نقل مواضيع من قسم البيجو لمنتدى آخر!!!

[amr mokhtar]

انا النهاردة قلت أعمل زيارة لموقع إسمه (مصر موتورز) و لقيت بالصدفة الموضوع بتاعى (كل ما تريد معرفته عن 206)
لقيته هناك بالنص و اللى نقل الموضوع مشكورآ كتب إسمى فى الآخر و ذكر انى صاحب الموضوع الأساسى

بصراحة انا أتضايقت لإنه على الأقل لم يستأذن منى لإنه أكيد عنده account هنا فى نايل موتورز عشان يقدر يدخل على المواضيع
و لإن المواضيع دى انا بعتبرها ملك لنايل موتورز

و كمان حاجة تانية الموضوع ده انا كتبته بنائآ على تجربتى الشخصية مع العربية و أكيد ده بيختلف من واحد لآخر
يعنى الكلام ده لو منقول مش هيبقى ليه قيمة من غير صاحبه الأساسى

انا فتحت الشكوى دى هنا فى منتدى البيجو عشان لو حد لقى الموضوع ده هناك يعرف إن الموضوع ده اساسآ من نايل موتورز و لو عايز يسأل على حاجة يتفضل يسأل هنا

و الله انا مش بعتبر نفسى كاتب كبير و لا مؤلف قصص بس انا حبيت إنى أوضح اللى شفته
و يا ريت اى حد عايز ينقل موضوع من هنا يوديه اى حته تانية يستأذن من صاحبه طالما معروف و على قيد الحياه

[Sharky]

دا طبيعى فى المنتدى دا

العديد منا إتنقلت منه مواضيع لهناك و منهم أنا شخصيا

[Powert]

ده عادي جداً :k40:

ولو مش عاوز الموضوع ده يبقى هناك قدم هناك شكوى :k10:

بس مش هيتعمل بيها حاجة لان العضو كاتب اسمك

[aif]

طيب ما إحنا عندنا مواضيع كتير منقولة ..... كل اللي بيتم ان اللي ناقل الموضوع بيكتب في الآخر .... م ن ق و ل ومش بيكتب غالبا اسم الكاتب الاصلي .... في حالتك ... انت بتقول انه كاتب اسمك و انك صاحب الموضوع
ده امر طبيعي في النت

[amr mokhtar]

انا مش هعمل شكوى و لا غيره لإنى مش هكتشف الذرة
انا حبيت انى أشوف رأيكم فى الموضوع ده

بس الفكرة ان المواضيع اللى بتبقى منقولة هنا بتكون أخبار او قصة او شىء من هذا القبيل
إنما نقل موضوع عن تجربة سيارة ذى الموضوع بتاع العبد لله فأنا شايف إنه ملوش فايدة لإن اى حد هيسأل عن حاجة محدش هيرد عليه

و لو إنتوا شايفين ان ده عادى فانا مسامحه فى الموضوع ده

[NaderNabil]

احنا عندنا كتير بنجيب تجارب لسيارات سواء من منتديات مصرية أو عربية أو عالمية...
و طبعا بنكتب انه منقول...حتي مابنكتبش منين أو مين اللي كاتبه..

بس نظرا لحساسية العلاقة بين المنتديين دول...اسمك كان لازم يتكتب...و اللي نقل المموضوع مش هامه غير انه يفيد الناس...فا معلش ...سامحه المرة دي :)

[amr mokhtar]

و الله مسامحه
انا فعلآ معرفش ان فيه علاقة متوترة ما بين المنتدين دول
يمكن أكون حسيت انى مهم عشان اول مرة حد ياخد على كلامى و ينقله لحد تانى