نصيحة لشراء بيجو 301

[wagiherian]

من فضلكم أنا مقدم علي شراء البيجو 301 الهاي لاين
ومحتاج من حضراتكم النصيحة من حيث ..
1- هل هي فعلا صفقة رابحة أم لا
2- هل قطع الغيار معمرة أم لا
3- هل العربية من النوع اللي بيستحمل كويس في شوارع مصر أم لا
ولكم جزيل الشكر




تم النقل لقسم بيجو
م ع 7

[bluemail]

اتمني ان اللي يرد عليك يكون عن تجربه وليس وجهه نظر
بالتوفيق

[wagiherian]

اتمني ان اللي يرد عليك يكون عن تجربه وليس وجهه نظر
بالتوفيق

متشكر جدا يا فندم

[د.مروان راغب]

اهلا بحضرتك
انا مافتحتش الصفحة بقالى اسبوع و عشان كده الرد متأخر.
انا ممكن اقول لحضرتك من واقع استخدام 30,000كم على مدار سنة ونصف تقريبا.
السيارة طبعا صفقة رابحة بكل المقاييس(السعر مقابل القيمة).
انا عملت صياتة ال10 و ال20 الف و دول تقريبا مافهومش تغيير قطع غيار و بالتالى مقدرش اقيم العمر الافتراضى للقطع بس اقدر اقول انى داخل على 30 الف كم و لسه الحمدلله ماغيرتش حتى تيل الفرامل.
اسعار قطع الغيار طبعا زادت على كل السيارات و هى قبل زيادة الاسعار كانت فى نفس مستوى اسعار الاكسنت ار بى او اقل.
السيارة اه بتستحمل بس بالمقارنة بايه؟

[wagiherian]

متشكر جدا يا دكتور مروان
أنا بس كنت عايز أتطمن من ناحيتها نفسيا علشان تمنها غالي أوي بالنسبة لي
من حيث المتانة وانها تكون إقتصادية وسهولة المعاملة معاها في اي مشكلة فيها
وأكون شاكر جدا مقدماً لردك ....

[د.مروان راغب]

بالنسبة انها غالية فكل السيارات غليت و اللى بعدها على طول سعرا هم:
-رينو لوجان -نيسان صنى -فيرنا و لانوس و افيو -الصينى
ومع احترامى لكل هذه السيارات بس طبعا ال301 افضل و يبقى تقدير حضرتك لميزانيتك المخصصة للسيارة.
من حيث المتانة (صاج) زى الكورى او اقوى شوية بس مش زى الالمانى مثلا اما العفشة قوية و ناعمة فى نفس الوقت
الاقتصادية:هى طبعا قطع غيارها اغلى من الفيرنا واللانوس والصنى لأنهم تقفيل مصرى بس هى تعتبر اول درجة فى اسعار قطع الغيار بالنسبة لسيارة مستوردة(دون مقارنة السيارات الصينى)
سهولة المعاملة فى المشاكل:
التجربة الشخصية الوحيدة هى انها مرة واحدة فقط الكمبيوتر هنج و كان الحل اللى عرفته سهل جدا الا و هو فصل قطاش البطارية و اعادته.
غير كده اللى اتقالى انها تقريبا زى ال307 فى اغلب الحاجات مع تعديلات بسيطة و بالتالى مشاكلها معروفة.

[ابو هنا]

عربية فوق الممتازة قربت على 3 سنوات والحمد لله رب العالمين كل مرة اجي اركب فيها العربية أحس بسعادة واني أحسنت الاختيار
بس للأمان لو فعلا سعرها وصل 280 الف جنيه ، شايف ان النيسان السنترا حتكون صفقة اربح

[mahmed0100]

معايا من 3 سنين و نص .. عربيه محترمه 49 الف كيلو ..صيانات مش غاليه مقارنه بمثيلاتها فى السوق
مشاكلها محدوده و يمكن موديل 2016 اتعالج فيه بعض الملاحظات و الفتيس الاوتو بقى 6 نقلات مش 4 و ده ميزه كويسه جدا و كاوتش مقاس 15 بدل 16 حيكون احسن كنعومه عفشه
هى صفقه كويسه جدا

اما نقطه مقارنتها بسنترا .. حرام عليك يا باشا جيب الراجل حيتخرم من 730 ج فلتر بنزين و زيهم فلتر تكييف و اسعار قطع غيارها المستمره اغلى بكتييير من بيجو 301
و بالتوفيق :)