مبتدا تماما وحجزت بيجو 301

[Hamdy Elshahat]

السلام عليكم
اولا انا اثق فيكم جدا من زمااااااااااان ولما بحب اشوف حاجه عن اي عربية ببحث وبركز على مواضيعكم اولا
انا حجزت بيجو 301 هاي لاين من التوكيل وانا اول مرة اجيب عربية رغم اني مش محتاجها فعليا دلوقتي بس قلت لما احتاجها بعد سنتين مش هعرف اركب زيرو وانا كرهت فكرة المستعمل فقلت اجيبها
المهم سمعت ان احسن عربية في الفئة السعرية بتاعتي هي بيجو301 واللي تقريبا بدون مشاكل قوية ( في ناس بيقولوا ليها مشاكل في الفرامل وبتعمل حوادث بس اغلب الناس كذبوات )
استفساراتي
1- ايه رايكم في اختياري للعربية خاصة اني مبتدا تماما
2- هل فعلا زي ما بسمع قطع غيارها وصيانتها غالية
3- اهم سؤال بالنسبالي انا محتار اوي وبفكر اتصل بالتوكيل واخلي الحجز للمانيوال بدل الهاي لاين عشان اوفر حوالي 25 الف جنيه وعشان كمان بيقولوا الاوتو اعطاله ومصاريفه اعلى من المانيوال فايه راي حضراتكم وليه
4- ممكن حد يقولي متوسط مصاريفها في الصيانات الدورية والحاجات اللي هدفعها باستمرار زي تيل الفرامل بكام وكل اد ايه تقريبا واهم الحاجات

شكرا جدا واعتذر لو طولت

[adel delo]

روحت احجز قالولى اللى هتيجى 2017
وهتكون نفس الشكل والاستلام من شهر ونص لشهرين وهتكون موديل 2017
بس زيادة فيها فيتس 6 نقلات والفتيس هيكون يابانى
وهيكون الجنط 15 .. هل الجنط 15 هيكون كويس ولا 16 احسن
ومحدش عندة اى معلومات عن ال 2017

[د.مروان راغب]

اولا مبروك مقدما لكما
انا اللى معايا موديل 2016 (استلمتها 5/2015)
معنديش اى فكرة عن موضوع الفتيس الجديد ده بس واضح انه هيبقى افضل عشان 6 نقلات.اما الجنط لو حضرتك اتفرجت على اى 301 هاى لاين فى المعارض حاليا هتلاقيها بالجنط ال 15 و هو شكله حلو اما الثبات معرفش لانى معايا جنط 16 و فعلا ثبات السيارة جيد جدا به.
بالنسبة لاستاذ حمدى:
السيارة راءعة و مريحة جدا وهى اختيار جيد جدا فى كل شىء و عيبها الوحيد سعر اعادة البيع.
التكييف تلاجة،الفتيس جيد جدا(انا معايا اوكتافيا فتيس 6 نقلات و طبعا مريح اكتر لكن البيجو جيد جدا)
الفرامل قوية و استجابتها سريعة،اسعار قطع الغيار نفس مستوى او اقل كمان من اكسنت ار بى،
انا عملت صيانة 10000 كم بحوالى 700 وصيانة 20000 كم بحوالى 1300 جم.
تيل الفرامل من التوكيل بحوالى 450 و فيه فى السوق بديل فرنساوى بحوالى 250 و اسبانى بحوالى 200.

[salam100100]

مبروك الف مبروك
اختيار جميل
انا انصح بالاوتوماتيك- اسهل واريح من المانيوال فالزحمه بما ان اغلب الشوارع الداخليه زحمه
وكمان مطلوب اكتر الايام دى- فهتكون اسرع فالبيع من المانيوال وبالاخص الستات

كلامك صحيح الفتيس الاوتو صيانه اكتر من المانوال (كتغيير زيت) وكمان بيستهلك بنزين اذيد شويه قليلين لكن فمصر والزحمه الاوتو افضل

انا انصح كمان امن على العربيه اول سنه- انا عارف ان التامين مصاريف تانى فوق ثمن العربيه لكن امن وريح دماغك لو لسمح الله حاجه حصلت - انت هتحط مبلغ كبير فى حتته حديده فالشارع بس حديده غاليه

