هل إعتمادية البيــجو 307 ضعيفة !!!

[mido_919]

لاحظت هنا في المنتدي من فترة مواضيع كتيرة عن سوء موديلات بيجو او علي حد قول البعض تقارير الاعتمادية الي بيعملوها بره زي مثلا تقرير جي دي باور الي البيجو واخده مركز اخير او قبل الخير مش فاكر بصراحة وبعد كده لقيت موضوع البيجو في انهيار وفيه لينك لتجربة واحد اوروبي عن عربية بيجو 307 ديزل وكانت ارفاه جدا عشان مطولش عليكوا انا كنت معجب اوي بالبيجو307 كعربية شبابية وبفكر اجيب واحدة مستعملة او لو لقيت معرض لسه عندو زيرو ممكن اجيبها بس بصراحة اعجابي ده كان من بعيد فانا عايز اعرف بقي الناس الي معاها العربية ديه ومعاشراها اكتر مني هل هي فيها مشاكل كتيرة جدا ولا هي عربية محترمة

وبالنسبة بقي لمحبي البيجو عامة عايزهم يردوا علي التقارير دي واراء بعض الاعضاء عن سوء موديلات البيجو

وعلي فكرة انا من محبي البيجو جدا بس هي التقارير والتجارب دي هي الي مقلقاني

معلش طولت عليكوا وشكرا لكل الي هيرد

[the-hero]

أزاى يا باشا ممكن يكون كلامك صحيح بس ده فى حاله انك معندكش خلفيه ومعلومات عن العربيه اللى ركبها وفى ناس كتير خارج التوكيل كويسين وبيشتغلوا تمام وده مش معنى أن التوكيل وحش
وفيه ناس كتير بتشكر فيه وفى ادائه بس يعيبه اسعارة المرتفعه بس بالنسبه لل روا والبارس فديه صفقات مشبوه والتوكيل اتورط فيها وملهمش فعلا قطع غيار متوافرة ان مكنتش منعدمة أصلا
لكن ال 406 الموديل أقل من 2002 كان فيه عيب الفتيس نازل من الشركة الام وتم تعديله فى الموديلات العاليه والعيب ده مش فى مصر بس لأ فى كل العالم
وحكاية البيجو فى انهيار مش صحيحة ليه
كانت ال 504 ومازالت من افضل العربيات اللى نزلت مصر الى الان لقوة ماتور والهيكل والمتانه ورخص قطع الغيار العربيه ديه الوحيدة اللى ثبتت كفائه لحد دلوقتى
لما الضريبة ال 2000 سي سي عليت وكمان الازمه العالميه سعرها نزل زى كل العربيات بس هيا كانت رينجها عالى أصل قبل كدا
يعنى كانت بتعمل من 25 الف الى 55 الف تخيل عربيه مو 1979 وعمله السعر ده وكمان الناس بتدور عليها وعاوزها فده بيدل على قوة الماركة بيجو ومن سعتها الكل بيحلف بالعربيات البيجو هتى الجهلة
لكن مش عشان سعر الموديلات القديمة قل يبقى البيجو فى انهيار وعلى فكرة البيجو بتتصدر قائمة اغلى العربيات القديمه برضه من نفس الموديل
يعنى لو 504 مضبوطه بتعمل فى حدود 35000 دلوقتى
وبالنسبة للجديد فحجات تحفة يعنى عندك ال 307 السولار خدت احسن عربيه بتوفر بنزين فى العالم لأنها مشيت 1200 كم ب 60 لتر
ده غير الجوايز العالمية فى التصميم والامان
فمش معنى ان فيه تأصير فى انواع وموديلات أغلبها مش عالمية ومتنتميس لبيجو الفرنسية بصلة فده معناه ان عربيات بيجو فى النازل
وأسأل الاعضاء كمان لو مش مصدقنى اى واحد مستحيل يبيع ولو فكر يبيع عمرة ميركب غير بيجو برضه

[the-hero]

المحرك : 1587 سى سى 4 سلندر 16 صباب Dohc
القدرة الحصانية : 110 حصان عند 5800 Rpm
العزم : 147 نيوتن/متر عند 4000 Rpm
السرعة القصوى : 186 كم/ساعة
التسارع من 0 إلى 100 : 11 ثانية
سعة خزان الوقود : 60 لتر
أستهلاك الوقود لكل 100 كم : 7.9 لتر
عوامل الأمان
Abs و Ebd و Eba و 2 Srs Air Bags
الأبعاد
الطول : 4212 مم
العرض : 1762 مم
الأرتفاع : 1510 مم
قطر الدوران : 10.8 متر
الوزن بالكجم : 1243
وكمان حاجة فرنساوى وأداء رائع وشكل جذاب ومميز وتتناسب مع الطرق المصرية

[mido_919]

