افيدوني عن peugeot 405 prestige 2l

[Mahmoud_405]

size=24]معروض عليا عربية Peugeot 405 prestige 2L automatic موديل 1998 فبريكة بره وجوه عايز حد يقولي رأية في العربية دي اصلي سمعت ان في مشاكل في الفتيس الاتوماتك بتعاها وهل قطع غيرها ذب ال 405 العادية والموتور ال 2000 سي سي يستهلك بنزين اكتر........
مع العلم ان العربية حالتها كويسا وعاملة 130000 كلم
و كنت عايز اعرف هي injection ولا carbrater [/size]

[أبو عبدالله]

اولا اهلا بك في المنتدى

ثانيا هي مش انجيكشن واستهلاك البنزين بيبقى عالي عن العربيات الجديدة عموما

اما عن الفتيس الاوتوماتيك فأنا اعرف انه في البيجو 406 مش كويس وبيعمل مشاكل فعلا وبيحتاج يتغير بسرعه يعني بعد 100 الف كيلو واحد صاحبي احتاج يغيره
اما عن البيجو 405 فلا اعرف انه زيه ولا لأ

وقطع الغيار غالية جدا بطريقه ملاحظة مقارنة بالعربيات المثيلة او اللي موجوده في السوق حاليا

[محمد ابراهيم 1]

أهلا وسهلا مع إحترامى
العربيه إنجيكشن ال405 1600 هى اللى كاربراتير وبالمناسبه 405 1600 إستهلاكها ممتاز جدا جدا بتوصل 300 كم فى الصفيحه
قطع الغيار رخيصه جدا بالنسبه للعربيات المثيله والكلام طبعا على 405 1600 لكن عموما قطع الغيار هى هى ما عدا حاجات الموتور والإكصدامات معرفش عنها حاجه لكن فيها ميزه إن قطع غيارها الإستيراد مغرقه الدنيا
وإستهلاك البنزين أقل من أوبل فيكترا 2000 لكنه عالى لكن لا تصح المقارنه بمحركات أصغر
بالنسبه لفتيس 405 الأوتوماتيك مسمعتش شكاوى منه لكن فيه زميل فى المنتدى معاه 406 وبيشتكى من فتيسها الأوتوماتيك وفى المقابل أعرف ناس كتير معاهم 406 ومفيش أى شكوى منه مطلقا وإن كانوا بيشتكوا من إستهلاكها المرتفع للبنزين والكلام على 406 2000 سى سى لكن معرفش هل هو نفسه الموتور بتاع 405 ولا لأ وفى ملاحظه تانيه إن 406 وزنها مرتفع بشده عن 405

[محمد ابراهيم 1]

أسعار بعض قطع غيار 405 1600



طقم بستم فرنسى بالشميز 1400 جنيه
طقم بستم فرنسى أوريجنال بالشميز 2400
طقم بستم تركى 1100
قمرات كرنك 4 قطع 100
طقم سبيكه 250
طلمبه مياه أصلى 350
طلمبه مياه ايطالى 100
طقم صباب 250
جوان وش السلندر 50
طقم دبرياج كامل فاليو 450 جنيه
سلك دبرياج 100
فلتر زيت أصلى 35
فلتر هواء 45
بوجيهات 1 شمعه 40
تيل فرامل أمامى 110
تيل خلفى 220
طنابير أمامى أصلى 220
فانوس أمامى فاليو 175
فانوس أمامى تركى 95
وش فانوس مصرى 20
فانوس اشاره أمامى 45
شنب تحت الفانوس 25
شبكه أماميه تايوان 85
فبر اكسدام أمامى 700
رادياتير ألمونيوم 750
رفرف أمامى تركى 110
4 أبواب استيراد كاملين بالفرش 1500
كبوت استيراد 400
مرأه تحكم داخلى أصلى 240
فانوس خلفى فرنسى 220
ترموستات تشغيل المروحه الأصلى 75
ترموستات فتح الميه الأصلى 75

[waleedabbas]

برستيج مش اجكشن؟؟؟؟؟؟؟؟؟ :shock: :shock: :shock:
استهلاك البنزين عالى؟؟؟؟؟؟؟؟؟؟؟؟ :shock: :shock: :shock:
قطع غيارها غالية؟؟؟؟؟؟؟؟؟؟؟؟؟؟؟؟؟؟؟؟؟ :shock: :shock: :shock:

[Mahmoud_405]

شكرا يا dido و يا وليد ويا ابو عبد اللة

الف شكر ياجماعة علي المعلومات دي بس انتوا مختلفين علي انها انجكشن ولا لا؟؟؟؟؟؟
وسألت ناس صحابي برده كان في اختلاف كتير فانا عايز اتاكد وعايز اسئال هي احسن ولا الانوس زيرو وال peugeot 405 prestige المفروض يبقي سعرها كام ؟؟؟؟ بالتقريب طبعا
والف شكر ياجماعة علي الردود دي

[أبو عبدالله]

بص انا هقولك على الخلاصة
البيجو عربيه محترمة وبرستيج وكل حاجه ولكن مكلفه يعني محتاجه عالطول فلوس وليست اقتصادية سواء من البنزين ولا اسعار قطع الغيار والصيانة وياسلام بقه لو في التوكيل كمان

