استفسار بخصوص بيجو 301

[striving]

السلام عليكم
من فضلكم يا اخوه انا معروض علي سيارة بيجو 301 موديل 2014 للبيع السيارة بيزلاين فابريكه من الداخل لكن بها بعض الخدوش من الخارج والمفروض اغير الطنابير و2كاوتش الخلفى
السيارة عامله 80,000 كم
السعر 110,000
فهل هذا السعر جيد ؟

الاستفسار الثانى انى سألت عن السيارة فى أكثر من مكان وأحد المعرض اخبرنى أن السيارة اتحاد أوروبى وليست فرنساوى صرف وانها غير منتشرة فى السوق واسعار قطع الغيار مرتفعة جدا وقد يكون بها بعض المشاكل فى الفتيس أو فى قطع اخرى ونصحنى بالابتعاد عنها

فأريد النصح بوركتم

[م أحمد]

العربية كان تمنها حوالى 123 الف جنيه للبيز لاين اوتوماتيك و قت شرائها

هى عاملة 40 الف كيلو فى السنة و دا معدل عالى اوى

هو عايز يبيعها بخسارة 13 الف عن الفترة دى لو لا موضوع انهيار العملة دا كنت قلت لك سعر مبالغ فيه و القرار هنا راجع لك

العربية تقفيل اسبانى و اللى بيقول لك اتحاد اوروبى قل له دا اوحش من الصينى يعنى ؟ العربية منتشرة و قطع الغيار زيها زى الكورى و اقل....احد المعارض اتوقع عنده ماركات تانية و ما عندوش دى

[volociximab]

و عليكم السلام
الكلام عن الفتيس و الفرامل تأكد منهم
العربية بتتصنع فى اوروبا بس ممنوع تمشى فى اوروبا-بتتباع للاسواق الفقيرة
هى مع صاحبي عمل بيها 3-4 حوادث بس بينكر انها بسبب العربية و غير الكمبرسور
بس للامانة ماشتكاش من الفتيس او الفرامل

[striving]

العربية كان تمنها حوالى 123 الف جنيه للبيز لاين اوتوماتيك و قت شرائها

هى عاملة 40 الف كيلو فى السنة و دا معدل عالى اوى

هو عايز يبيعها بخسارة 13 الف عن الفترة دى لو لا موضوع انهيار العملة دا كنت قلت لك سعر مبالغ فيه و القرار هنا راجع لك

العربية تقفيل اسبانى و اللى بيقول لك اتحاد اوروبى قل له دا اوحش من الصينى يعنى ؟ العربية منتشرة و قطع الغيار زيها زى الكورى و اقل....احد المعارض اتوقع عنده ماركات تانية و ما عندوش دى

انا حسبتها ايضا بارتفاع العملة يعنى هل السعر عالى أو مقبول ؟
لانى كنت بختار بين البيجو واللانسر ولقيت اللانسر اسعارها مرتفعه بشكل مبالغ فيه يعنى المبلغ دا يجيبلى موديل 2006 أو 2007 بالعافيه وهتكون عماله نفس الكيلوات تقريبا
والارتفاع فى الاسعار على مستوى كل الماركات

وصاحب المعرض فعلا قال انه مش بيشتغل فى البيجو

[bluemail]

نصيحه ابعد عنها

[striving]

و عليكم السلام
الكلام عن الفتيس و الفرامل تأكد منهم
العربية بتتصنع فى اوروبا بس ممنوع تمشى فى اوروبا-بتتباع للاسواق الفقيرة
هى مع صاحبي عمل بيها 3-4 حوادث بس بينكر انها بسبب العربية و غير الكمبرسور
بس للامانة ماشتكاش من الفتيس او الفرامل

وهل فرنسا مثل الصين بتصنع جودة رديئة للاسواق الفقيرة؟
لا اظن
والفتيس والفرامل هل بتظهر مع الكشف على السيارة؟

[د.مروان راغب]

