استشاره من اهل الخبره فى بيجو 305

[m_gewelly]

يا جماعه بصراحه انا ناوى اشد العربيه بيجو 305 موديل 80من الالف للياء علما بان العربيه مش رشه دواخل بس كلها صدمات الماتورمفوت والصالون زفت ومعايا حوالى 7000ج ممكن اكتر شويه وللعلم معنديش اى فكره عن البيجو انا اشتريتها كده خرده بمبلغ 6000ج بالماتور مفوت
ابدا منين علشان دى اول مره اشد عربيه
السمكره ولا الماتور ولا السروجى ولا العفشه يعنى البدايه منين
1-بالنسبه للسمكره هاغير الابواب والرفارف الاماميه والسدر والكبوت هل ينفع انى اغير يعنى مثلا اجيب موديل الطياره ولا ايه
2 - طبعا الماتور عايز عمره مش هاصلحه وهاغيره ايه المواتير اللى ينفع تركب عليها يعنى عايز اغير لها ماتور 305 واجيب موديل تانى يكون مفيهوش مشاكل
3- بالنسبه لصالون السياره انا عايز اغيره علشان الصالون الحالى عايز الحرق حتى التابلوه مكسر واجيب صالون تانى حتى التابلوه فهل ينفع اجيب صالون الطياره اللى باسمع عنه ده
والميزانيه هتكون كام وده للعلم ولو حد عنده اسعار واماكن اشترى منها انا سالت فى الوكاله بس الاسعار غاليه شويه وبخاصة الماتور
يا ريت تفيدونى واللى عنده راى لا يبخل بيه على اخوكم

[hesham_shousha]

ال 7000 جنيه قليله وموش هتكفيك
أنصحك تروح لأحمد عماره أمام مرور عين الصيره تديله المفتاح يرجعهالك عروسه عشان عنده كل اللى العربيه محتاجاه ( ميكانيكا - كهرباء - فرش - سمكره - دوكو إلخ )وكمان عنده كل قطع الغيارالمضمونه يعنى موش هتتبهدل وتحتار فى شراؤها
وعموما العمره لازم تعملها عنده لأن ال 305 بالزات ماتخليش حد يقرب منها إلا واحد بيفهم
أنا بكلمك عن خبره 25 سنه مع البيجو 305 وباطمنك هى عربيه ممتازه جدا جدا بس لازم تصرف عليها بنفس وتصرف عليها كويس

[the-hero]

أولا السمكرة والعربيه تتفك كلها والماتور تشوف واحد ميكانيكى محترف يشتغل فيه ولو عمرته هتزتتكلف كتير شوف واحد بفتيس أستيراد
وبعد السمكرة البوهيجى
وتشوف طبلوة وكل حجاتها أستيراد وتريح دماغك بس هتكلفك شويه بس النتيجه هتبقى ممتازة لو ضبطها ومبخلتش عليها والعفشه بتاعتها مش مكلفة
بص شوف تاجر قطع غيار أستيراد يكون عنده 305 كتير وأسأل عن ماتور كامل و طبلوه والاجزاء الناقصة فى العفشة وتشتريهم كلهم من عند واحد هيعملك خصم كبير
سمكرى نضيف وبهيجى والاهم سروجى تمام يضبط العربيه من جوة
سمكرة وبوهيا وفرش هتخشلها فى 2700

[m_gewelly]

ال 7000 جنيه قليله وموش هتكفيك
أنصحك تروح لأحمد عماره أمام مرور عين الصيره تديله المفتاح يرجعهالك عروسه عشان عنده كل اللى العربيه محتاجاه ( ميكانيكا - كهرباء - فرش - سمكره - دوكو إلخ )وكمان عنده كل قطع الغيارالمضمونه يعنى موش هتتبهدل وتحتار فى شراؤها
وعموما العمره لازم تعملها عنده لأن ال 305 بالزات ماتخليش حد يقرب منها إلا واحد بيفهم
أنا بكلمك عن خبره 25 سنه مع البيجو 305 وباطمنك هى عربيه ممتازه جدا جدا بس لازم تصرف عليها بنفس وتصرف عليها كويس

الف مليون شكر على نصيحتك بس يا ريت تقلى الماتور اللى يركب عليها ايه غير الماتور العادى و تمنه فى حدود كام

