى تراك نمبر ولينك مبعوتينلك على صفحتك على على اكسبريس بتخل على اللينك وتحط التراك نمبر تعرف حاجتك فين دلوقتى .
بالنسبة للحاجات اللى عاوز تعملها فى العربية :
- مرايا الكهربا :
لازم يكون فيه تجهيزات فى العربية تسمح بكده يعنى مثلا هل يوجد فى الباب لما تفك الفرش بتاعه سلك بفيشة علشان لو حبيت تركب مراية كهربا ؟ - هل يوجد مكان فى الباب بتاع السواق او فى الكونسوله مكان لزرار تشغيل المرايات الكهربا ويكون برضه فيه سلك بفيشة للزرار ؟ هل فيه فى علبة الفيوزات فيوز او مكان لفيوز المرايات الكهربا ( وده بيبقى مكتوب فى الكتالوج بتاع العربية عن قيمة الفيوزات ووظائفها ) - غير كده حاتعمل لهم سلك تغذية مخصوص وتوصيلات وده بيبقى بنسبة ٩٠٪ عك من الكهربائية لانه ممكن ياخد تغذيه من اى سلك احمر وممكن يكون السلك ده خاص بكهرباء اشارة للكمبيوتر بتاع العربية ويعملك مشاكل انت فى غنى عنها . لو العربية مجهزة لكده توكل على الله ولو مش مجهزة بلاش . بس اعتقد ان معظم السيارات الحديثة دلوقتى بيبقوا عاملين حسابهم - والاضمن التوكيل هما عارفين القصة كلها .
- بالنسبة لمثبت السرعة موضوع صعب بس ممكن يتعمل بس مش فى مصر . فبلاش احسن
- سينسور الركن موجود سواء الصوتى ابو لمبات او اللى بكاميرا وبيتعمل والصنايعية بقوا متمرسين فيه بس تختار حد كويس وليه سمعه ومش مهم لو كان غالى بس يكون بيعمل شغل مظبوط . لو عاوز تركب اللى بكاميرا يستحسن تشترى الكاسيت التاتش اللى بشاشة ويكون فيه خاصية توصيل الكاميرا بتاعة الركن - لو معندكش او مش ناوى تجيبه يبقى خليك فى الصوتى ابو لمبات .
بالنسبة لقفل الزجاج بتركب وحدات رفع ودى مافيهاش مشاكل غير انك تعملها عند حد كويس وليه سمعه كويسة بس فيه نقطة صغيرة لو عربيتك بتسوجر اوتوماتيك لما سرعتها توصل ٢٠ كم/ساعة تخلى بالك ان الكهربائى ماياخدش تغذية وحدات الرفع من المسوجر علشان لو مشيت بالعربية وحابب تفتح الزجاج حايتقفل لوحده تانى لما المسوجر يقفل :)
- بالنسبة لرفع وغلق الزجاج بتاع الابواب الامامية او باب السائق بضغطة واحدة فدى اوبشن فى كمبيوتر العربية ممكن تشغله او تلغيه من القوائم وبتبقى مكتوبة الطريقة فى الكتالوج - بس المهم يكون الاوبشن ده موجود فى العربية .

[0mar32]

بالنسبة للبريد السريع المصرى انت مش حايكون ليك معاه اى تعامل هو بس تليفون من البريد او من المندوب اللى جايب الحاجه علشان ياكدوا العنوان بالظبط وهما بييجوا لوحدهم للبيت بدون اى تدخل منك لانهم دافعين فلوس الجمارك من جيبهم وعاوزين يرجعوها فحايجيبوك حايجيبوك :)
كمان بعد مالبائع يشحن حتلاقى تراك نمبر ولينك مبعوتينلك على صفحتك على على اكسبريس بتخل على اللينك وتحط التراك نمبر تعرف حاجتك فين دلوقتى .
بالنسبة للحاجات اللى عاوز تعملها فى العربية :
- مرايا الكهربا :
لازم يكون فيه تجهيزات فى العربية تسمح بكده يعنى مثلا هل يوجد فى الباب لما تفك الفرش بتاعه سلك بفيشة علشان لو حبيت تركب مراية كهربا ؟ - هل يوجد مكان فى الباب بتاع السواق او فى الكونسوله مكان لزرار تشغيل المرايات الكهربا ويكون برضه فيه سلك بفيشة للزرار ؟ هل فيه فى علبة الفيوزات فيوز او مكان لفيوز المرايات الكهربا ( وده بيبقى مكتوب فى الكتالوج بتاع العربية عن قيمة الفيوزات ووظائفها ) - غير كده حاتعمل لهم سلك تغذية مخصوص وتوصيلات وده بيبقى بنسبة ٩٠٪ عك من الكهربائية لانه ممكن ياخد تغذيه من اى سلك احمر وممكن يكون السلك ده خاص بكهرباء اشارة للكمبيوتر بتاع العربية ويعملك مشاكل انت فى غنى عنها . لو العربية مجهزة لكده توكل على الله ولو مش مجهزة بلاش . بس اعتقد ان معظم السيارات الحديثة دلوقتى بيبقوا عاملين حسابهم - والاضمن التوكيل هما عارفين القصة كلها .
- بالنسبة لمثبت السرعة موضوع صعب بس ممكن يتعمل بس مش فى مصر . فبلاش احسن
- سينسور الركن موجود سواء الصوتى ابو لمبات او اللى بكاميرا وبيتعمل والصنايعية بقوا متمرسين فيه بس تختار حد كويس وليه سمعه ومش مهم لو كان غالى بس يكون بيعمل شغل مظبوط . لو عاوز تركب اللى بكاميرا يستحسن تشترى الكاسيت التاتش اللى بشاشة ويكون فيه خاصية توصيل الكاميرا بتاعة الركن - لو معندكش او مش ناوى تجيبه يبقى خليك فى الصوتى ابو لمبات .
بالنسبة لقفل الزجاج بتركب وحدات رفع ودى مافيهاش مشاكل غير انك تعملها عند حد كويس وليه سمعه كويسة بس فيه نقطة صغيرة لو عربيتك بتسوجر اوتوماتيك لما سرعتها توصل ٢٠ كم/ساعة تخلى بالك ان الكهربائى ماياخدش تغذية وحدات الرفع من المسوجر علشان لو مشيت بالعربية وحابب تفتح الزجاج حايتقفل لوحده تانى لما المسوجر يقفل :)
- بالنسبة لرفع وغلق الزجاج بتاع الابواب الامامية او باب السائق بضغطة واحدة فدى اوبشن فى كمبيوتر العربية ممكن تشغله او تلغيه من القوائم وبتبقى مكتوبة الطريقة فى الكتالوج - بس المهم يكون الاوبشن ده موجود فى العربية .