انا معايا موديل 2016،رااااءعة و معنديش اى شكوى منها مطلقا.
هى تقفيل اسبانى و ده معلن من الاول و التوكيل مكدبش و ده لا يعيبها يعنى مثلا الرينو فلوانس تقفيل تركى و سيارة ما شاء الله عليها.و اكيد اسبانيا مش اقل من تركيا.
قطع الغيار تقريبا نفس مستوى اسعار الاكسنت ار بى و يمكن اقل فى بعض القطع و هذا الكلام بناء على مقارنة مكتوبة انا عملتها قبل الشراء و الاسعار من الوكيل سواء غبور او cdcm.
الفتيس و الفرامل و التكييف ما شاء الله لا توجد مشاكل منهم وبالعكس اداؤهم راءع.
النقطة الوحيدة اللى ضد هذه السيارة من وجهة نظرى هو سعر اعادة البيع و غير كده لم ارى منها اى عيوب.
و ربنا يوفقك لما فيه خير.

[Amr Morsi]

السلام عليكم يا striving :
أنا مش حشكر فى العربية علشان انا من ملاكها .. بس انا سافرت بها كتيير و مشيت داخل البلد وقت الزحمة كتيير و الحمد لله ملقيتش المشاكل اللى الناس بتقول عليها .. و ده يبقى حالات فردية .
الخلاصة : العربية حلوة و أتكلى على الله و أشتريها بس ممكن تنزلى السعر شوية و متنسيش تكشفى
عليها فى مركز خدمة معتمد او فى التوكيل

[striving]

انا معايا موديل 2016،رااااءعة و معنديش اى شكوى منها مطلقا.
هى تقفيل اسبانى و ده معلن من الاول و التوكيل مكدبش و ده لا يعيبها يعنى مثلا الرينو فلوانس تقفيل تركى و سيارة ما شاء الله عليها.و اكيد اسبانيا مش اقل من تركيا.
قطع الغيار تقريبا نفس مستوى اسعار الاكسنت ار بى و يمكن اقل فى بعض القطع و هذا الكلام بناء على مقارنة مكتوبة انا عملتها قبل الشراء و الاسعار من الوكيل سواء غبور او cdcm.
الفتيس و الفرامل و التكييف ما شاء الله لا توجد مشاكل منهم وبالعكس اداؤهم راءع.
النقطة الوحيدة اللى ضد هذه السيارة من وجهة نظرى هو سعر اعادة البيع و غير كده لم ارى منها اى عيوب.
و ربنا يوفقك لما فيه خير.

امين جزاك الله خيرا وربنا يبارك لك فيها
بس ايه موضوع سعر اعادة البيع هل ممكن يقل كتير وما السبب؟

[striving]

السلام عليكم يا striving :
أنا مش حشكر فى العربية علشان انا من ملاكها .. بس انا سافرت بها كتيير و مشيت داخل البلد وقت الزحمة كتيير و الحمد لله ملقيتش المشاكل اللى الناس بتقول عليها .. و ده يبقى حالات فردية .
الخلاصة : العربية حلوة و أتكلى على الله و أشتريها بس ممكن تنزلى السعر شوية و متنسيش تكشفى
عليها فى مركز خدمة معتمد او فى التوكيل

وعليكم السلام ورحمه الله
ما شاء الله ربنا يبارك لك فيها
والسعر المفروض يكون كام تقريبا فى سياره بالحاله دى ؟
انا اتصلت بمركز صيانه كنت بتعامل معاه علطول فى سيارتى القديمة للكشف على السيارة وقالى ان وقت الكشف نصف ساعه هل دا طبيعى؟ انا اعرف انه بياخد ساعتين تقريبا أو اقل
وهل الكشف فى البنزينه أفضل ام فى مركز صيانه؟

[د.مروان راغب]