يا باشا علي فكرة انا من محبي للبيجو جدا وانا ال307 دي عجباني جدا بس هي المشكلة ان في ناس كتير بتقول ان فيها مشاكل زي عيب الايرور بتاع الجير بوكس ده فانا عشان كده نفسي حد من ملاك العربية دي يطمني منها مش اكتر وعلي الفكرة بقي ال405 دي مع صاحبي النتيم علي فكرة وسقتها ومن العربيات المحترمة جدا زي المرسيدس اعدتها حلوة جدا ومريحة جدا علي الطريق وشكرا لاهتمامك يا هيرو باشا وربنا يخليلك عربيتك

[the-hero]

لابس بجد عربيه محترمة جداجدا وهى أحسن حاجه فى رينجها ده كفايه الأوبشن اللى فيها مش هتلاقى عربيه فيها كدا وب سعرها
واكيد المشاكل اللى قبلت بعض الناس ليها حل وبسيطة وعالعموم فى انتظار اراء اللى ركبنها معانا فى المنتدى
أحنا معانا العضوة ssafwat عندها خبرة ماشاء الله فى ال 307 و406 يارب ترد بس وهتجيبلك من الاخر انا مسميها نجمة المنتدى

[mecho]

يا اخ ميدو . انا بحب البيجو جدا لكن لا اننصح بيها لانى لن انفعك لما تروح التوكيل و يطلع عينك او تعانى كما فى التقارير الموجودة فى موضوع انهيار بيجو . هذا المنتدى لكى يخدم الاعضاء بعض و ليس للترويج لسيارة

[Ahmed Selim]

يا اخ ميدو . انا بحب البيجو جدا لكن لا اننصح بيها لانى لن انفعك لما تروح التوكيل و يطلع عينك او تعانى كما فى التقارير الموجودة فى موضوع انهيار بيجو . هذا المنتدى لكى يخدم الاعضاء بعض و ليس للترويج لسيارة

http://www.nilemotors.net/Nile/showpost.php?p=607560&postcount=12

[Mahmoud_405]

بص ياميدو انا عندي 405 وعند ابن خالي 307 الجديده
حقوللك الصراحه ومن الاخر:

1- البيجو عربيه حلوه جدا وليها طعم في الركوب ولا تقارن بالكوري ولا الياباني وبتنافس الاماني بجداره والدليل ان في ناس تقولك انا اتعودت اركب بيجو(حتي لو 504 بقالها 30 سنه) ولما اغير اطلع علي مرسيدس او بي ام.انما مفيش حد عمره قال ان انا متعود علي الهيونداي او حتي الانسر (مع احترامي لكل ملاك الانسر).

2- الموديلات الجديده في تكنولوجيا عاليه ورفاهيه ومتعه ( حتي احساس البيجو القديم لسه موجود) بس مش اي حد يفهم فيها ولازم التوكيل بس التوكيل حرامي وبعض قطع الغيار مش متوفره.

3- العربيات الجديده من بيجو فعلا عايزه (overengineering) يعني صيانه علي طول عكس الياباني (خصوصا التويوتا)ودي حاجه تحسب للياباني ويعيب البيجو(ده من خلال خبرتي المحدوده مع عربيتي وعربيه بن خالي وكلام الناس الي بقابلهم في التوكيل.

4- قطع غيار نار نار نار تقارب العربيات المانيه.

من الاخر لو عايز بيجو لازم تعرف قيمتها ويكون عندك استعداد تصرف عليها.وسعتها فعلا حتحس انك مش عايز تغيرها لمده 10 سنين علي القللز
واي خدمه في اي تفاصيل

[Sharky]

3- العربيات الجديده من بيجو فعلا عايزه (overengineering) يعني صيانه علي طول عكس الياباني (خصوصا التويوتا)ودي حاجه تحسب للياباني ويعيب البيجو(ده من خلال خبرتي المحدوده مع عربيتي وعربيه بن خالي وكلام الناس الي بقابلهم في التوكيل.

كلام مظبوط و دا نتيجة إن التكنولوجيا فى بيجو أعلى من تويوتا
و طبيعى أن التكنولوجيا الحديثة بتحتاج صيانة و إهتمام أعلى

[ahmed_khalil]

يا اخ ميدو . انا بحب البيجو جدا لكن لا اننصح بيها لانى لن انفعك لما تروح التوكيل و يطلع عينك او تعانى كما فى التقارير الموجودة فى موضوع انهيار بيجو . هذا المنتدى لكى يخدم الاعضاء بعض و ليس للترويج لسيارة

باشا اعتقد الاستاذ احمد رد على حضرتك فى موضوع التقارير و شكرا

[ahmed_khalil]

و فى نفس الوقت بتتمتع بتكنولوجيا و كماليات اكتر و انا راىى ان المشكله ان الناس بتحب تركب عربيه متفتحش الكابوت ولا تعمل فيها اى شيء تماما العربيه تمشى و بسسسس

[mecho]

بسسبب التكنولوجيا او باى سبب الاعتمادية قليلة

[Sharky]

هو حضرتك بتقارن إعتمادية مثلا البيجو 307 بإيه من فئتها فى مصر ؟

[mido_919]

والله يا شاركي انا كنت بفكر في النيو فابيا بس لما بصيت علي ال 307 وعجبتني فكرت اجيب واحدة حالتها حلوة بس كده