Peugeot 405 prestige 2L automatic

[Mahmoud_405]

معروض عليا عربية Peugeot 405 prestige 2L automatic موديل 1998 فبريكة بره وجوه عايز حد يقولي رأية في العربية دي اصلي سمعت ان في مشاكل في الفتيس الاتوماتك بتعاها وهل قطع غيرها ذب ال 405 العادية والموتور ال 2000 سي سي يستهلك بنزين اكتر........
مع العلم ان العربية حالتها كويسا وعاملة 130000 كلم
و كنت عايز اعرف هي injection ولا carbrater

[hazem_khidr]

اهلا بيكي يا انسه هدي معانا :
بالنسبه للبيجو برستيج عربيه جميله جدا جدا و مافهاش مشاكل في الجير الاتوماتيك ولا حاجه و اي فتيس اتوماتيك في الدنيا طول ما انت واخده بالك من الزيت بتاعه عمر ما حيحصل ليه حاجه الا لو تصميمه وحش و بيجو مش شركه صغيره علشان تطلع تصميم غلط في فتيس.
بالنسبه لقطع الغيار نفسها قطع غيار ال 405 بالضبط ما عدا الفوانيس الاماميه مختلفه و بعض اجزاء الموتور زي الجوانات و السيور و الحاجات ديلكن برضه مافيهاش مشاكل انما كعفشه او صاج او اي شئ ف عادي .
العربيه ال 2000 سي سي عموما بره كانت بتنزل انجكشن مش عارف الموديل المصري حيبقي انجكشن ولا كاربيراتير.
عموما مش فارقه كتير ال 2000 سي سي عموما استهلاكه عالي في البنزين لكن بيعيش اكتر من المواتير الصغيره و سحبه رائع.

[Mahmoud_405]

شكرا بس انا مش لنسة انا اسمي محمود مش هدي

[hazem_khidr]

شكرا بس انا مش لنسة انا اسمي محمود مش هدي

اسف يا محمود باشا انا قريتا هدي مش حوده

[Mahmoud_405]

شكرا بس انا مش لنسة انا اسمي محمود مش هدي

اسف يا محمود باشا انا قريتا هدي مش حوده

تتاسغ لية انا اللي غلطان كتيت الاسم غلط كان المفروض اكتبة 7oda
وشكرا مره تانية علي الرد المفيد

[waleedabbas]

البرستيج

البرستيج عربية جميلة
بالنسبة لاستهلاك البنزين هو صحيح 2000 بس مش عالى مش زى ال 504 ولا اى عربية 2000 طبعا وكمان البرستيج كلها انجكشن حتى المانيوال منها لو كربراتير تبقى مش برستيج وهو معدلها ممكن
1800 مانيوال او 2000 اوتوماتيك
وزى ماقالك الاستاذ حازم هو الفتيس طالما بتهتم بالزيت وبتحافظ عليه خلاص بس هو مش زى الفتيس الاوتوماتيك الحديث طبعا يعنى مش هتلاقى سحب العربية جامد لكن حلو طبعا
بس فعلا اهم حاجة تكشف ع الفتيس كويس لان فتيس الاوتوماتيك بعد 120000 بيكون تقريبا بيخلص فانت شوف اذا الراجل صلحه قبل كده ولا هو فعلا بيخلص ولو صلحه مش هيعمر برضه
اكشف عليه عند متخصص ضرورى وانصحك بالمهندس محمد صلاح 0122178463
ده رقمه
وبالنسبة لقطع الغيار هى اغلى شوية من ال 405 العادية لكن مقارنة بالعربيات الاحدث رخيصة طبعا
الموتور مختلف تماما يعنى قطع غيارة اغلى شوية بس موتور ماشاء قوى واحسن من ال 1600 طبعا والفوانيس مختلفة فى بعض الموديلات لكن ممكن يركب عليها الفانوس العادى
الاكصدامات مختلفة واغلى بكتير من العادية بس عادى انت مش كل يوم هتغير اكصدامات ربنا يحميهالك ان شاء الله
وربنا يوفقك هى العربية جميلة بساهم حاجة تطمن ع الفتيس عشان غالى بجد وياريت تروح لمتخصص زى الباشمهندس صلاح هيفيدك بجد لانه راجل ماشاء الله موسوهة فى البيجو

[Mahmoud_405]

الف شكر يا استاذ وليد

انا مش عارف اشكرك اذاي علي المعلومات القيمة دي وبجد انت وضحتلي حاجات كتير والف الف شكر.

[waleedabbas]

العفو يا باشا لا شكر على واجب
دى بس معلومات على قدى لو عندى حاجة تانية مش هتاخر ولو حضرتك عايز تعرف اى حاجة تانية قول وان شاء الله نحاول نفيدك