طلمبة الباور في الـ 505

[D . a .\ AYMAN]

طلمبة الباور عندي بقت بتعلق شوية تشتغل وشوية لأ وبتعمل حاجات تانية غريبة وحلها انها تتغير على بعضها عشان وجع الدماغ

أنا عندي تلات حلول ياريت ترجحولي أي حل من التلاتة

وكمان أصلا كنت مصلحها قبل كده وفضلت شوية شغالة كويس

1- أصلحها تاني ... مع العلم إن التصليح في الحاجات دي مش بيبقى حلو قوي

2- أجيب واحدة تانية بتاعتها إستيراد (أكيد) ... مع العلم إن طلمبة الباور أصلا في الـ 505 تقيلة والباور بتاعها مش حلو أصلا

عشان كدة أنا نفسي في الحل الثالث بس معنديش ليه أي معلومات كافية إني أنفذه .... وهو إني سمعت إن في أنواع طلمبات باور تانية ممكن تركب على الـ 505 زي حاجات ياباني مثلا أو كده لو ركبت هاتخلي الباور أخف كتير من الأصلي بتاعها ... ياريت لو فيه حاجة زي كده اللى عنده معلومات عنها يفيدني بيها

يعني مثلا ...
نوعها إيه .. أجيبها منين .. وبكام .. ومين يفهم فيها .. وأعرف إزاي إنها كويسة

وجزاكم الله خيرا جميعا

--------------------

[the-hero]

انا معايا 505 مو 80 باور والدريكسيون خفيف جدا واخف من ال 405 وده يرجع ان الاسكترا والبيض بيتشحم وال 405 لا وده بيخليها خفيفة جدا جرب تشحم

[D . a .\ AYMAN]

انا معايا 505 مو 80 باور والدريكسيون خفيف جدا واخف من ال 405 وده يرجع ان الاسكترا والبيض بيتشحم وال 405 لا وده بيخليها خفيفة جدا جرب تشحم

المشكلة عندي مش في التشحيم ... لأني بشحم كل شهر تقريبا

المشكلة في الطلمبة نفسها ... لأني كشفت عليها فعلا عند كذا واحد

[zarkoor]

حضرتك ممكن تركب اى طلمبه بس لازم تراعى الاتى

1- فلانشة التركيب لازم تتعدل علشان تركب فى نفس اماكن المسامير اللى فى البلوك

2- رباط خرطوم القربة و مواسير البور يكون نفس المقاس و نفس السن

3- طمبورة السير تكون نفس المقاس

4- اتجاه الدوران يكون نفس القديمة

5- ضغط البور يكون نفس القديم علشان ما يبقاش الدركسيون خفيف قوى و العربية تعوم منك

علشان كده لازم تسوق عربية معمولها نفس التعديل قبل ما تاخد القرار و الا النتيجه ممكن ما تبقاش مظبوطة و ما تبقاش مبسوط من الشغل ... الاضمن استيراد احسن

[the-hero]

ياجماعة طرنمبه باور ال 505 قوية ومش محتاجة اى تعديل انا معايا مو 80 برضه والباور خفيف جدا
هات طرنبة أستيراد ومتخفش

[D . a .\ AYMAN]

حضرتك ممكن تركب اى طلمبه بس لازم تراعى الاتى

1- فلانشة التركيب لازم تتعدل علشان تركب فى نفس اماكن المسامير اللى فى البلوك

2- رباط خرطوم القربة و مواسير البور يكون نفس المقاس و نفس السن

3- طمبورة السير تكون نفس المقاس

4- اتجاه الدوران يكون نفس القديمة

5- ضغط البور يكون نفس القديم علشان ما يبقاش الدركسيون خفيف قوى و العربية تعوم منك

علشان كده لازم تسوق عربية معمولها نفس التعديل قبل ما تاخد القرار و الا النتيجه ممكن ما تبقاش مظبوطة و ما تبقاش مبسوط من الشغل ... الاضمن استيراد احسن

ماهو ده اللى انا عايز أعرفه .. هل في حد جرب نوع معين قبل كده متوافق مع الشروط اللى حضرتك ذكرتها ده

وجزاكم الله خيرا على الرد

[ashraf_505]

خليك فى الاستيراد اضمن انا عندى 505 80 والباور بتاعها بردة تقيل بس دة مش مضايقنى وبسوقها طول الوقت بأيد واحدة ولو معايا فلوس هغيرها اصلى بتاعة بلادها ومش هعدلها ابدا
المشكلة ان ال505 عريضة والمكنة تقيلة عشان كدة الباور ممكن يتأثر خصوصا لو الكاوتش مش منفوخ تمام وكمان بتستعملة كتير على ارض مش اسفلت ..
دة رأيى وربنا معاك بس ياريت تبعد عن التعديل