[m_gewelly]

أولا السمكرة والعربيه تتفك كلها والماتور تشوف واحد ميكانيكى محترف يشتغل فيه ولو عمرته هتزتتكلف كتير شوف واحد بفتيس أستيراد
وبعد السمكرة البوهيجى
وتشوف طبلوة وكل حجاتها أستيراد وتريح دماغك بس هتكلفك شويه بس النتيجه هتبقى ممتازة لو ضبطها ومبخلتش عليها والعفشه بتاعتها مش مكلفة
بص شوف تاجر قطع غيار أستيراد يكون عنده 305 كتير وأسأل عن ماتور كامل و طبلوه والاجزاء الناقصة فى العفشة وتشتريهم كلهم من عند واحد هيعملك خصم كبير
سمكرى نضيف وبهيجى والاهم سروجى تمام يضبط العربيه من جوة
سمكرة وبوهيا وفرش هتخشلها فى 2700

يا باشا شكرا على اهتمامك بس ممكن اعرف بورسعيد ولا الوكاله اشترى منهم قطع الغيار وايه الفرق

[m_gewelly]

ال 7000 جنيه قليله وموش هتكفيك
أنصحك تروح لأحمد عماره أمام مرور عين الصيره تديله المفتاح يرجعهالك عروسه عشان عنده كل اللى العربيه محتاجاه ( ميكانيكا - كهرباء - فرش - سمكره - دوكو إلخ )وكمان عنده كل قطع الغيارالمضمونه يعنى موش هتتبهدل وتحتار فى شراؤها
وعموما العمره لازم تعملها عنده لأن ال 305 بالزات ماتخليش حد يقرب منها إلا واحد بيفهم
أنا بكلمك عن خبره 25 سنه مع البيجو 305 وباطمنك هى عربيه ممتازه جدا جدا بس لازم تصرف عليها بنفس وتصرف عليها كويس

طيب فى حدود كام الميزانيه الصح

[ahmed_khalil]

بص انا رائى تحاول توصل لهانى flying peugeot و هو الوحيد اللى هايقدر يساعدك فى الموضوع ده و ربنا يباركلك فيها

[hesham_shousha]

تقديرى الميزانيه هتكون فوق ال 12 ألف عشان اللى فهمته إن كل حاجه فى عربيتك هتتغير
أنا عملت العمره فى أكتوبر 2001 عند أحمد عماره إتكلفت 3000 جنيه
وسمكره ودوكو فقط فى الحرفيين فى نفس الوقت إتكلفت ألف جنيه
وغيرت الاسطوانه والديسك جديد فى نفس الوقت = 1000 جنيه
الفوانبس الاماميه جديد النهارده = 700 جنيه
الخلفيه أعتقد فى حدود 400 جنيه
المرايه الجنب النهارده فى حدود 100 جنيه جديده
طقم الاشارات الامامى الجديد من 8 سنوات كان = 100 جنيه
وعلى فكره الاستيراد موش هيفرق الا فى حدود 20%
جبت من 6 اشهر طقم مقصات جديد=350 جنيه
وكمان علبه دركسيون جديده = 550 جديد بخلاف البيض
وطقم كبالن فرنساوى=1400 جنبه ( فيه صينى فى السوق =700 جنيه والاستيراد=700 جنيه برضه )
جبت دينامو استيراد= 200 جنيه
واعرف سعر المارش استيراد=350 جنيه
وجبت من 6 أشهر برضه 3 جنط استيراد الواحد ب 170 جنيه
وفيه حاجه عملتها فى العربيه ظبتتها من ناحيه الكهرباء 100% وهى إنى شلت علبه الفيوزات الاصلى بتاعتها وركبت واحده يابانى لان الاصلى كانت عامله مشاكل كتيره وغيرتها بواحده اصلى مافيش فايده
وكمان غيرت كتاوت الدينامو الاصلى اللى كان غالى وبيبوظ كل شويه بكتاوت الكتروتى روسى
دى كل الاسعار اللى اعرفها وياريت اكون قدرت اساعدك
وافكرك تروح لاحمد عماره وخليه يسعرلك على الاقل بس ( خد فكره واشترى بكره )