وخلي بالك ان غالب قطع الغيار اللي مكتوبة فوق دي مش فرنساوي
يعني لما تيجي تشوف اسعار قطع الغيار الفرنساوي بتاعت العربيه هتلاقيها نار

يعني من الاخر لو مش فارق معاك المصاريف الزائدة بالنسبة لأي سيارة أخري مثيلة يبقى خلاص توكل على الله ولكن كلمة أخيره الفرق كبير بينها وبين السيارات المثيلة من حيث المصاريف عموما

[waleedabbas]

مفيش خلاف على انها انجكشن ولا حاجة لان اى حد عنده العربية هيعرف اذا كانت انجكشن او لا
البرستيج انجكشن سواء مانيوال 1800 او اوتوماتيك 2000
ال يقول مش انجكشن يبقى اكيد مايعرفش العربية اساسا وبيخلط بينها وبين ال 405 العادية لانها -العادية- كربراتير الكترونى
ثانيا ال 405 قطع غيارها رخيصة جدا ومعمرة وبتعيش معاك وتنساها وده عن تجربة اكتر من 15 سنة والعربية الحمد لله عمرها ماقلت معايا او عملت حركة مش مظبوطة ولا عمرى حسيت انى بصرف مصاريف زيادة بالعكس مقارنة بعربيات تانية مع اصحابى وقرايبى انا اكاد اكون مش بصرف على عربيتى الا الصيانات الدورية وبنسى العربية بعد كده
ويا استاذ عبدالله مع احترامى لراى سعادتك انا بقالى 15 سنة بتعامل مع العربية دى قطع الغيار ال مكتوبة دى هى معظمها اسعار قطع الغيار الاصلية وطبيعى انك ممكن تجيب فوانيس ومرايات واكسسوار عموما مش اصلى طالما مش هيضر العربية ف حاجة بالعكس انا مرضيتش اعلق ع الاستاذ ديدو فى حاجات كتبها اغلى من السوق ممكن تجيبها باسعار اقل من كده
ولو هتحب تجيب قطع غيار مش اصلية كمان هتكون ارخص من الاسعار اللى مكتوبة دى بكتير ويمكن فى حاجات هتكون اقل من الربع وعلى فكرة مش اصلية يعنى مش انتاج شركة بيجو بس هتكون فرنساوى برضه مش تايوانى ولا صينى

[محمد ابراهيم 1]

أنا معاك لأن الراجل اللى إسمه شراقى بتاع قطع الغيار ده حرامى وأسعاره غاليه

[hazem_khidr]

أهلا وسهلا مع إحترامى
العربيه إنجيكشن ال405 1600 هى اللى كاربراتير وبالمناسبه 405 1600 إستهلاكها ممتاز جدا جدا بتوصل 300 كم فى الصفيحه
قطع الغيار رخيصه جدا بالنسبه للعربيات المثيله والكلام طبعا على 405 1600 لكن عموما قطع الغيار هى هى ما عدا حاجات الموتور والإكصدامات معرفش عنها حاجه لكن فيها ميزه إن قطع غيارها الإستيراد مغرقه الدنيا
وإستهلاك البنزين أقل من أوبل فيكترا 2000 لكنه عالى لكن لا تصح المقارنه بمحركات أصغر
بالنسبه لفتيس 405 الأوتوماتيك مسمعتش شكاوى منه لكن فيه زميل فى المنتدى معاه 406 وبيشتكى من فتيسها الأوتوماتيك وفى المقابل أعرف ناس كتير معاهم 406 ومفيش أى شكوى منه مطلقا وإن كانوا بيشتكوا من إستهلاكها المرتفع للبنزين والكلام على 406 2000 سى سى لكن معرفش هل هو نفسه الموتور بتاع 405 ولا لأ وفى ملاحظه تانيه إن 406 وزنها مرتفع بشده عن 405

+1000 صح كلامك يا ديدو.عشره علي عشره.

ثانيا ال 405 قطع غيارها رخيصة جدا ومعمرة وبتعيش معاك وتنساها وده عن تجربة اكتر من 15 سنة والعربية الحمد لله عمرها ماقلت معايا او عملت حركة مش مظبوطة ولا عمرى حسيت انى بصرف مصاريف زيادة بالعكس مقارنة بعربيات تانية مع اصحابى وقرايبى انا اكاد اكون مش بصرف على عربيتى الا الصيانات الدورية وبنسى العربية بعد كده

كلامك صح يا وليد باشا بصراحه من احلي العربيات اللي موجوده في السوق و عربيات بتعيش و مفيش مشاكل ظهرت فيها .
الخلاصه:
العربيه انجكشن و بنزينها اقل من الاوبل فيكترا و مريحه جدا في السفر و قطع غيارها مش غاليه بالمقارنه بالعربيات اللي في نفس الفئه بتاعها مش فئات اصغر منها.
موضوع الفتيس دا انا شاكك فيه شوف الورقه دي الاول ولو طلع عيب في الفتيس قلل من تمنها الفين جنيه و روح اشتري واحد استعمال عن تجربه.
و لو عملت كده يبقي كسبت عربيه محترمه جدا جدا و برستيج عالي مش حيفرهولك عربيات كتير اعلي منها في الموديل و من شركات اسيويه.

