نفسى اجيبها وخايف 207

[Ahmad Shawky]

هو حضرتك حجزتها منين وهى هتوصل امتى مصر ؟

وكمان حضرتك فى مصر ولا فين ؟ لانك بتتكلم باليورو ؟

وكمان ايه اخبار الجنوط وفتحت السقف؟

يا باشا انا فى مصر وهيه بتتباع فى اى حته فى العالم باليورو حتى فى مصر ودى حاجه كويسه علشا نتستغل اليورو لمه ينزل وتشترى زى مانا عملت وانا يا سيدى حجزتها فى معرض بيجو فى م نصر
وعلى فكره انا رحت الناهرده عديت عليه لقيت التوكيل الى جنبو جاب 207 الخليجى جامده طبعا بالوبشن الزياده الى فيها مش موجودى فى الى حجزتها بس متستهلش السعر بتاعها لانها عامله 143 الف
والزيادات الجنود 16 فتحت سقف
البلوتوث والفوج ليت والطاره الجلد والتكيف ال,توماتك
بس شكل العربيه من بره تحفه وطبعا هوه هوه نفس الشكل الى هجيبو
ابقو تعالى نتفرج عليها تانى
ونور كمان يجيى معانا
وعلى فكره زى مقالك نور احنه نزلنا شوفنا انا وهوه الفيابيا والبولو والسيراتو لانى كنت بفكر فى ال3 لقيت العربيه من جوه رديأه للغايه ومش مخدومه خالص
فصرفت نظر عنهوم تماما


وانا برض تحت امرك فى اى سؤال

[Nour_Peugeot]

انووو و انا تحت امركم في اي وقت

[Ahmad Shawky]

نسيت اقولكم حاجه الخليجى بتنزل 120 حصان والtrendy الى من التوكيل 110

[moono]

انا للاسف اتصلت النهارده بمركز الخدمه (الرقم السريع ) بتاع شركه بيجو

وقالى انى بحجز العربيه بدفع 50% منها وبعد الحجز ب 3 شهور على الاقل وخلى بالك من كلمه على الاقل دى .

بستلم العربيه

والمفاجاءه بقى انى بحاسب على العربيه بسعر اليورو وقت الاستلام
مش وقت الحجز

فكلمت واحد قريبى شغال فى بنك الاسكان قالى ان سعر اليورو اهبل بينزل جامد قوى وبيزيد بسرعه تانى

يعنى مش معنى انه الوقت ب 7.10 معنى كده انه لسه هينزل

بامانه انا بحب العربيه جدا وكنت خلاص استقريت عليها


بس اتعقدت من كلام الوكيل

وكمان سالت على كماليتها قالى اتنين ازاز كهربا بس
طبعا حاجه وحشه جدا

يا ريت يا احمد تقولى فعلا انت عارف الكلام ده ولا لا ؟

[moono]

وشكلى كده لو اتعقدت من البيجو رغم عشقى للماركه دى

هجيب الماتريا

ايه رايكم ؟

[Ahmad Shawky]

وشكلى كده لو اتعقدت من البيجو رغم عشقى للماركه دى

هجيب الماتريا

ايه رايكم ؟

بص يا باشا ده قرارك وربنا يوفقك فى الماتريا
بس انته سألت غلط انا واحد لسه حجزها من 3 اسابيع تروح تسأل انته حد تانى ليه ؟؟؟؟؟؟؟؟؟؟؟
الوكيل فى م نصر
الدفع 10 الف مقدم
والباقى عند استلام العربيه
باليورو او ما يقابله مصرى
يعنى زى مقولتلك روح حول يورو دلؤاتى وخليه فى بتكم زى مانا عملت
2 ازار كهربه ده حقيقى بس مش دى الحاجه الى هتخلينى اروح اشترى ماركه تانيه انا بشترى موتور مش ازاى كهربه فى عربيه فيرنا!! الى ممكن يتركب
الحاجه الاخيره الستلام بعد شهر ونص مش 3 بس الراجل بيقولى 3 علشان فى زباين لو اتاخرت العربيه يوم واحد عن الشهر ونص بيجو يتخانقو دى الفكره مش اكتر

وربنا يوفقك فى الماتريا ان شاء الله

[askoda]

Go for Materia :)

[Nour_Peugeot]

كلام احمد مظبوط و انا كنت معاه لما رحنا استفسرنا

و هو حجز و ان شاء الله هيستلم كمان شهر

[mohamed_mohsen]

2 ازار كهربه ده حقيقى بس مش دى الحاجه الى هتخلينى اروح اشترى ماركه تانيه انا بشترى موتور مش ازاز كهربه فى عربيه فيرنا!! الى ممكن يتركب


وربنا يوفقك فى الماتريا ان شاء الله

طب ليه الغلط طيب؟
:k30:
علي فكره برضه انت في الفيرنا بتشتري ماتور برضه

[PoweRPassioN]

طب ليه الغلط طيب؟
:k30:
علي فكره برضه انت في الفيرنا بتشتري موتور برضه

دا اللي ف الفيرنا الموتور
بجد احلى حاجه فيها
ولا تزعل نفسك

[محمد ابراهيم 1]

أنا أرشح لك 207 وادخل عالم تانى من الدلع

[Ahmad Shawky]

ألعمليه فى الأخر ازواق وجهات نظر

[moono]

انا بحب البيجو جدا والله كان نفسى اركبها

بس اولا انا مش مقتنع انى احجز العربيه وتجيلى بعدها بفتره

ثانيا انا من دمياط مش القاهره
ومفيش عندنا صيانه للبيجو خالص يعنى لازم انزل كل محتاج اعمل حاجه القاهره وطبعا مشوار جامد

ثالثا : حتى فى القاهره قطع غيار الاستيرااد مش موجوده ليها
سالت على قطع غيارها فى التوفيقه محدش بيسمع عن العربيه اصلا

حتى الميجان لاقيت سعرها حلو وامكانيتها جامده جدا من جوا وحش بجد

بس برضه الفرنسى كله صيانته فى الاقاليم صعب وطبعا كمان اعاده البيع

[moono]

انا بعض المقارانات الى عملتها

توصلت لاتنين دول

تريوس بلاتنيوم مانويل 118 الف

ماتريا فول اوبشن 109 الف

ياريت رايكم بسرعه يا ريت

انا ناوى اخلص الاسبوع ده ان شاء الله


واهم حاجه ثبات التريوس ؟

[محمد ابراهيم 1]

لو استخدام أرياف ومطبات وكده يبقى تيريوس
لكن استهلاك البنزين فيها عالى شويه وكمان الثبات مش 100 100 زيها زى كل 4×4
لكن فى المقابل عربيه عاليه وقوة تحمل وشكلها كويس