305 المظلومة! محتاج رأي

[Qamar]

لظروف ما معروض عليا بيجو 305 موديل 79 بحالة جيدة (موتور و عفشة) مش رشة دواخل. محتاجة طقم كاوتش و بطارية. و مطلوب 16 الف. كده حلو؟
و بعدين دي المفروض تستحملني 3000 كيلو في الشهر. هاتستحمل سنة شغل؟
السؤال الثالث:لما اجي أبيع ممكن تتباع سهل؟ ولا هاخسر كتر ولا مش سهل تتباع أصلا
شكرا للتعاون و عشمي كبير

[FLYINGPEUGEOT]

Qamar باشا أخبارك أية ?
أسأل الله أن تكون فى تمام الصحة والعافية.
نصيحة أخ ومن واحد بيعشق الماركة دى.
بلااااااش.
بالنسبة للسعر كويس وبالنسبة لقطع الغيار موجودة
لكن العربية:-
قوة مفيش.
ثبات مفيش.
غير مريحة بالمرة.
مشاكلها كتير خصوصا مع وش السلندر.
اسعار قطع الموتور الداخلية او الخاصة بالعمرة تعتبر غاليةةةةة مقارنة ببنات جيلها.
دا بجانب شكلها اللى عفى علية الزمن.

..................................
طبعا أخوانى مالكى السيارة ربنا يعينهم عليها ويباركلهم فيها .
لكن دا رأيى بكل حيادية لأخ مقبل على الشراء.
ومفيش مانع إن نظرتنا تحمل لمسة تطورية بعض الشىء.

.................................................. ...................

سوقها واقف جدا فى أزهى حالات السوق
مابالك بقة حالة السوق المتدهورة اليومين دول.

لو الظروف لاتسمح بمبلغ أكبر.
فأنا أرى والله أعلم,,ان انسب حاجة لك فى ظل المبلغ المتاح هى ال 205

[the-hero]

Qamar باشا أخبارك أية ?
أسأل الله أن تكون فى تمام الصحة والعافية.
نصيحة أخ ومن واحد بيعشق الماركة دى.
بلااااااش.
بالنسبة للسعر كويس وبالنسبة لقطع الغيار موجودة
لكن العربية:-
قوة مفيش.
ثبات مفيش.
غير مريحة بالمرة.
مشاكلها كتير خصوصا مع وش السلندر.
اسعار قطع الموتور الداخلية او الخاصة بالعمرة تعتبر غاليةةةةة مقارنة ببنات جيلها.
دا بجانب شكلها اللى عفى علية الزمن.

..................................
طبعا أخوانى مالكى السيارة ربنا يعينهم عليها ويباركلهم فيها .
لكن دا رأيى بكل حيادية لأخ مقبل على الشراء.
ومفيش مانع إن نظرتنا تحمل لمسة تطورية بعض الشىء.

.................................................. ...................

سوقها واقف جدا فى أزهى حالات السوق
مابالك بقة حالة السوق المتدهورة اليومين دول.

لو الظروف لاتسمح بمبلغ أكبر.
فأنا أرى والله أعلم,,ان انسب حاجة لك فى ظل المبلغ المتاح هى ال 205

:k32:
الزعيم جبلك من الاخر رد حكيم وال 205 عربيه ملهاش حل وتناسبك

[nabaster]

معلش يا زعيم هختلف معاك في كام نقطه بس ده رايي
انا من زمان نفسي اجيب العربيه دي بس مش موديل 79 لالا
انا عايز اجيب موديل الطياره منها والي لو جينا شوفنا مشاكلها الي انتا قلتها متهيالي هتتحل في الموديل ده ليه بقي؟؟

انا مش هجيبها هركب علي طول وهمشي لو جبتها هسقط موتور ال 405 بفتيسه كامل بتكيفه كمان ومش عارف متهيالي كمان هيقبل موتور البرستيج ال 2000 سي سي (علي ما اظن)

ده بالنسبه للقوه بالنسبه بقي للثبات

جنط عريض محترم متهيالي هيظبط الاداء مع تغير بعض اجزاء العفشه باجزاء من ال 405

متهيالي بقي بعد الشغل ده العربيه اتعالجت مشاكلها بالنسبه بقي للصالون يتظبط علي كيف كيفك وغير الكراسي نفسها بالي تريحك

ردي بقي علي الاستاذ Qamar الموديل ده ياريت تسيبك منه (وده كان راي الاعضاء عليا في موضوع شبه ده) خليك في موديل الطياره

انا كان معروض عليا ومازال اختها بحاله زي الفل ورايقه ومتودبه ومشدوده ومش محتاجه مسمار وتخلص علي 13 او 14 الف ومش راشه دواخل وحالتها بصراحه زي الفل
يعني حاول تنزل في العربيه الي معروضه عليك لغاية 13 هيبقي كويس جدا

بس انا قلت اصبر شويه اشوفلي حته طياره اودبها بقي بنفسي

ده راي ويارب اكون افادتك وسلامي ليك و لهاني ولهيرو باشا

محتاج بقي رايك يا هاني في كلامي لان علي اساس كلامك في حاجات كتير هعملها ومنها اني هبدا ادور علي موديل الطياره منها مستني رايك يا باشا.....