انا عارف اني طولت عليك, انا اسف

بس سؤالين و خلاص:
1-هل ترشح حد كويس اركب عنده سينسور الركن, يعني حد بعينه اروحله و مش مهم السعر فعلاً, انا هركب ال بصوت بس حتي مش عايز اللمبات انا عايز ال بييعمل بييب بييب ده زي في الفولكس
2-ممكن حضرتك تشرحلي او تديني لينك شرح مكنة الرفع دي بتعمل ايه بالظبط, انا لسه بتعلم و سمعت المصطلح بتاع مكنة الرفع كتير بس مش عارف وظيفته بالظبط, انا هندسة بردو ف بحب اعرف كل حاجة بالتفاصيل :)

[م/أحمد عبد الفتاح]

موضوع انى ارشحلك حد كويس فانا من اسكندرية ومعنديش فكرة عن مين كويس فى القاهرة ولكن الموضوع بييجى بالسؤال فى دائرة المعارف والاقارب والاصدقاء بيرشحوا حد كويس وممكن تبحث شوية هنا فى المنتدى حتلاقى ترشيحات برضه من ناس جربت .
سينسور الركن اللى بيبقى صوتى بس بيب بيب ده بيبقى معاه جهاز صغير فيه السرينة الصوتية وفيه كمان لمبات بالوان مختلفة وبيتركب جوه العربية وكل لون بيبقى معناه مسافة قد ايه بينك وبين اللى وراك مثلا ال ٥٠ سم لون وال ٢٠ سم لون حسب تصميمه وبيبقى معاه جدول بالالوان والمسافات .
وحدة الرفع دى بتشتغل بانها بتاخد وصلة باور من السنتر ( المسوجر) لماتقفل الابواب وتسوجرها بالريموت ترفع الزجاج لفوق وتقفله
ده لينك فيديو ليها بالشرح

https://m.youtube.com/watch?v=ivt14r0SpvQ

[0mar32]

موضوع انى ارشحلك حد كويس فانا من اسكندرية ومعنديش فكرة عن مين كويس فى القاهرة ولكن الموضوع بييجى بالسؤال فى دائرة المعارف والاقارب والاصدقاء بيرشحوا حد كويس وممكن تبحث شوية هنا فى المنتدى حتلاقى ترشيحات برضه من ناس جربت .
سينسور الركن اللى بيبقى صوتى بس بيب بيب ده بيبقى معاه جهاز صغير فيه السرينة الصوتية وفيه كمان لمبات بالوان مختلفة وبيتركب جوه العربية وكل لون بيبقى معناه مسافة قد ايه بينك وبين اللى وراك مثلا ال ٥٠ سم لون وال ٢٠ سم لون حسب تصميمه وبيبقى معاه جدول بالالوان والمسافات .
وحدة الرفع دى بتشتغل بانها بتاخد وصلة باور من السنتر ( المسوجر) لماتقفل الابواب وتسوجرها بالريموت ترفع الزجاج لفوق وتقفله
ده لينك فيديو ليها بالشرح
https://m.youtube.com/watch?v=ivt14r0spvq

هو مكن الرفع ده غالي او ليه أي مشاكل؟

[0mar32]

في اي حد عنده اي معلومات تانية؟؟