اتبع الصيانات فى مواعدها ومتبخلش على العربيه.....هتديك احسن ما عندها

ومبروك مقدما

[Amr Morsi]

أختيارك موفق ان شاء الله و مصاريف صيانة العربية زيها زى كل العربيات يعنى نفس الرينج
و لو مش فارق معاك سواقة المانيوال يبقى وفر ال 25 ألف
مبروووك

[Hamdy Elshahat]

روحت احجز قالولى اللى هتيجى 2017
وهتكون نفس الشكل والاستلام من شهر ونص لشهرين وهتكون موديل 2017
بس زيادة فيها فيتس 6 نقلات والفتيس هيكون يابانى
وهيكون الجنط 15 .. هل الجنط 15 هيكون كويس ولا 16 احسن
ومحدش عندة اى معلومات عن ال 2017

انا كدا مش عارف هيسلموني 2016 ولا 2017 هكلمهم بكره واقولهم عايز 2017 حتى لو هنتظر تاني وربنا يقويني بقى
هو الفتيس الحالي صناعة ايه"

[Hamdy Elshahat]

بالنسبة لاستاذ حمدى:
السيارة راءعة و مريحة جدا وهى اختيار جيد جدا فى كل شىء و عيبها الوحيد سعر اعادة البيع.
التكييف تلاجة،الفتيس جيد جدا(انا معايا اوكتافيا فتيس 6 نقلات و طبعا مريح اكتر لكن البيجو جيد جدا)
الفرامل قوية و استجابتها سريعة،اسعار قطع الغيار نفس مستوى او اقل كمان من اكسنت ار بى،
انا عملت صيانة 10000 كم بحوالى 700 وصيانة 20000 كم بحوالى 1300 جم.
تيل الفرامل من التوكيل بحوالى 450 و فيه فى السوق بديل فرنساوى بحوالى 250 و اسبانى بحوالى 200.

شكرا جدا لحضرتك بشرتني وبالنسبة لاعادة البيع انا مش ناوي ابيع قبل 5 سنين انا اول مرة اجيب عربية ومش بفهم اوي فيهم فمش كل شوية هحب اغير واهو كمان ابقى خدت خير العربية زي مبيقولوا

[Hamdy Elshahat]

مبروك الف مبروك
اختيار جميل
انا انصح بالاوتوماتيك- اسهل واريح من المانيوال فالزحمه بما ان اغلب الشوارع الداخليه زحمه
وكمان مطلوب اكتر الايام دى- فهتكون اسرع فالبيع من المانيوال وبالاخص الستات

كلامك صحيح الفتيس الاوتو صيانه اكتر من المانوال (كتغيير زيت) وكمان بيستهلك بنزين اذيد شويه قليلين لكن فمصر والزحمه الاوتو افضل

انا انصح كمان امن على العربيه اول سنه- انا عارف ان التامين مصاريف تانى فوق ثمن العربيه لكن امن وريح دماغك لو لسمح الله حاجه حصلت - انت هتحط مبلغ كبير فى حتته حديده فالشارع بس حديده غاليه

اتبع الصيانات فى مواعدها ومتبخلش على العربيه.....هتديك احسن ما عندها

ومبروك مقدما

الله يبارك فيك وان شاء الله هامن عليها اول 3 سنين ده لو مش على طول كمان اعتقد ان التامين مهم جدا بيريح دماغك وكل حاجه بتبقى عليهم ( كان نفسي الصيانات كمان تبقى عليهم )

[Hamdy Elshahat]

أختيارك موفق ان شاء الله و مصاريف صيانة العربية زيها زى كل العربيات يعنى نفس الرينج
و لو مش فارق معاك سواقة المانيوال يبقى وفر ال 25 ألف
مبروووك

انا عشان اول مرة اجيب عربية فمش فارق معايا موضوع المانيوال ولا الاوتو رغم ان كل الناس قالوا خليك في الاوتو بشدة
فشكلي هحترم خبراتهم وعشان كمان اعادة البيع بعد 5 سنين الموضوع في الاوتو هيبقى افضل بكتير واهو بالمرة استفيد انا كمان بمميزات الاوتو