[Qamar]

ألف شكر للردود.. ونعم الأخوة. ربنا يجعله في ميزان حسناتكم.
:ده خلاص بخ ما فيش 305 و لتحيا الشاهين. و ربنا يفرجها ببيعة كاش.

[hesham_shousha]

موش عارف ليه الهجوم على العربيه دى
مع أن عندى بيجو 305 موديل 79 من عام 84 وبامشى بيها 2000 كيلو فى الشهر ومافيهاش المشاكل اللى باسمع عنها والعربيه احسن طبعا من الشاهين واللادا اللى على الزيرو

[sparion]

انا بقي عندنا عربية بيجو 204 سابقا كانت اصيلة جدا كانت جية من فرنسا لينا مخصوص وكانت 1300 سي سي زي الفل موديل 1974 وتقريبا نفس الميكانيكا بتاعت 305 وكانت اسد الناس كانت بتحلف بيها عربية ( دكر) وسفر وشاليت شيل زي الفل متشلوش عربيات تانية احدث واقوها وموتورها بيستحمل جدا وعمرها مكسفتنا ودلوقتي معايا 305 ومشية زي الفل بقالها سنتين وعربية جمدة جدا والله بدون مبالغة ومحترمة بس عبيها الي الناس بتبخل عليها بس
اول الميزانية مش بتسمح هما فكرنها فيت الفانوس ب7 جنية والكبوت ب100 جنية دي مش كدة خالص انت بتدفع مرة بتعيش معاك عمر عربية تانية ويكفي انها بيجو صممت لتتمتع بها ومن عيوبها ان مفيش حد بيفهم فيها خالص ويكفها انها الشقيقة الصغري لل 505 وفي منها 6 سلندر في اوربا وفي منها 1905 سي سي بالكمليات

[sparion]

احب اضيف بقي معلش مع احترامي يا باشا الي بيقول ان الشاهين كويسة اعتقد انوة بص يا سيدي انا هقولك انها الميزة الي فيها انها اقتصادية العربية الشاهية ال 1400سي سي قوتها 74 حصان ويارب اصلا تكملها وفيها عيوب كتير وبالنسبة للثبات مفيش اصلا ثبات بيقولوة بقي انها حلوة بس عشان مطبات بلدك عالية اوي وهية مبتكحتش انما دي شكلها مش عربية تتصنع موديل التسعينات وكمان بتسخن جدا جدا وفيعا عيوب في الفتيس والكارونة وعفشتها ضعيفة جدا
ومنصحكش بيها ممكن تقول 131 ماشي دي افضل بكتير انا بعتقد ان الميزة الوحيدة في الشاهية انها عربية حاجتها عند البقالين ورخيصة جدا بس هية دي الميزة وبس وضيقة جدا جدا جدا جدا جدا

[hesham_shousha]

هما فكرنها فيت الفانوس ب7 جنية والكبوت ب100 جنية دي مش كدة خالص انت بتدفع مرة بتعيش معاك عمر عربية تانية ويكفي انها بيجو صممت لتتمتع بها ومن عيوبها ان مفيش حد بيفهم فيها خالص

أنا معاك فى الراى ده تماما - والعربيه الحمد لله معايا بقالها 25 سنه زى الفل

[sparion]

واحب اضيف انا معايا العربية 305 دي بسافر بيها العريش مرة كل شهر وسعات مرتين في نفس الاسبوع وفيها الردياتير مش بتعها وضغير وبيخليها سخنة ومش بريحها ومشية معايا مش بتقول لاء ولا فوتت زي عربيات ولا الكلام دة هوة هنا بس في مصر محدش فاهم العربيات دي وفي البيجة 204 و304 بس هنا محدش فاهمها علي فكرة يا جماعة العربيات دي في منها مودلات زي 204 دي اصلا تصنعها في فرنسا من سنة 1952 يعني عاااااااااااااااااااااش انها لسة بنفس تصميم المحرك دة ولسة في منها بيمشي و304 برضوة نفس الحال وبعديهم بقي جيل 305 وفعلا هية عربيات ملهاش حظ وقليلة في مصر وبعدين يا جماعة دي عربية موديل سبعينات وفي منها 1300سي سي و1500 سي سي و 1905 سي سي يعني في مودلات جمدة منها

[walids]

السلام عليكم

أنا كنت في نفس حيرتك دي
طبعاً بتكلم علي أساس المبلغ اللي كان موجود معايا و اللي هو في نفس رينج المبلغ اللي معاك

كان قدامي فيات و بيجو

الصراحة فيه ناس حذروني من البيجو ، و شكرولي في فيات 128
بس انا مكنتش متاح نفسياً للفيات لأني مش مقتنع بيها أصلاً أنها عربية !!

و صليت صلاة استخاره و توكلت علي الله في البيجو 305
بس اهم حاجه انك تقع في عربيه نضيفه مش متبهدله علشان متتعبكش
و زي ما الأخوة اللي ردوا بالأعلي انك ممكن تجيبها و تصرف عليها مره واحده بس اول مره كتظبيط و بعد كده بتعييش معاك
و ده اللي انا بعمله ان شاء الله الأيام دي ، و كفاية ان العربيه اسمها بيجو

و القرار في الأول و الأخر ليك ،