[m_gewelly]

تقديرى الميزانيه هتكون فوق ال 12 ألف عشان اللى فهمته إن كل حاجه فى عربيتك هتتغير
أنا عملت العمره فى أكتوبر 2001 عند أحمد عماره إتكلفت 3000 جنيه
وسمكره ودوكو فقط فى الحرفيين فى نفس الوقت إتكلفت ألف جنيه
وغيرت الاسطوانه والديسك جديد فى نفس الوقت = 1000 جنيه
الفوانبس الاماميه جديد النهارده = 700 جنيه
الخلفيه أعتقد فى حدود 400 جنيه
المرايه الجنب النهارده فى حدود 100 جنيه جديده
طقم الاشارات الامامى الجديد من 8 سنوات كان = 100 جنيه
وعلى فكره الاستيراد موش هيفرق الا فى حدود 20%
جبت من 6 اشهر طقم مقصات جديد=350 جنيه
وكمان علبه دركسيون جديده = 550 جديد بخلاف البيض
وطقم كبالن فرنساوى=1400 جنبه ( فيه صينى فى السوق =700 جنيه والاستيراد=700 جنيه برضه )
جبت دينامو استيراد= 200 جنيه
واعرف سعر المارش استيراد=350 جنيه
وجبت من 6 أشهر برضه 3 جنط استيراد الواحد ب 170 جنيه
وفيه حاجه عملتها فى العربيه ظبتتها من ناحيه الكهرباء 100% وهى إنى شلت علبه الفيوزات الاصلى بتاعتها وركبت واحده يابانى لان الاصلى كانت عامله مشاكل كتيره وغيرتها بواحده اصلى مافيش فايده
وكمان غيرت كتاوت الدينامو الاصلى اللى كان غالى وبيبوظ كل شويه بكتاوت الكتروتى روسى
دى كل الاسعار اللى اعرفها وياريت اكون قدرت اساعدك
وافكرك تروح لاحمد عماره وخليه يسعرلك على الاقل بس ( خد فكره واشترى بكره )

الف شكر يا باشا متابعتك ونصيحتك
بس ده كدا دمار شامل
الاسعار عاليه شويه
على فكره انا قبل ما اشترى نزلت الوكاله وسالت على شوية حاجات يعنى مثلا طقم الباب اربعه باب منهم اتنين كهرباء بحاله روعه انا شفتهم كانو 800ج وكمان اتنين رفرف امامى كانو 350 جنيه والكبوت 350ج دول انا سالت عليهم فى الوكاله والنص الامامى كامل بالعفشه والماتور بالفوانيس بالرفارف بالكبوت بالضفيره بالرديادتير كله يعنى بلوازمه كان 6500ج
كده عموما دى اسعار حلوه انا كنت بس سؤالى بورسعيد ممكن توفر خصوصا انى مش هاعمل عمرة ماتور وهاشترى جديد
مع خالص شكرى

[Nour_Peugeot]

اسف يا باشا بس انا معلوماتي ضعيفه شويه عن البيجو 305

بس لو حضرتك تقدر تيجي مقابله البيجو القادمه و احنا نناقش المشكله بشكل اوسع

[m_gewelly]

شكرااااااااااااا على اهتمامكم بالرد

[hesham_shousha]

شكرااااااااااااا على اهتمامكم بالرد

بس طمنا عليك : ياترى عملتايه دلوقتى

[powerofhelll]

انا افضل ان سعاتك تجيب نصين استعمال خارج و تركبهم احسن و هتوفر كتير جدا احسن من المصراف دي كلها و بعدين الشغل هيطلع ناقص فاحسن حاجه النصين

[m_gewelly]

انا افضل ان سعاتك تجيب نصين استعمال خارج و تركبهم احسن و هتوفر كتير جدا احسن من المصراف دي كلها و بعدين الشغل هيطلع ناقص فاحسن حاجه النصين

معلش مش فاهم نصين يعنى ايه يا ريت توضع مع العلم ان النص اللى ورا سليم وبعدين لو قصدك تغيير النص الامامى طيب مش فيه رقم شاسيه بيعملوا ايه فيه لو ممكن لو عندك درايه سعرهم كام ومن هنا احسن ولا بور سعيد
مع خالص شكرى