[أبو عبدالله]

ال يقول مش انجكشن يبقى اكيد مايعرفش العربية اساسا وبيخلط بينها وبين ال 405 العادية لانها -العادية- كربراتير الكترونى

أسف يا استاذ waleedabbas انا فعلا قصدي على العادية مش البرستيج

ولكن انا عند رايي ان قطع الغيار نار

اما عن وجود مشاكل في السيارة فأنا لا اعلم عن البرستيج شئ ولكن موضوع الفتيس بتاع البيجو 406 انا على استعداد اديلكم تليفون زميل لي بيركبلها فتيس الأيام دي وواقفه اكتر من شهر بسبب الموضوع ده

ومتهيألي ان في واحد في منتدى البيجو معاه واحده وقال بنفسه

[محمد ابراهيم 1]

يا أستاذ أبوعبدالله وجود مشكله فى فتيس عربيه أو إتنين لا يعنى إن كلها معيوبه لأن الفتيس الأوتوماتيك زى ما حضرتك عارف بيحتاج معامله خاصه قد لا تتوفر المعلومات عنها عند الناس
أخويا مثلا راكب عربيه أوبل أوتوماتيك وحصل إن أولسيه الكوبلن اللى ناحيه الفتيس ضرب فأدى ذلك مع الوقت الى تسرب الزيت وما أدراك ما تسرب الزيت فى الفتيس الأوتوماتيك
ونتيجه لأن أخويا ما يعرفش أساسا أن فى مقاس لزيت الفتيس فى العربيه فالفتيس باى باى وغيره
وبعدين العربيات البيجو عامه عربيات عظيمه الشأن ولا تقل عن أى عربيه تانيه فى حدود أسعارها وبستند على خبره كبيره جدا تقترب من المائه عام
وبالنسبه لقطع الغيار بتاعه 405 إنت مصمم إنها غاليه لكن الحقيقه إنها مش غاليه أبدا ولو حضرتك مش مقتنع هات لى سعر أى 5 قطع غيار من أى عربيه ونقارنها بأسعار نفس قطع الغيار بتاعه 405 وحتلاقى إنها مش غاليه
وبعدين أنا فيه واحد زميل معاه تويوتا كرولا وبرضه فتيسها الأوتوماتيك بايظ هل ده معناه إن فتيس التويوتا وحش ؟
أنا أعتقد إن حضرتك لو ركبت عربيه بيجو (بس من بتوع بره ) حتغير فكرتك عن العربيات دى خالص

[hazem_khidr]

بص يا حوده خلاصه الكلام:
البيجو عربيه كويسه و البرستيج بالذات عربيه محترمه جدا جدا جدا و اتحدي اي انسان يقول غير كده.
علي الاقل بالنسبه لمصر و الناس اللي جربوها في مصر هنا و قايلين فيها اشعار.
هاتها و ما تقلقش منها خالص زي ما عاشت حتعيش اكتر كمان ان شاء الله

[شريف]

وبالنسبه لقطع الغيار بتاعه 405 إنت مصمم إنها غاليه لكن الحقيقه إنها مش غاليه أبدا ولو حضرتك مش مقتنع هات لى سعر أى 5 قطع غيار من أى عربيه ونقارنها بأسعار نفس قطع الغيار بتاعه 405 وحتلاقى إنها مش غاليه
وبعدين أنا فيه واحد زميل معاه تويوتا كرولا وبرضه فتيسها الأوتوماتيك بايظ هل ده معناه إن فتيس التويوتا وحش ؟
أنا أعتقد إن حضرتك لو ركبت عربيه بيجو (بس من بتوع بره ) حتغير فكرتك عن العربيات دى خالص

طب مادام قطع الغيار رخيصة ممكن اعرف العربية 405 تساوى كام
قول مثلا 95
وهل فى اى اختلاف بين موديل 89 و اخر موديل (اعتقد 2005)

[أبو عبدالله]

أنا أعتقد إن حضرتك لو ركبت عربيه بيجو (بس من بتوع بره ) حتغير فكرتك عن العربيات دى خالص

حضرتك انا ركبت وانا عارف كويس

لأنها مع كذا واحد من صحابي ولا بسمع اسعار قطع الغيار هما نفسهم بيشتكوا

ومتهيألي ان حضرتك لوفتيس التويوتا او غيره باظ ولقيت نفس المشكلة انه عاوز يتغير كله عند حد تاني ولقيت كذا واحد بيقول الكلام ده يبقى لا جدال ان فتيس التويوتا الاوتوماتيك مش كويس وده حاجه مش هتزعلني يعني

زي الأوتوماتيك بتاع النوبيرا بالذات معروف عنه كده ولكن مش معناه ان كل العربيات اللي ماشيه فتيسها بايظ ولكن ده معناه ان في احتمالات كبيره أنه يبوظ لأن دي بتبقى مشكلة في صناعته