سعر اعادة البيع اقل من منافسيها زى اللانسر شارك اللى انا بعتبرها الوحيدة اللى تستاهل تنافسها و غير كدة سيارات اخرى لنفس الفءة السعرية مثل اكسنت ار بى و كيا ريو.
والسبب ان بلدنا للاسف كده الناس بتعلى فى سعر الكورى واليابانى دون النظر للسيارة تستاهل اصلا تمنها وان يدفع فيها فلوس اساسا ولا لا.
بجانب ان وكيل بيجو القديم اباظة الله يسامحه قلل من قيمة البيجو و ماهتمش بيها تماما و كانت النتيجة انها صارت سيارة غير مطلوبة و اعادة بيعها بالتالى بتنزل حتى لو السيارة تستاهل تمنها،ولكن مع التوكيل الجديد cdcm اتوقع ان الكلام ده حيتغير حتى لو حياخد وقت لانه مهتم جدا بالبيجو و خدمة العملاء و توافر قطع الغيار.

[Amr Morsi]

الكشف فى مركز الصيانة أفضل و أعتقد نصف ساعة مش قليل و خصوصا لو فى كشف كمبيوتر
و بالنسبة للسعر أنتى و شطارتك

[aborody2011]

خد بنصيحتي سيبك من البيجو خالص والفرنساوي بصفه عامة صيانتها صعبه ومحتاجه خبير انا كان عندي بيجو 406 فتيس زباله سمعة الاوروبي عامة في الفتيس وحشه لو عايز حاجه لك وللزمن خدلك تويتر ولانيسان ولا كوري والله ان الكوري اكثر اعتمايه ولا يوجد بها مشاكل غريبه

[د.مروان راغب]

مع احترامى لحضرتك انت اخترت مثال سيء للبيجو
ال406 نجحت فى كل شىء و تفوقت فى فءتها و لكن اشهر عيب لها اللى مالوش اصلاح هو الفتيس(مش كل ال406 بس ناس كتير اشتكت نفس السكوى)
هذا لا يمنع ان فى سيارات كورى ويابانى كتير كانت بتنزل بعيوب فادحة سواء فتيس او مشاكل عفشة تعرض لحوادث او فرامل .....الخ و لكن بمجرد ما تتحل و يتم تداركها فى الموديلات التالية الناس ترجع تقول السيارة حلوة و العكس فى الاوروبى المشاكل البسيطة او الغير منتشرة فى السيارة يتم الترويج للمشكلة لافشال السيارة.
الخلاصة
هوى السوق المصرى متجه للكورى و اليابانى بغض النظر عن المبالغة الواضحة فى اسعارهم حاليا مقارنة بمنافسيهم الاوروبيين و بغض النظر عن عيوب بعضهم(اقرب مثال انى قبل شراء البيجو سالت فى توكيل كيا عن الريو اللى مغرقة الدنيا و سالت المهندسين اللى جوا مش الsales و كلهم اجمعوا انها سيارة سيءة جدا و بها مشاكل فنية كتير و واحد منهم قاللى عشان خاطرى متجبهاش رغم انه مايعرفنيش) و رغم هذا السيارة منتشرة و بتغلى كمان و الناس بتشتريها
هى دى عقلية السوق المصرى الغير مفهومة.
مش معنى ان يكون فى مشكلة فى موديل معين يبقى الماركة كلها وحشة و الدليل تويوتا كورولا نزل موديل 2008 ل 2010 تقريبا بمشكلة فى الفتيس ثم تم تغييره و على نفس شكل السيارة فنجحت.ولانسر شارك فشلت بموتور 1500 و من اول ما نزلوا موتور 1600 و السيارة مبيعاتها فى السما.

[aborody2011]

شكرا لحضرتك على التوضيح بس فعلا الكوري مبيعاته خياليه في العالم كله انا اتعقدت بصراحه انا معايا اكسنت ترونك 2014 وعن تجربتي لها سيارة عمليه جدا ماشاء الله وحاليا انا بدرس مشاكل السيارات كلها ومقرر بإذن الله اشتري مرسيدس cla 180 عجباني جدا وسعرها مناسب بس خايف من مشاكل الفتيس في الاوروبي ياريت لو عندك فكرة عن مرسيدس تقولي انا احب السيارات الاعتماديه